地產博客 > 文亮言 返回
瀏覽人次:11517    回應:8
文亮言
樓市專家話樓市升,樓市未必升
 
湯文亮博士
紀惠集團行政總裁
2021年1月5日

  有老友睇到我昨日在明報講今年樓市預測,話我拾人牙慧,在過年前有報章已經訪問了50位樓市專家,其中大多數話樓市今年會上升,只有4位話樓市下跌,我遲來的預測其實沒有意思。

  老友有所不知,我也是地產界中人,大家睇法相似又有什麼問題,報章的訪問是有多少取巧,報章話訪問了50位專家,但沒有講是什麼專家,如果那50位專家包括各個領域,而大家又認為樓市上升,樓市上升機會的確會大過下跌,但如果報章話這50位專家是樓市專家,他們的說話又未必可信,所以,報章做樓市預測,應該搵各個領域的專家,而非樓市專家,是有反效果。

  老友話一百個唔明白,樓市專家講樓市反而不準確,我叫老友睇清楚那50位樓市專家,有地產商的售樓部主管,有物業代理,測量師,連獨立樓評人亦欠奉,而大家亦明白,他們是賣樓的,做物業中介的,又點可以話樓市下跌,就算明知會跌,都只會話樓市平穩發展,他們並不是不想講真話,非不為也,實不能也,一般市民都知道他們有為難之處,但當他們講真話,反而無人相信。

  所以,我認為那些專家應該預測今年樓市下跌,但結果上升,市民就會認為他們的預測太保守,當明年他們預測樓市平穩,市民就會認為樓市即將上升而入市,多了人入市,樓市自然會上升,專家的預測又一次不準確,老實說,預測是否準確是不重要,最緊要是賣到樓,不過,這樣做有一個難關,老闆一定唔鍾意,賣樓的人講樓市下跌,是否食碗面反碗底,所以,樓市專家會繼續預測樓市上升,這是樓市的物業不變定律。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 鳥5 2021-01-05 17:43:59
咁咪係:專家為贏家服務囉!5係為大民服務Law!個個中個個贏錢!咁錢從何來呢?哈哈哈!
2. 鳥5 2021-01-05 17:50:48
不過專家都要個人之處!過亞媽原來女人。。。李十X。不嬲5覺得佢係專家!佢D商業行為係大贏家!97前均價最平入!均價最高出!
3. 引刀一快 2021-01-06 01:38:30
所謂專家,人地嗌,夠膽應就得㗎嘞。

4. 十一哥 2021-01-06 08:28:49
雀仔  1+1未必係2、08年到18年買磚頭真係幾乎個個贏…錢從QE來囉、人…C L哽係絕對唔洗預測、但一味擔心就係笨7、住得係森林預咗有機會火燭、但唔敢熟睡發下綺夢..打定哂包等走火又點生活。
5. 專家愈唱好樓市愈跌 2021-01-06 12:01:45
老闆比咁多錢唱好,梗係有原因!
6. 鳥5 2021-01-06 12:47:16
參與立會初選涉顛覆國家  戴耀廷等逾50泛民遭國安處拘捕

https://hk.on.cc/hk/bkn/cnt/news/20210106/bkn-20210106065646809-0106_00822_001.html

更多勁爆猛料,請下載《東網》APP:
http://bit.ly/2w9ebqD
7. 鳥5 2021-01-06 12:50:28
拭目以待,終於等到今日!著西裝,千街坊!三五成群,四為害人!日日鬼殺咁嘈!Lee班倫文敘,柳先開!有今日!
8. 鳥5 2021-01-06 12:56:00
根本玩電子公投,五區公投!就應該要拉!當日唔夠料切,都要切住先!搞到今日咁!唉!係咁不停畀人偷換概念!搞到班後生,坐監都未知咩因由!