地產博客 > 文亮言 返回
瀏覽人次:10934    回應:16
文亮言

誰主宰香港樓市升跌

 

湯文亮博士

紀惠集團行政總裁
2021年9月12日

  有評論員不時話樓市會下跌三成,雖然是一番好意,但亦令到不少人錯失了買樓的黃金機會,其實,香港樓市升跌並不是掌握在香港人手裡,是否很奇怪。

  有不少人認為,移民潮會令樓市大跌,如果冇人移民,樓市就不會跌,怎麼不算是掌握在香港人手裡。現在香港的確有不少有樓的人移民,但他們不賣樓,所以樓市沒有下跌,原因是他們知道,用BNO去了英國之後,要等五年才可以申請移民,如果到時英國政府宣布取消BNO移民計劃,他們就要返回香港,所以,一日未正式申請英國移民,一日都唔敢賣樓,所以,主宰香港樓市下跌的應該是英國,如果英國允許用BNO的人可以立刻申請移民,相信有不少香港人立刻賣樓移民,多人賣樓,香港樓價怎能不跌。

  至於樓價上升,同樣不是掌握在香港人手中,很多人會認為從國內來的購買力,主宰香港樓市上升,的確冇錯,但國內的購買力不一定要在香港買樓,他們可以在美國、英國、加拿大、澳洲等地方買樓,在以往有不少實例,但自從美國手舞制裁大刀之後,國內人不敢在歐美、甚至星加坡買樓,因為如果被美國制裁,在未有結論之前,首先是凍結資產,即使受制裁的最後發覺是無辜,資產亦不會咁容易解凍,除非繳付大量罰款,既然有此憂慮,國內人就不會考慮在歐美國家買樓,所以,香港樓市上升是因為美國可以隨時凍結被制裁人士的資產,如果美國擔保話即使某人被制裁,亦不會凍結他的資產,國內人夠膽在歐美國家買樓,香港的樓價想升都難,如此來說,香港樓市是否能夠上升是掌握在美國政府手裡。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 淡友真面目 2021-09-12 10:59:53
廢淡話港樓升原因係業主去買樓,總之你有能力買佢買唔起,就係你唔啱,係(抄)樓,呢D人連炒字都唔識寫,乜叫炒樓都未知,有樓就咀咒佢,廢即係廢。
2. 引刀一快 2021-09-12 11:55:56
如果香港冧,一定影響大陸樓市,所以阿爺會挺港樓,兩三個政策就挺住,好容易。
最怕就係大陸爆咗先。
3. 樓者的 2021-09-12 13:47:31



誰主宰香港樓市升跌......香港購樓者的心態......



4. WWSG 2021-09-12 13:48:54
清晰,穩定,超長不變的政策,是樓市的脊樑。

5. Hongkonger 2021-09-12 14:32:21
使用BNO進入英國當日,香港出租物業收入就開始要交英國税,或許用BNO去英國但不賣樓的人不知道。
6. 有D人心地唔好,眼紅業主 2021-09-12 15:28:36
誰主宰香港樓市升跌?

一定冇呢班拜神唔見鷄的(9叫淡)份兒,叫下叫下又8年,廢淡一代接一代,今天有90後,00後接你支咪繼續9叫,80後踏入四張野仍然係冇樓,怪誰?

80後 2013-07-18 06:12:23
謝國忠一定會講中,你班業主醒目啲啦,盡快沽貨離場,至係英明,宜家根本冇買家,剩低首置用家,地產市道必十分慘淡,樓價跌4-5成,好閒啫!

80後 2013-07-18 06:12:23
謝國忠一定會講中,你班業主醒目啲啦,盡快沽貨離場,至係英明,宜家根本冇買家,剩低首置用家,地產市道必十分慘淡,樓價跌4-5成,好閒啫!
7. 好文重温,每個年代都啱使 2021-09-12 16:00:18
亮劍 2014-06-10 14:11:25

我做人的宗旨,係有嗰句、講嗰句,「世事豈能盡如人意,但求無愧我心」,就是我的座右銘。

本人身邊有些朋友,都成四十幾歲人,但為何俾佢攪足十幾年都上唔倒車,或落完車之後都再上唔返車?

根據小弟觀察,唔係他們揾唔到,無首期或供唔起,而係佢哋心術不正!

道理真係一字咁淺,某些心地唔好嘅租住等 / 淡等 / 淡淡每天擰開電視機,最希望看到是甚麼新聞??

唔使我開估,大家都知當然係大陸 D 經濟福佳含包散;地區債務爆大鑊;中國GDP 跌到變負數啦!

世界 D銀行就輪流出事破產;美國十年期債息就爆升到十幾弍拾厘!

香港的恆指跌到不似人形剩下幾仟點;啲自由行旅客就消失到無影無蹤!

地產商資金鏈相繼斷裂,旗下嘅新樓賣唔去要劈到百零萬一間清貨!

各大小業主大範圍地失業,餐餐要去老麥食 2手包,跟住要跳樓、燒炭同割脈!

全港業主都要不問價沽自住但求甩身-----

如此這般呢班友咪可將風險轉移,自己上車嘅風險便可減到最低!

咁攪法如同將自己的幸福,建立在別人的痛苦身上!

要是咁樣都成世界,那天理何在?

你要是每日都想埋呢 D 衰嘢,自身就會充滿負能量,那好運又怎降臨在你的頭上?

天作孽猶可恕;自作孽不可逭,天理循環,報應不爽!

共勉之------

8. 淡友真面目 2021-09-12 16:41:32
咁嘅水平,自稱係測量師,未夠50已經財務自由喎,信焉?

乜春 2019-03-24 12:39:57
無人囤積無人炒,樓價點會升?影响民生都唔理?最好政府連米價都唔干預,任人炒起,餓死人就關人。
9. Ks 2021-09-12 17:24:11

亮劍兄七年前文章,正合眼前光境。

“心術不正” ,說得對極了。

10. 有D人心地唔好,眼紅業主 2021-09-12 18:40:14
00後,90後,80後,越大年紀越廢,越冇希望。

原帖由 Sohaboy 於 2021-9-1 08:53 AM 發表 0
唔知幾時開始,90後00後,不斷埋怨要人人有樓住,但佢地付出過d乜?係0…
日日叫要自由,但又要批鬥有樓既人,有樓既人就係奴,係仆街…要共產…要人人有樓住…
11. 鳥6 2021-09-12 21:35:27
主宰香港樓市的,其實係一股挾淡倉的巨大力量。
香港樓市如鳥5之流的淡友實在太多,

悲觀情緒未消耗完,香港樓價走頭無路,只能上升。
12. 十一哥 2021-09-13 10:12:52
通街銀紙、有邊位神仙可以指條好路 ? 講磚頭…有邊個大錢袋出海揾到好過香港嘅 ?

13. 引刀一快 2021-09-13 18:16:57
通街銀紙、有邊位神仙可以指條好路 ? 講磚頭…有邊個大錢袋出海揾到好過大灣區嘅 ?
15. 鳥6 2021-09-14 19:06:38
大灣區地產市道出咗大事,已經崩潰。恒大萬科富力,不自量力,不務正業,欠債累累冇錢還。

大灣區出現大批爛尾樓已經係常識。

16. 鳥6 2021-09-14 19:13:34
本港地霸比大灣地霸有錢有實力得太多,冇得fight.   大灣地霸的財技仍然停留在小學鷄的程度, 不堪一擊。
17. 鳥6 2021-09-14 19:27:30
潮退的時候,邊個冇著褲一目了然。 香港的REITs 如領展,陽光,置富(778),冠軍(2778),及一衆本地地產股財務穩如泰山,大把現金,派息準時,一手樓加樓一樣大把人爭。 

大灣內房就大大鑊。從地產股的走勢已經知道本港樓市冇得輸。