今午在海濱長廊跑步，有一個跑友放慢步伐同我跑，佢問，如果要做一個成功投資者，首要條件是什麼，我話易講難做，就是要獨斷獨行，不少人在買樓之前，左問問，右問問，結果俾人嚇到唔敢買，亦有一些有錢人，在買一個大物業之前，會成立一個委員會，除了自己的伙計之外，仲會搵律師，測量師，會計師等一起討論，成功的投資者會聽完分析之後，自己做決定，但更多人聽完之後，猛問委員會內的人有冇風險，老實說，投資同風險是同義詞，投資物業又點會冇風險，那些乜師物師，甚至將風險誇大，最後是買唔成，但又不能怪他們，如果話冇風險，賺錢又唔會分俾他們，蝕左錢就孭大鑊。
政府買中國疫苗，同樣是成立委員會，理由是高官唔想孭飛，委員會內的人亦知道，政府是搵他們孭鑊，所以一定要齊晒所有數據，否則就唔會同意，就算有齊晒所有數據，委員會可能又話數據未能說服他們買中國疫苗，說到底他們是不想推薦，因為如果出事，政府官員冇事，委員會內的委員就孭大鑊了，搵人孭鑊是政府一貫作風，所以，很少官員因問責而下台，這才是為官之道。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
功的投資者會聽完分析之後，自己做決定，但更多人聽完之後，