地產博客 > 文亮言 返回
瀏覽人次:19653    回應:1
文亮言

代筆,不。

 

湯文亮博士

紀惠集團行政總裁
2021年4月29日

  作為一個定時在報章雜誌發表文章的人,如果被人問文章是否由其他人代筆,會覺得是侮辱,不過,凡事都有例外,我記得在十多年前,我開始在報章雜誌寫地產文章,當時我用了一個比較新穎方法,就是用歷史解釋香港地產,有不少人問我是否由別人替我寫,我會話不但唔覺得是侮辱,甚至覺得是恭維,因為文章一定寫得唔錯,畀人覺得是搵人代筆,自此之後,冇人懷疑我搵代筆,因為文章寫得太差。

  有老友問我讀大學時,有冇搵人代筆寫論文,佢知道有不少有錢仔都會搵人代筆,我話替人寫就試過很多次,搵人代筆就未試過,做代筆有一個守則,就是不能寫得太好,否則會惹人懷疑,當然又不能夠太差,連煮熟了的雞蛋可以孵出雞仔都可以寫得出來,那個代筆抵打屁股,搵人代筆的人已經一身蟻,唔需要打屁股。

  大家唔好以為一定是搵別人寫的文章才是代筆,有不少評論員引用其他大行的分析資料,作為自己分析理據,例如有評論員話,在英國實施BNO計劃之後,有大行分析指出,香港人賣樓走資2800億港元,涉及大約是4萬個單位,供應增加,樓市必定會大冧,但昨日彭博已經將走資金額降至1500億,涉及樓宇供應量亦會大幅下跌,樓市大冧的機會亦減弱,撰文指出樓市會大冧的評論員一定不會承認是自己錯誤,他會話是大行分析錯誤,即是話大行是代筆,沒有潤筆費的代筆。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2021-04-29 13:54:15
今時今日,揾代筆非常冒險,唔小心揾著啲兩頭蛇,觀點立場自相矛盾,一時歌頌領導,一時揶揄領導,一時又話表叔幾咁威,一時又話表叔瞓橋底,俾人拉都似呀。