地產博客 > 文亮言 返回
瀏覽人次:26015    回應:22
文亮言

只講成本,不講成績的明日大嶼計劃

 

湯文亮博士

紀惠集團行政總裁
2020年10月30日

  社會上有很多人,包括建制以及非建制,他們都反對明日大嶼計劃,甚至有人話明日大嶼計劃是倒錢落海,他們傾向於問深圳攞地,老實說,如果只計成本,不計成績又的確冇錯,估計明日大嶼要5000億成本,但建成之後,除了得到可觀公屋單位以及公共設施之外,賣地收入起碼是成本三四倍,這是一盤賺穩生意,點解要俾深圳,倘若深圳飛地給香港,用來建設公屋及一些社區設施一定沒有問題,深圳就可以在飛給香港的土地週邊賣地給地產商建私人住宅或者商業大廈,即使免費飛地給香港,但出售週邊土地可以得回非常可觀利潤,而且香港還欠深圳一個人情,所以,我睇唔到有任何理由香港要求深圳飛地,老實說,錢債可以還,人情債難還,點解要香港欠深圳一個大人情,仲有,中央政府會為此睇唔起香港人

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 建成之後 2020-10-30 10:53:10
都唔駛諗到咁遠, 觀塘內河到大磡可以填一萬億, 海洋公園賣魁位又一萬億, 區區五千億都攞黎講, 阿爺都 no eye see。
2. SYB 2020-10-30 12:07:13
大白象工程,個個有成積。
離島的公屋,窮人付唔到交通费。做隔離營,難民營更合適
3. 正氣 2020-10-30 12:58:30
填左船灣淡水湖好過填海,立即可以起樓,反正香港有東江水,再唔係起多幾個海水化淡厂
4. 元朗灣區人 2020-10-30 13:44:05
重覆。

!!環保恐怖分子騎劫了土地。

!!住“湯房”,反對發展郊野公園,填海,棕地是“腦殘”
5. 引刀一快 2020-10-30 14:33:13
飛地梗係唔揀深圳喇,又貴,又少。

南沙、中山、佛山,先係有利嘅選擇。

飛地周圍地皮唔升5倍,我唔信囉。
6. 南沙地價唔便 2020-10-30 15:46:17
横沥岛尖2020NJY-10地块成交情况:
用地面积:66277㎡
总建筑面积:232445㎡
土地性质:二类居住用地、城市道路用地、公园绿地
竞得企业:深业置地(摇号)
成交总价:40.05亿元+配建23200㎡。

成交楼面价:约20247元/平(比旭辉今年6月以底价38亿元拿下相邻80亩商住地块(实际楼面价14942元/㎡)高了5305元/㎡。)

该地块是历经了十多家房企一场69轮争夺,最终封顶进入摇号的土拍盛宴!昨天下午该地块的摇号结果出来了,深业置地成为了这场大戏的赢家!

据了解,参加昨天下午摇号的开发商有招商、越秀、绿城、龙光、保利、美的、深业置地,亦出现了过江龙房企四川新希望前来竞抢。

广州第三宗,南沙第二宗摇号地块,深业置地成为本次摇号的幸运儿。值得一提的是,该宗地折合楼面价高达20247元/㎡,刷新了南沙楼面价记录!

8月12日山东鲁能拿下的南沙湾宅地块夺得“南沙地价NO.1”的宝座,没想到才几天就被撤下来了!南沙街南沙湾港前大道南以西地块被鲁能集团以129190万元+配建人才公寓7400平拿下,折合楼面价19117元/㎡。南沙湾土拍大戏,山东鲁能笑到最后!
7. 南沙地價唔便 2020-10-30 16:01:08
搖號即是攪珠,政府唔想地價太高,所有願意接受政府設定的最高地價的發展商,都可以參與攪珠。該塊地,畀邊個買到就睇彩數。

香港想同大陸攞地?仲要南沙,深圳,中山,佛山?想太佐。

地有得攞,不過要擺低真金白銀,寸金寸土架。

比?塞頭對上就比。發夢冇咁早下話。
8. pHILIP HK 2020-10-30 16:26:30
博士的胸襟氣度可嘉,手上的物業多不勝數,依然支持明日大嶼,反觀那些鼠目寸光之輩,自己有了一層半層樓,千方百計阻撓特區政府的發展,其實香港要成為真正的國際都會,沒有足夠的土地,只會加速衰落!當然特區政府往往得個講字,做起來怕頭畏尾,香港只好自求多福吧!
9. 房委會可以考慮 2020-10-30 16:31:18
房委會可以考慮注冊一間大灣區物業發展公司。

由香港政府全資擁有。

在大灣區鄰近香港地段,參與土地拍賣,競投土地。買到地,就建公屋分配與合資格而又有意願上去居住的公屋申請人,當然要係香港人先有資格申請。只租不賣,以低租金,接近免費,吸引申請者。條件係必須每個月有20日以上在上面居住。

每個樓盤,建成一個小區。數個鄰近小區,興建一個商場,設一個小學,設一個區議員席位。到時有咩需要,而又可行的話,該區議員會幫佢地爭取。若唔可行,爭取都冇用。

治安由保安和公安維持,醫療要自己搞掂。

同埋,如果在香港工作,要向香港政府報稅。

10. SYB 2020-10-31 09:00:04
土地?香港有大把。只供蝴蝶,小蟲,小魚和野豬住。香港人在旁邊起幾座公屋也被禁止。
日本也有很多土地和島嶼,免費也可以。發夢就處處都是香港島的地價
11. SYB 2020-10-31 09:50:39
基本上,香港只是維港兩岸已經填海至幾乎無法再填。香港有很多其他海岸和島嶼可以填海造地。如果怕破壞環境,就「明日大嶼」也唔做得。
土地?新加坡咁叻,旁邊有個大島,地價有多少?快去買買買
「海南島自貿區」也非常有前景,快去買買買
12. 十一哥 2020-10-31 11:08:12
刀刀   乜飛地都好似任揀咁嘅、忽到上老…漏咗3沙嘞、乜9都飛比你好冇。
13. 向泛民说不 2020-10-31 11:21:49
最近无线套大陆剧集,虽然好难睇,但是睇到的是,政府改革问题,当碰到富商的利益,富商的集体反击。所以中国历史上能够真正的做到土地改革的只有战争洗礼,而中国最成功的土地改革就是老毛。完成了土地改革的中国,才有可能崛起和西方竞争,所以老毛肯定是中国最伟大的伟人之一。

明日大屿,除了为反而反,唔想香港人有好日子和要揽炒的泛民反对之外,就是富商。因为明日大屿触动了他们的利益。其实也可以见到建制派内的富商派一样大力反对。以富商为代表的方向报,比毒果更加反。

所以土地改变必须由中央出面,中央敲打富商党,明日大屿才有可能。
14. SYB 2020-10-31 12:08:58
無法上馬。正如香港其他小型沿岸填海,只被指指點點幾句,已經全部取消。
15. 向泛民说不 2020-10-31 13:29:00
14楼,香港人被所谓法治绑到像大闸蟹那样,绑到死死的,当年八达通,香港人引以为傲,认为是金融创新,但是今日呢?自己玩死自己。10年前一次技术失败,跟住被泛民狗咬,结果就停止改革。结果就是同样是金融创新的蚂蚁跑出来了。
16. 自己有了一層半層樓 2020-10-31 13:48:27
自己有一層半層樓,唔應該千方百計阻撓特區政府的土地發展。

得一層自主樓,樓價昇跌其實唔太關事。

樓價昇佐,自住樓又唔會賣出。樓價跌,自住樓同樣唔會賣出。一日唔賣,一日都無所謂賺蝕。除非高成數按揭另計。

但樓價上昇,帶動通脹,差餉上昇,反而真係埋身。

樓價上昇,感覺財富上昇佐,但未吐現。落街買條油炸鬼,因爲鋪位被加租,貴佐一蚊,係即刻要畀錢。

所以,起碼要有兩層樓。一層自住,一層收租。咁樣樓價上昇對你先有意義。

一層自住,十層樓收租,樓價上昇的意義更大。

但對一層自住,一百層,甚至一千層樓收租的人。樓價太高,繼而引起社會運動。就會好擔心。因爲貨太多,係難出手,真有大件事,係走唔到。所以寧願增加供應,穩定社會,細水長流。

所以,最反對發展新土地,增加供應的人,係一層自住,另外有2-10層樓收租的人。佢地人數唔係好多,但力量好大。 佢地好多都係政府工,或由納稅人出糧,有穩定的工作去供樓,儲首期。
17. SYB 2020-11-01 12:22:24
想唔通,為什麼大嶼山澄碧村呎價比公屋低,比唔上旁邊的長洲和南丫島小小的住房也約200萬。
現在做個島,呎價可像香
港島中區甲厦或南區豪宅呎價??搵鬼信??He11owen過左啦
18. 正氣 2020-11-01 14:57:39
澄碧村有地鐵,街士,商場,你估值幾錢,你估政府填海,唔使起基建配套
19. SYB 2020-11-01 21:40:53
香港有百多個地鐵站,個個有商場,街巿。但有多少個站的地價是中區的一半或以上?博士專業D。
照推理,香港起多兩個機場和關口,出入口及旅遊收入就可增加兩倍。🤑🤑👍
20. 向泛民说不 2020-11-15 13:15:01
大陸重建,10年左右就搞掂,香港就要搞10幾20年,都唔得,觀塘裕民坊搞了20年,還未清拆萬,班黃仲話咩發展棕地。點發展。
21. 向泛民说不 2020-11-15 13:16:26
如果澄碧村有铁路甚至公路到达,马上变豪宅区。19楼,系唔系脑大生草啊。
22. 引刀一快 2020-11-15 14:52:10
飛地好過填海,三年之內可以交付使用。