地產博客 > 文亮言 返回
瀏覽人次:15177    回應:5
文亮言

在海外買樓,不要借錢

 

湯文亮博士

紀惠集團行政總裁
2022年4月5日

  不久之前,有老友問我有冇在海外置業,如果有,有冇借錢,我話在曼克頓、北京、吉隆坡都有,台北與星架坡的賣了,我買的時候樓價不高,所以沒有借錢,當時我沒有借錢的原因主要是那些地區的利息都比香港高,雖然收租回報亦唔錯,但點解唔响香港借錢,無端端俾當地銀行收取高息,在海外借錢買樓,萬一當地匯率急升,豈不是每一期的供款自動增加,如果當地匯率急跌,好似日本現時情況,即使供款減少,但匯水損失慘重,一樣得不償失。

  老友話我沒有考慮風險問題,萬一物業被當地政府沒收,如果沒有借錢,豈不是Total Loss,而且在當地借錢,可以買多幾個單位,在按揭方面,中介可以安排,絕對冇問題,或者老友講得啱,但我始終認為海外物業只是一個保險,不適宜有按揭,我在香港亦曾經買入不少海外業主的物業,有一個共通點,就是沒有按揭。

  歐美借俄烏衝突沒收俄羅斯人財產,中國人亦應有所準備,倘若中國不依照美國的意思制裁俄羅斯,歐美同樣可以用對付俄羅斯的方法制裁中國,沒收中國人在歐美資產,與此同時,那些借了錢買樓的人可能被當地銀行追討欠債,所以,有不少已經移民海外的香港人,近日匆匆將手上物業賣走,將資金調回香港,寧願在當地租樓住,否則的話,一日揸住層樓一日都會心驚膽跳,一覺瞓醒,層樓不屬於自己,銀行派人拍門追收欠債。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2022-04-05 16:33:44
中國和平崛起,怕乜歐美制裁。
怕就去大灣區喇,依排二線打後都跌緊,一線邊都有部分跌,睇定準備開關就上嚟睇樓。
2. 十一哥 2022-04-06 11:05:37
刀刀 仲跌?之前落咗疊嘅點算好?
崛起…地球跎地會同你和平咩?咁嘅智力…怪得要雌伏啦!
3. 引刀一快 2022-04-06 12:37:38
十一座順嫂


之前落疊果啲,依家可以一換一買港樓喇,早早聽我講買大灣區,尤其一線邊果啲,未必肯換𠻹呀。

十一座順嫂,真係配合,又送廣告時間俾我,抵錫!
4. 十一哥 2022-04-06 21:21:11
刀刀幾時有提過一線貴口貨,一向都係氹人話幾千蚊一方嘅山旮旯,都係嘅…一線靚貨…使乜要老千去氹水魚,而家就係刀刀D強項…山旮旯筍嘢…預咗留嚟傳世。
5. 引刀一快 2022-04-07 00:38:22
十一座順嫂




我推薦香港老百姓,梗係推薦啲有so有CP值嘅嘢,學你咩,俾山埃,哈哈哈哈😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃😃