地產博客 > 文亮言 返回
瀏覽人次:17155    回應:13
文亮言

現在脫鉤如袁紹之流

 

湯文亮博士

紀惠集團行政總裁
2021年1月3日

  最近有很多人去超市買日用品,發覺不少進口貨品價錢上升超過一成,有老友同我講,現在美元太弱,而港幣與美元掛鉤,自動變的弱雞,香港人要捱貴貨,唯一可以做的事,就是與美元脫鉤,港元轉強,進口貨品價格自然會下跌,對大眾市民都有利,但唔知點解,冇學者或者分析員提出港幣與美元脫鉤,是不是驚美國制裁。

  我話唔好講到制裁咁大件事,學者同分析員都是做大事的人,如果為了進口貨品降價而脫鉤,就會被人話香港人是袁紹之流,點解,昔日曹操與劉備煮酒論英雄,講到袁紹,劉備話袁本初四世三公,當今之英雄,曹操話四世三公只是食老本,如何稱得上當世英雄,其實,袁紹為人見小利而忘義,做大事惜身,倘若香港人只是希望進口價格而脫鉤,是見小利而忘義,這與袁紹有什麼分別。

  老實說,脫鉤是大塊文章,我真的唔識寫,現在港幣與美元掛鉤,利息接近零,但如果與美元脫鉤,進口貨是可以減價,但利息就會飆升,為了貨品減價而要付高息,是否值得就見仁見智,除此之外,若非受到新冠疫情影響,國內應該有不少人在港買樓,其中一個原因是港幣紙水大跌,他們九折找數而已,倘若脫鉤,港幣上升,國內人就不會在港買樓,除非香港樓價下跌,所以,脫鉤之事,不但不能急在一時,更加不能在美元弱勢時脫鉤,會被人講閒話。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 仲衰過袁紹之流 2021-01-03 11:36:24
講閒話咪友得人講,何必學人衝大頭鬼。

利息上昇,樓價下跌,仲好。民風返回淳樸,腳踏實地,搞實業,有乜唔好。以前李生間公司,個名都叫做X江實業,可見當時的人是崇尚做實業而非金融。搞高科技又得,搞低科技又好,最緊要有實際業務。

依家成日靠抓住隻鑊鏟,睇大氣候,望天打卦,米仲衰過袁紹之流?
2. X 2021-01-03 12:08:11
是否大財主係那邉,就招呼那邊,掛那邊钩,就錯不了?
3. 鳥5 2021-01-03 15:05:08
美元大跌,港元被迫脱勾!2年前我向Lee到講!以前啲人當我9吹!今日專家話有可能!哈哈哈!我今日可以同大家講!政府財金官員不嬲都有討論!一如過往唔會公開討論,時機成熟就會突然開波!97前都係咁。坊間點吹,一如過往!一概否定。
4. 鳥5 2021-01-03 15:10:37
十哥。。上年美國話大qe,又話全宇宙要玩負利率!我上年年頭講!有機會玩啲你唔信嘅嘢!加息!吊。。。今個月D專家話有可能。係我眼中,有料到嘅專家係為贏家服務!唔係大部分人服務!個個中又有錢贏?咁錢從何來??哈哈哈!
5. 鳥5 2021-01-03 15:17:34
未上車千祈唔好上車!週圍雞棚!小弟隨口噏十中八!賭最大嗰一鋪,坐小弟對家!冇乜勝算!自己計自己數!
6. 鳥6 2021-01-03 17:04:48
同意博士所講,今年香港樓價升幅可逹15%。 今年恒指會升穿3萬4千大關,加埋下半年疫情受控,均有利港樓上升。

未上車要快,過咗年通番關我會出現小陽春要追價。

港股勁上,要港樓跌真係好難。鳥5等淡友在如此低息下租樓痴痴地等,輸硬。何苦? 同個市鬥氣,窮人行為。香港樓市一向專收不服。
7. 鳥5 2021-01-03 19:56:16
鳥6!你識條春咩!你嘅思路,係大路野!哈哈!息口匯率對資產有變化?酒店資產的士牌價紅van綠van豪宅已經升左啦!对不对!。。。自己睇下07年qe乜嘢地產項目行先?係酒店,跟住商舖,再到寫字樓,跟住豪宅,最後先到中細價樓呀!傻仔!。。。果十幾萬億嚟香港,出發點唔係大陸!目的地亦都唔係香港!小弟差唔多可以確認。。。目的地!
8. 鳥5 2021-01-03 20:04:49
鳥6,出年跌少過15%!我當你見到燈尾!以商舖計見頂到底部要3年。。。我LeeD閒人小心呀!Lee打曬開口牌!十中八(仲要冷門坐到熱門)。邊個專家唔係10輸8呀!專家阿媽係女人,週街係!搵一個賭得中就難啫!
9. 鳥5 2021-01-03 20:13:40
出年年尾唔好話升15%,跌少嗰15%,我大方啲養下你!叫你一声叻仔!哈哈哈。。而家啲單棟樓project,震過貓王!邊度好似你咁諗住發達呀!甩到身都要還神!豪宅大部分追沽。。。
10. 鳥5 2021-01-03 20:15:43
我咁大個仔,都未聽過話太古集團要沽太古城啲車位出嚟!而家發生緊。。qe滙率利率!坐穩呀老友!
11. 鳥5 2021-01-03 20:22:08
弱者接強者貨!千篇一律利淡!叢林法則,唔針對道德。
12. 向饭民说不 2021-01-04 11:25:24
鸟5,香港人中了民主毒,基本上没有人有能力作出脱钩的革命性决定。

还有脱钩不会是在美金贬值时脱,因为在目前的机制下,香港银行体系可以印港币买美金。除非是美金崩溃,但是目前来说美金是世界货币,不可能崩溃,所以香港政府还是会印港币买美金,香港政府被逼qe,不会脱钩,同时楼价难跌。同时美国佬印钞票的成本是国内承担40%成本,全世界承担60%。以现在美帝的印钞票模式,印了美金就可以买大陆货。所以也刺激大陆的通胀。

港币要脱钩的可能性就是疫情过后,自由行不能恢复,政府开支不断提高,香港每年出现千亿财赤。香港人过去10年赚到的万亿外汇被消耗掉,也就是坐食山崩。港币就会被soros攻击而崩溃,就像20年soros打英镑的故事一样。
13. 鳥6 2021-01-05 13:58:07
鳥5這個窮L應該係因為多年來睇錯香港樓市,被挾淡倉挾到日日叫春咁叫。之所以窮,歸因一個字,蠢!

同美聯儲局鬥氣,叻唔切。鳥5偶像沈大師同膠聰,租咕二十年樓,仍然在等跌等上車。香江財經界大笑話。