復活節假期後第一日，有錢佬請食午飯，埋單時問點解貴了咁多，經理話百物騰貴，想唔加價都唔得，加10%已經好忍手，否則仲要加多5%。
返到公司，同事話今日茶餐廳加了價，而且加幅不少，叫我識做。我話識鬼識馬，美國加咁多利息，賺埋都唔夠畀息。現在日常生活必需品物價升幅不少，收入跟唔上，似乎衰退無可避免，希望只是輕微衰退，唔好進入深度衰退或者蕭條，否則就大件事。
今次各項消費加價不似往年，以往是逐少逐少加，今次都唔理三七廿一，大刀闊斧咁加，唔加價做埋都未夠成本，老實說，香港還好一點，美國通脹非常驚人，不少人即使不斷降低生活質素，但仍然不能避免債台高築，老實說，我都唔明白美國政府諗乜嘢，明知取消關稅可以降低通脹，但死都唔肯做，寧願加息，用加息壓通脹是非常痛苦的事，因為在通脹未下降之前，一定要經歷衰退甚至蕭條，一不小心，美國就會出現動盪，唔通美國政府諗唔到。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
茶餐廳加了價，而且加幅不少，叫我識做。我話識鬼識馬，美國加咁多利息，賺埋都唔夠畀息。現在日常生活必需品物價升幅不少，收入跟唔上，似乎衰退無可避免，希望只是輕微衰退，唔好進入深度衰退或者蕭條，否則就大件事。