地產博客 > 文亮言 返回
瀏覽人次:16395    回應:6
文亮言

去大灣區不如去山區工作

 

湯文亮博士

紀惠集團行政總裁
2021年5月12日

  有開塑膠廠的老友兒子在國內清華大學畢業,與在香港大學畢業的不同,早已有不錯的工作等候。如果去大灣區工作,機會以及薪金都很好,但竟然被老友的兒子拒絕,老友於是向我求救,希望我可以說服他的兒子去大灣區工作,我聽完之後一口拒絕。

  我記得在2003年沙士肆虐時,有老友正在讀醫的女兒,雖然仍未畢業,但主動申請入醫院工作,嚇到老友魂飛魄散,叫我勸他的女兒,我亦一口拒絕,反而勸老友打開心屝讓女兒到醫院工作,發揮南丁格爾精神,否則他的女兒會怨他一世。到今日,老友話好彩當日有俾女兒到醫院工作。

  原來老友的兒子是要去山區教兩年書,薪金只得幾千元,工作時間很長,幾乎沒有休息時間,所以老友唔主張兒子去山區工作。

  我同老友講,中國山區好似塑膠廠水口料,如果唔加以利用就是浪費,入山區工作如循環再用那些水口料,老友當然明白,如果一間塑膠廠對水口料不加以利用,隨時可以由賺變蝕,大家千祈唔好睇少去山區工作的人,中國能夠進入小康,他們是功不可沒,對於個人來說,去山區工作兩年比讀一個碩士還要好。我了解到中國政府以及一些大企業,對曾經去過山區工作的年輕人會給予更多機會,希望老友唔好阻撓他的兒子去山區教書,否則有可能會被兒子埋怨一世,老友話明白,去山區工作總比當日入醫院工作的醫科學生安全,既然當日有醫科學生自動請纓到醫院工作,今日又點敢阻撓兒子,我話不但不要阻撓,仲要加以鼓勵。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2021-05-12 09:31:17
睇下去邊度嘅山區,廣東山區,日日有靚嘢食,開車出市區又快,喺山區個個敬重,分分鐘娶個花魁𠻹。
2. 引刀一快 2021-05-12 09:37:03
如果係去內地山區,咁就相對刻苦啲,不過,只要有電有電話訊號,同埋有抽水馬桶,其實冇咩真係咁難頂,山區大把好嘢,最緊要識得享受。
3. 龍虎豹 2021-05-12 09:49:07
應該係“水口料”。
4. 龍虎豹 2021-05-12 09:52:05
Sorry,睇錯“口水”,

博士正確。
5. 元朗湾区人 2021-05-12 10:36:10
去山区工作是一种磨练。

讲真,就算种地,需要解决的问题也很多,科学,人事。

而家玩,无人机喷药,自动供水…机械収割。

当然,香港井,见到的天有限。 习惯抄西方当聖经。
6. 引刀一快 2021-05-12 13:52:09
灣元

就算讀農務系,都係喺實驗場種嘢,村官教師又點會落田種地,新鮮菜食唔嗮就會。愛兒識字敬先生,啲農副產品仲正,田鼠、黃鱔、青蛘、夜遊乜都有,不過,田雞係二級保護,唔食得。