在過年之前，我話虎年香港股市開紅盤，不少人唔同意，認為收市當日的成交量太少，不符合角動量守衡，雖然股價上升但不能反應現實，況且在年尾前有業主劈價賣樓，代表樓市在過年後會下跌，樓市下跌，股市亦很難獨善其身，虎年應該唔會開紅盤。
在年尾始終會有一些業主等錢用，在年尾賣樓一定會受到買家壓價，所以出現一些低價成交亦不出奇，個別個案並
不能夠說成樓市會大跌。雖然在利息上升，地產商的庫存太多影響下，香港需要時間在疫後復甦，但並不代表樓市會大跌，不多於10%的調整或者會有，如果疫後甦進度理想，美國加息步伐緩慢，樓市唔跌亦不出奇。
如果有人在年尾等錢用的話，最直接了當就是賣了手上股票，所以，股市在年尾幾日，尤其是最後一日，如果是成交量大，莫講股價下跌，就算上升都唔會是好事，代表有很多人等錢用，反過來說，如果成交量少，即使股價下跌亦不是太壞，如果上升就最好，代表等錢用的人不多，即使股價上升亦不賣，在牛年最後一日，恒指上升250點，成交量只得650億，這是一個極好訊號，如果虎年唔可以開紅盤，真係要燒相書。
今年股市是非常不尋常，足足休假三日半，對一般投資者而言，是會沽售部份手上股票，減低自己壓力，因為唔知道美國那邊會發生什麼事，如果ADR大跌，豈不是逃生無門，除非是手頭上很鬆動，或者對股市極有信心，所以，過年前交易日成交量低是極好訊息，不過，世事無絕對，大家對股市有不同意見，正是百花齊放，對投資者是一件好事。
App下載
