地產博客 > 文亮言 返回
瀏覽人次:25458    回應:60
文亮言

我讀傳理系噃

 

湯文亮博士

紀惠集團行政總裁
2020年9月25日

  我在澳門讀中學,畢業後去外國讀書之前,在香港浸會讀大專,當時住宿舍,基本上是玩,不是讀書,有一日,在晚飯時見到一位讀二年班的師兄好似死狗一樣,那位師兄讀工商管理,一向非常熱心幫助新入學的新生,尤其是女同學,仲要靚女個隻,我問佢點解好似死狗一樣,佢話下午見到一個靚女,主動問有什麼可以幫忙,靚女望了他兩眼,然後爆了一句,我讀傳理系噃,師兄立刻好似一個洩了氣的皮球,到晚飯時仍然好似死狗一樣。

  當時浸會到現在浸大,讀傳理系的都是尖子,當年的傳理系學生,除了學術水平比其他系高之外,仲要有睇頭,不少傳理系學生最後在TVB做藝員,不過,始終最多人做的仍然新聞採訪,報道工作,他們自視高人一等,根本睇唔起其他學系的同學,難怪我的師兄聽到「我讀傳理系噃」就好似死狗一樣。

  讀傳理系,就算最後可以做到記者甚至編緝,都是好睇唔好食,不但薪金不高,而且工作量大,不過就好有滿足感,一支筆可以論盡世事,實話實說,我非常尊敬他們,認識我的記者就知道我所言非虛,到了今日,我對記者的尊重更上一層樓,在其他專業領域,在職人士不想別人越雷池半步,例如特首林鄭月娥邀請國家醫護為香港人做新冠病毒檢測,香港醫護代表立刻表示反對,理由是班友唔識英文,現在檢測做完,國內醫護是否唔夠班,大家心?有數。

  當大家維護自己專業領域時,讀傳理出身的香港記者要求政府不要監管傳媒,任何人就算未受過專業訓練都可以做記者,如此來說,記者的專業地位下降,人數增加,甚至會影響記者收入,有老友問我如何評論香港記者,我話胸襟廣闊。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 我讀傳理系噃 2020-09-25 10:11:00
我係甘迺迪, 有一個太空中心, 你想來白宮嗎?
2. 胸襟廣闊 2020-09-25 10:15:00
在數碼相機的時代,人人都是攝影師。菲林相機,不如是否已被淘汰?
3. Hongkong People 2020-09-25 11:07:16
唔係掛,傳理系嘅姐姐仔自視過高了吧! 真正嘅尖子點算都應該係中大新聞系,公開試成績應該唔係同一檔次數: 小妹當年都被浸會傳理系取錄,最終都係選擇港大商管.  咁嘅視野嘅人做新聞,難怪香港嘅傳媒咁墮落!
4. 十一哥 2020-09-25 12:06:02
一級級向下、唔多掂就去C飯…結果打壞咗教育、再屎D浸會…仲屎D就豬嗨、識講嘢交學費就乜系都收。
5. 元朗灣區人 2020-09-25 12:26:01
Hongkong people,

很多間都收,即係Jupas之前。

香港的”尖子”,大部分去晒醫生度。
6. Stephen Wong 2020-09-25 12:40:50
我係美籍華人,老婆係澳洲籍華人,仔仔係英藉華人,女女係加籍華人,孫仔係紐藉華人.
7. 十一哥 2020-09-25 13:26:37
學刀刀咁咪幾好、此處讀唔掂…北上比老表調教、好過留喺香港禾割養蚊。
8. 大鄉里 2020-09-25 14:03:00

不保護專業,那有叻人尖子讀,優質水平那能保持?只會濫竽充數,專業水平一流變九流。

不過話分兩頭,專業亦應自律,物極必反啊。

9. 冇幾何 2020-09-25 14:07:05
3樓,你可能年輕,當年浸會傳理,理工(唔係理大)會計與測量,都係全港獨家,两大冇呢啲學系。除了出國,就只得浸會理工,收生成績雖比不上兩大,但亦唔易入。
10. 引刀一快 2020-09-25 14:29:58
我讀農務系噃!
11. 向泛民说不 2020-09-25 14:46:13
引刀不是读兰花系咩,不过日日练功,有益健康。已经有了对病毒的抗体。
12. 引刀一快 2020-09-25 15:29:19
十一仔,果然係粉絲,知道我喺香港考得衰。
不過,我同十三億人裡面嘅尖子一齊受調教,呢個修羅道場嘅啟迪,終身受用。四年本科,我最缺,就係自卑感。
見你咁follow我,細細聲講個秘密你知,我老婆一門數傑,全部都係當地狀元,全部。
不過我喺香港真係考得衰。
13. 引刀一快 2020-09-25 15:35:56
向飯哥,叻仔!我係讀調理農務蘭花系呀,哈哈哈哈


14. 元朗灣區人 2020-09-26 08:19:01
“鄧”林引刀太太難過。

老公心底中以“Heung Gong”人優越d。三十多年,都睇唔起內地人。

但老公的"自信"只建基於"Heung Gong"出世,“捐下錢,愛护动物”的文明人。

又自大,又唔知有乜格自大。 
15. 十一哥 2020-09-26 11:00:55
刀刀  唔好擺老婆出嚟比人欽敬…更加唔好成日哂專科調理農務…仲要係蘭花系、怪得娘親要早早送去比老表又調又教啦!
16. Hongkong People 2020-09-26 11:24:34
9 樓,

我當然知, 我亦唔年輕了, 90年代頭入學嘅大學生, 當時只有中大港大,科大剛開,只有百零個位; 其他浸會,理工,城市理工都只係 專上學院; 當年嘅會考尖子,好多俾中大暫取生收咗,考A-Level試嘅, 一系好有自信,一係暫取得生落榜,唯有考A-Level.  

我當年有同學放棄入讀港大法律系轉讀理工會計; 因為香港即將回歸, 當年,法律同醫科都並非完全尖子入讀; 我有同學同我一樣成績入港大醫科; 講起我都會後悔,無入讀醫科, 覺得女仔唔好咁辛苦, 讀D又hea 又舒服嘅商科, 以後出來容易揾錢; 點知出到來工作, 一樣做到仆街,只係收低人工, 遇經濟浪仲會被裁員減薪, 仆街到暈; 當年, physiotherapy 同 radiotherapy呢D學科冇人願讀,而家就半尖子先有機入倒.  冇一個好嘅人生mentor, 父母亦冇視野俾好建議,只係聽學校career counseling 老師俾建議,查實佢真係與社會脫節,唔多識嘢, 所以人生只有跌跌踫踫,要跑出除咗努力勤奮,都要好多運氣.

所以,我家嘅後輩,我全部建議, 讀書叻嘅讀醫,麻麻地嘅就讀護理,好彩佢哋都聽教聽話,係時代洪流底下都仍然安穩渡日.  
17. 引刀一快 2020-09-26 13:04:39
十一仔,又篤到你,聽完係咪肅然起敬呢?
18. 引刀一快 2020-09-26 13:18:25
Hong Kong people女士

若果選科唔係以志趣為先,大部分人都會好辛苦。

19. 自醉 2020-09-26 13:19:04
“君子喻於義,小人喻於利。”  有人學醫,為咗濟世為懷,有人學醫,純粹為咗錢,做醫生亦唔見得個個風生水起!

運氣和際遇當然有影響,但搵唔搵到錢,並唔係睇你讀邊科,係睇你實際工作能力,睇你做唔做到嗰行嘅尖子,唔係靠紙上談兵,亦唔係睇你讀書張成績表幾多分的,再講打工皇帝有幾多個係醫生? Investment bankers每年分花紅都夠你full pay買樓有凸,問題係呢啲錢你有冇本事賺,這個世界高分低能多的是,只靠中小學在學校死讀書就想發達?簡直妙想天開。
20. 引刀一快 2020-09-26 13:19:25
灣元,唔好意思,唔知你嗡乜。
21. 引刀一快 2020-09-26 13:21:58
灣元,哦,睇明嘞,你想離間我同老婆嘅感情?叻仔喎。
22. 冇幾何 2020-09-26 13:28:03
To Hong Kong People :
 我嘅年代港大土木,雙電工程AL冇2A 唔使諗,早幾年我個姪DSE 25分入港大土木,己經係本地生中最top嗰批,比起大陸同印度嚟嘅同學完全唔同檔次,香港學生要在STEM加大把勁先得,(原來我老你成十年😜)
23. 元朗灣區人 2020-09-26 16:15:03
比較認同hk people。

行行出壯元,或者興趣大過天。都只是安慰的用詞。

當然,打工靠人事,醒目仔埋到堆。又肯挨,肯博。都係有機會的,做死囉。

但普遍一個人,醫生護士條路係好d。 至少,近廿年係咁。 
24. 自罪 2020-09-26 16:28:57
我老佢成廿年😜
條氣唔順
26. 元朗灣區人 2020-09-27 07:07:47
林引刀,
袁隆平成功種植海水稻。 其實如果你真係內地農業呢行,應該大把值得中國人自豪的。

做乜要染埋d香港雅片毒?自由民主,不務正業西毒。
27. 引刀一快 2020-09-27 12:56:07
搞笑,你就西毒,又喺度亂扣帽子。


28. 引刀一快 2020-09-27 13:05:16
海水稻二戰之前就有,唔係中國先發現嘅,亦唔係可以種喺海水裡面,只係耐海水。
袁隆平團隊大,有名氣,全國唔止佢一個做,好多人做緊。
做中國人本來就自豪,根本唔需要靠乜嘢,呢樣你就覺悟低喇。
29. 元朗灣區人 2020-09-27 15:40:17
林引刀,
廿年前,中大辛世文都和袁隆平一切研究水稻基因。

當時中大d儀器先進d。相信而家大陸都追過香港了。

一枝pipe,千多元。吸唔吸血?真係咁高科技?
30. Hongkong People 2020-09-27 17:20:45
各位師兄,

小妹見笑了! 刀兄講得啱,如果興趣可當事業自是最理想;  但我自問係平凡人, 讀書尚可都係記性特好,邏輯性亦可,都有D天生,但個性有D懶散,亦無乜野心, 最愛做閒雲野鶴, 活到呢個年紀都搞唔清自己最愛做乜; 而家生活狀態,其實係我最愛狀態,不是富有,但足夠支撐自己閒散嘅生活, 喜歡周圍住下,瞭解下不同社會,不同人嘅生活,到處觀察人生百態; 我嘅喜好同懶散, 好難在年輕時成就我愛嘅事業! 

我亦唔會過份髙估自己, 做一份安穩髙薪而又有意義嘅工作,應該係一個好嘅選擇!  自醉兄嘅想法係好理想,係尖子嘅去到邊都會跑出, 不過,現實好多時都好骨感, 一運二命三風水,係我做咗幾十年人嘅真實體驗!可能自醉兄一世好運,從未受挫折,先有自信咁理想!亦希望自醉兄繼續好運,不受現實洗禮,幸福地保持理想化! 
31. Hongkong People 2020-09-27 17:35:26
冇幾何兄,

我嘅年代Civil Engineering 已經唔得, 但 Triple E, Computer Science 同Archi 都係難入嘅科.
32. 向泛民说不 2020-09-27 19:11:02
31楼,现在可以好清楚了,为什么香港搞唔成高科技,为什么泛民畜生不断反对创新科技,原来就是这些美帝养的买办反对。香港没有高科技产业, triple E, computer science变成垃圾科啦,因为本地好难找到工作。当然这些课程在全世界还是非常热门,新加波和大陆都系,不过大陆竞争很大,据说大陆每年出来的理科本科生的人数是美帝的10倍。

97年之后的困境,其实就是因为有血汗工厂转移到自由行之后,所创造的职位大部分都是低端的。班黄畜睇唔上眼。问题是如果要高端工业,必须搞创科,但是这些低能IT仔竟然会支持反再工业化的泛民畜生。还是那一句,读工程的人怨自己前途差,就问一下为什么仲撑泛民。

最近中芯又被制裁了,想当年中芯要在香港设厂,最后因为泛民畜生示威,结果就搬去上海,中芯应该觉得很幸运,如果是香港搞,可能一早就破产了,过去20年中芯不断受到挑战,打官司,如果在香港设厂,一早被泛民畜生抹黑而倒闭。


33. Hongkong People 2020-09-27 21:08:55
飯兄,

你講得啱, 我有朋友係 Double E 碩士, 以前曾經係星加坡工作, 返香港10幾年, 人到中年,近年被淘汰,已轉做保險,其實對社會都好浪費,對佢本人都好挫敗.
34. ? 2020-09-27 23:15:58
還有,唔好忘記塑膠,電子,成衣,和玩具制造業,才是今日香港繁榮的基礎。70-80年代香港靠呢D起飛。不是靠創科。

過去20年,對讀Manufacturing Engineering, Industrial Engineering,Engineering Management 的人來講係噩夢。
35. ? 2020-09-27 23:31:39
全世界都係最叻個班理科生,先有資格讀Engineering。香港就相反,係完全冇得揀,唔讀就冇得讀大學,個班學生先去讀Eng。班人數學能力好差,其實係格硬讀Eng。同另外三小龍,以及日本,臺灣,冇得fight。

仲有,係香港,讀Electrical,Building Services, 甚至Mechanical,都好過讀Electronics Engineering。

Electronics, 尤其係Micro Electronics 最難讀,但係香港就最冇前途。最冇L用,最廢,死未?






36. 自醉 2020-09-28 08:35:00
HK People

先唔講工作能力,一個人要在行業做得成功,最基本先要具備兩個條件: talent and passion。你連自己喜歡做咩都唔知,淨係諗住搵份身高糧準,嘢又唔洗點做嘅工,同一衆基層員工心態有咩分別?90年代大量中高管理層因移民而流失,我眼見稍有能力嘅人,升職都好似坐火箭一樣。根本唔缺乏晉升機會。

其實任何事要做得好,必定先要有 heart,有heart先會有推動力令你進步向前,talent 同 passion都欠奉,日日返工等放工,表現點會出色?表現唔出色,工作運點會好?

其實以你講嘅心態,好難相信你係商學院畢業,從事商管,先要學會用人,你連自己career都管理唔好,點靠你管人? 點靠你發掘其他人嘅 talent and passion? 

好明顯,你嘅問題唔係同運氣有關,而係同心態有關,完全唔懂得用人之道,以為靠考試成績就可以上位,喺商業社會工作點會有運行? 世上有邊間公司用人只睇成績表,唔睇業績的?
37. 元朗灣區人 2020-09-28 09:44:30
樓上,

就林引刀農務系,係香港就真屈死。

內地幅原較大,各行各業都需要人材。

農業可搞沙漠種田,改進提子…。 寧夏變咗農業重鎮。

eee,ee,而家更加是國家層面的工程。
38. 路人一個 2020-09-28 10:27:55
就算尖子都唔一定讀得成醫科 , 我識得一名狀元 , 只讀了一年港大醫科便要退學到外國轉讀其他 , 因為實在無法面對死屍而面不改容!
39. Hongkong People 2020-09-28 10:39:14
自醉兄,

心態上雖然我比較懶散,但我返工長時間朝9晚2時,唔知你出來工作未?  你講80年代braindrain,留港人水鬼升成皇嘅年代係我老細嘅年代,所以我遇唔少冇料到嘅老細, 我嘅年代係,捱過最low pay又辛苦嘅頭幾年,到稍為收成嘅時侯遇到亞洲金融風暴, 香港50年以來最長嘅經濟肅條期, 失業率超8.5%.  唔知你係咩年代嘅人,你講嘢似乎係缺少經歷嘅風涼話.

對於返工嘅passion我可能真係差少少,但talent同盡責我應該唔錯; 屋企環境唔好, 所有嘢都要靠自己,個性懶散都要用現實低頭 , buckup埋頭苦幹;  我哋同而家嘅年輕人不同之處就係, 自己意願唔會先行, 要改變命運,就唔好費話,努力幹吧! 

小妹03後,每一份工都食回頭草,從來唔需要主動揾工, 不斷有舊老細揾,都足證我嘅工作能力/attitude/reputation不賴!  Passion 真係唔夠,所以條件許可退休時,我就頭也不回退下了! 有passion的話,應該可撈到中高層.  大公司嘅CEO就應該去唔倒!


40. Hongkong People 2020-09-28 10:44:49
香港年輕人最大問題係將自己困係香港呢個小小牢籠; 大彊老板係科大畢業生,畢業後往深圳創業,造就成為全球無人機領導者.
41. 向泛民说不 2020-09-28 10:55:52
34楼,80,90年代塑膠,電子,成衣,和玩具制造業,创造的是3000元一个月的工种,是典型的血汗工厂,其实97年之后,自由行创造的10000元以上售货员工作比血汗工厂更加好,只是香港班黄能被洗脑,到反对。

当然当年如果勤力一点,找到订单,自己买个机器,就可以做老细,门槛很低,读得书小都可以发达。我认识有人做下行街,跟住有订单,自己做老细,跟住就发了。但是今日这种机会应该是去了越南,过去了。不用想了。

既然不做血汗工厂,不做自由行,甘就要搞创科,但是每次政府要搞创科,班饭民黄能就弹出来,数码港咩咩,中药港咩咩,我真系想问班黄能,香港仲可以做咩。真系留系屋企等运到?
42. Hongkong People 2020-09-28 10:58:13
34 樓,

時代係不斷向前的. 當年香港的而且確靠呢D低技術低増值產業發家,但人工同地價不斷上升,呢D產業不斷被淘汰係必然,香港要嘅係產業升級, 香港就選擇咗金融同好多服務業, 但金融業參與人數有限,會計/廣告都係香港出口國內嘅服務業,但國內人才進步快, 呢D行業都會localize, 香港呢D服務業人才都水深火熱,市場價值不斷下降...香港年輕人嘅質素同態度都不斷下降,競爭力好低下,以後都好難同國內人競爭; 有小朋友人嘅香港人,如果小朋友唔係叻,出國係一個好選擇,同D弱智嘅外國人競爭應該容易跑出D.
43. phILIP HK 2020-09-28 11:04:56
樓上各位,早上好!看來大家都有番咁上下年輪,咱們那一輩,就算冇大學讀,肯努力一定得!時代變遷,現今社會,大學生通街都係,叫一聲碩士,有一半年輕人回頭望,然而在香港,他們的上進空間就是不多,因為香港的經濟十分單一,大學生要上位,政治搞搞震便是捷徑。Hk people 很幸運,你的仔女願意接受上輩的意見,做父母的就輕鬆許多。其實年輕人都有自己的生活,有自己的喜好,總不能大家都是醫護,有時真的覺得孩子們也不容易,我們上一輩人留給香港的除了繁榮之外,其實沒有什麼,香港除了金融,旅遊、保險、餐飲、地產代理、零售之外,有幾多職業適合知識階層?社會結構的短板大家都知道,政府卻無法引導社會各階層商討對策,希望國安法給香港帶來的穩定,大家都以下一代的未來做些規劃,香港的深層次矛盾不只是房屋咁簡單,讓大家都看到希望,讓大家都甘心負重前行,才能顯現國際都會的魅力。
44. 好在無讀傳理 2020-09-28 11:23:15
當年報考高校時也有報名傳理。。好在學校厭棄我無做記者的天份。。。唔係比江東父老問起上來做咩曬咁多年時間讀傳理,人地13歲毛都未出齊就做到記者,仲隨時收到外海資金,我都唔知點回應好。。
45. 向泛民说不 2020-09-28 11:41:09

上海市政府与华为签约 华为青浦研发中心项目开工--这个新闻代表了上海又要创造很多高端工程职位。而只有熟悉大陆文化的大陆人才才胜任,香港人是很难应聘的。


而如果香港政府和华为签约,肯定是饭民畜生马上出来示威,点解没有咨询,点解没有投标,跟住叫数码港,中药港,bababa。其实美帝funding都没有咨询,没有投标哦。

46. 引刀一快 2020-09-28 11:52:17
自我陶醉兄


heart,就係一種文化,個個有heart,就算大口環都做到成績出嚟,都可以感動人。
47. 引刀一快 2020-09-28 12:26:01
灣元

袁隆平唔係一個先進嘅科研人員,佢本身做嘅嘢同一個普通花農分別唔大,正正如此,佢得到我最大嘅尊重。過去佢一直就係好勤力咁,日日巡田,努力不懈選種育種,雜交水稻就係咁出嚟嘅,唔係基因工程,如果你話佢之後趕時髦玩基因,就係隨波逐流晚節不保。
辛世文搞基因工程大概係97、98開始,我識得人喺佢實驗室做嘢,果時仲俾過一個報廢Mon我。當年農業基因工程方興未艾,我睇法係亟力反對,因為呢啲嘢一旦進入生態系統,係出唔返嚟,有可能造成生態浩劫,亦有可能出現各種各樣問題,不斷削弱物種嘅多樣性,依家已經應驗咗。
千幾蚊支槍貴?日本玩具氣槍都要喇。

48. 元朗灣區人 2020-09-28 13:02:49
林引刀,

而家Isa農産品,豬肉…仲有很多加工的食物。

仲有日本的水果…

有冇改dna?


49. ? 2020-09-28 13:47:06
工業髮展如建造金字塔,必須由低做起。

華爲靠代理香港電子廠的電話機起家,任正非當年每個月可能得幾百人仔收入。小馬創辦騰訊前在一家叫做潤訓的香港傳呼機(BB機)公司打工,人工大概不夠1000元。我懷疑騰訊呢個名,靈感都係來自潤訓。VIVO的前身步步高,做VCD,係外國買機芯,啤個塑膠殼就搞掂。大劉做風扇廠個時,美的風扇係咩來?冇人聽過。

華爲,美的,騰訊,VIVO,當年都是血汗工廠,今日係巨無霸科技公司。冇當年的基礎,點做到?

工業發展,必須積小成多。資金係一個因素,但更重要係人才。美國要推動製造業回流,就千難萬難。美國不缺乏資金,但缺工業人才,包括熟練工人,優秀的工程師。

請個熟手塑膠模具師傅,係今日香港,去邊到請?出高人工都未必請到。所以要搞創科,在香港好難。
50. 向泛民说不 2020-09-28 14:06:00
43楼,睇下以下饭民大陆巴打点反对啦,理由一样,香港有饭民,所以吾使想啦。

上海市政府与华为签约 华为青浦研发中心项目开工

https://www.txrjy.com/thread-1147837-1-1.html
51. 向泛民说不 2020-09-28 16:06:19
唔得引刀是农务系出身,想请教下对美帝的转基因,瘦肉精有咩睇法。
52. Hongkong People 2020-09-28 19:25:47
Philip HK,

本人無生小朋友, 適齡生小朋友時遇著亞洲金融風暴,當環境好D嘅時候,已經冇勇氣生了; 我家後輩都係姨㽒同姪女,慶幸佢地願意採納我嘅建議,都做醫護界, 只有其中一個讀書比較懶散嘅,入讀唔倒護士,但都係診所做,但今次疫情,佢間診所好唔掂,要靠政府保就業先唔裁員; 經過比疫,佢痛定思痛,決定以25高齡下年重考DSE,希望有機會考倒RN, 以後生活有保障D. 我當然全力支持啦!
53. phILIP HK 2020-09-29 09:38:57
52樓,年輕人肯上進,值得鼓勵。希望香港新世代,在這天災、人禍之後,對世界觀有著正面的修正。
54. 引刀一快 2020-09-30 21:03:43
灣元

大把嘢有轉基因,唔代表轉基因呢個方向係好嘅,你去問行鋼線嘅人幾時死,佢一定答你未,一出事,答都答你唔到。
兀起條尾就知你想點喇。
55. 引刀一快 2020-09-30 21:12:23
向飯哥,難得你中意食美帝嘅瘦肉精,唔通唔俾你食咩,你成家移民咗去美國,邊個夠你食得多吖,不如你講下好帽食仲好喇。
56. 元朗灣區人 2020-09-30 21:47:34
林引刀,

isa基因工程,就不會破壞自然?

你班正義人士,唔見出下声?環保分子又死q咗去边? 世界不是言論自由吗?

!!點解完全冇反對声音?

世界多麽地假!
57. 向泛民说不 2020-10-01 11:33:56
引刀对美帝真系忠心。爱国,爱的是美国。瘦肉精你就食多d啦。
58. 引刀一快 2020-10-01 18:13:57
灣元,周街都係對美帝嘅反對聲音,你聽唔到,係因為你太愛佢啫。
59. 元朗灣區人 2020-10-02 06:26:30
林引刀,

一定是在说,英文好過中文的菜省長。
60. ? 2020-10-04 13:54:02
曾經,香港工商業發達。後來,香港工業式微,而服務業興起。再後來,服務業又式微。最後,香港的商業亦式微。人口老化,剩下醫療護理行業興旺。坐食山空,等有錢的老人減少,恐怕醫療護理都式微。原來,工業才是百業之本。
61. 引刀一快 2020-10-05 06:17:38
百業之本係農業,食都食唔飽係唔會諗衣住行嘅。