地產博客 > 文亮言 返回
瀏覽人次:14937    回應:9
文亮言
股市樓市係唔係手足
 
湯文亮博士
紀惠集團行政總裁
2020年4月7日

  有老友問樓市股市係唔係手足。我唔明白他的意思,原來是齊上齊落。我反問,各自爬山是不是手足,老友話也是,我認為應該是各自爬山或者各自潛水,股市樓市很難做到齊上齊落。

  近日股市大跌,尤其是滙豐,跌到慘不忍睹,但樓市就硬過鐵,由去年六月社運開始,就算有不可抗力的新冠肺炎疫情,樓價亦只不過下跌7%,但同期股市下跌了20幾個%。由此可見,股市樓市並不是齊上齊落,現在是各自潛水,股市先潛,樓市稍後。老友話我講得很玄,叫我試舉例以明之,不過要實例,唔好作故仔。

  老實說,寫評論文章,邊到有咁多實例,大多數是道聽途說,加上不少幻想,就寫成一篇。如果用實例,很可能構成渉及私隱而惹上官非,總之,評論文章,啱睇就睇,唔啱睇就唔睇。

  不過,我手上有一個實例,在個幾月前,有代理話有客出9,000萬買我們一層工廠樓,那個物業我們是用300萬元買回來,收左20幾年租,賣9,000萬,回報應該很好,代理亦認為十拿九穩,誰不知我推了他,原因是在社運以及新冠疫情夾擊之下,仍然可以賣到這個價錢,當社運以及疫情緩和,賣一億以上也不出奇,代理明白,事情亦告一段落。

  上星期,中原潘子明在同一物業俾我一個Offer,但只得8,500萬。我話等等,要先問之前曾經出價的物業代理,如果他的客仍然可以維持原價,我就要賣俾那位客人,但原來那位客人已經縮沙,結果,潘總的手下做成了那單買賣。

  潘子明問我是否見形勢不佳,放走一些物業,揸多一些現金傍身。我話不是,我們每月收租都不止8,500萬,現金亦足夠。如果我們亦捱不過寒冬,香港九成幾以上企業要執笠,我接受那個價錢純粹是以物易物心態。當日滙豐股價60元,我有打算賣走那層工廠樓之後買入滙豐,當時可以買150萬股,結果我沒有賣走那層工廠樓,亦沒有買入滙豐。今日,我雖然以8,500萬賣出,但滙豐股價下跌至不足40元,當賣走那層工廠樓之後,我最少可以買2,125,000股滙豐,多了625,000股滙豐,所以我可以接受較低價錢。以此為例,股價跌,樓價亦有機會跟著跌。當然,股樓雖然有關連,但錯綜複雜,很難一概而論,不能一本通書睇到老。

 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-04-07 10:04:11
冇底QE、位位都幾萬億咁由口噴出嚟…直頭係金元卷番板、咁大條數..息口梗要低到撻實咗喺地板…冇得彈、托幾大都係記喺數部、長命債還息冇洗還本…即係整借靈付、唔借大D嚟換硬資產就7+7、磚頭燒到硬過鉄、此時不賭更待何時…

2. Philip wong 2020-04-07 10:32:56
同意一樓,不過要借得够大、够多,如果淨係借一两層樓,銀行唔玩死你,你都要小心人哋落雨收遮‧當你借得億億聲,銀行都怕你,咁就冇得輸,所以借錢呢家嘢,都係有錢佬著數好多,打工仔就只能穩打穩紮,借多一成都晚晚瞓唔著.
3. lol 2020-04-07 10:38:57
淡淡永遠不明,業主為何真心不怕樓跌。
一來供滿。二來樣樣都跌,平賣樓購買力沒有減少。如大跌更可賣細樓,輕鬆補少錢換大樓。
4. 十一哥 2020-04-07 11:44:24
3球成本賣85球、活生生例子…揸現銀紙唔玩硬嘢…過唔到世嘞。

5. 博粉 2020-04-07 12:36:21
3球升到85球,而且收咗20幾年租,都有幾十球,香港地揸物業好過揸草紙太多。
6. 忍者 2020-04-07 12:36:44
湯生睇樓價跌,用實際行動支持,大家拭目以待。
7. 未日價 2020-04-07 12:50:59
港人多年多終日沉迷於未日論。博士的物業應該是在90年代買的,當時的業主以300萬賣俾博士,佢應該想不到2020年的未日價已經比90年代的末日價升咗差不多30倍。 
8. zzzz 2020-04-07 13:27:01
回歸基本步,有土斯有財。
9. 十一哥 2020-04-07 16:53:55
長期低息..揸現銀紙冇生息、搣下搣下好易抑鬱、就揸住3球使20幾年頭段仲有幾厘息收、尾段就算跟刀刀返大灣做慳哥…今日都要揾份打更先過到日子。
磚頭攞嚟藏富…就永遠唔會錯、執多執少…timing一定重要、有貨在手、高就無謂同人爭、有現金低又何妨責貨。