地產博客 > 文亮言 返回
瀏覽人次:19960    回應:17
文亮言

股市點解會跌

 

湯文亮博士

紀惠集團行政總裁
2020年1月30日

  有玩開股票老友牙痛咁聲,佢話昨日股市已經跌了800點,他入了貨以為可以撈底,誰不知今早又跌400幾點,問我點解。本來我想窒佢,話講樓還可以,講股即是問道於盲,但今次我沒有,因為我大概估到原因,就是政府不願意封關。投資者擔心不斷有武炎帶菌者湧入香港,最終有不幸事件發生,而被其他國家列為疫埠,香港人被禁止進入那些國家。所以,預先沽貨,做成供應大增,股價下跌。倘若政府堅持己見,就算有人命傷亡的不幸事件都唔封關,股市就一直會繼續下跌。老友聽到之後話本來他亦支持政府不封關政策,但現在亦要轉軚,而且大力轉,從支持不封關改為反對不封關,其實,政府應該了解民情,封關是人心所向,亦合乎一國兩制精神,甚至是實際行動。封關似乎事在必行,睇政府可以守得幾耐,愈耐愈死。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 合乎一國兩制精神 2020-01-30 13:46:42
雀哥,國家隊還有托市否?
2. 元朗真香港人 2020-01-30 13:49:36
咁都得,買賣股票要人員出入境的,果然博士
3. 真真薯片 2020-01-30 14:09:10
假如大陸官方感染數字全部都係真

又假如湖北封城後,一線城市停工停到10號,中間14日如果有人發病,就將果批人連同接觸者全部隔離

咁理論上2月10號後所有可能帶病既人都已經被隔離

再加埋武漢本身既死亡個案比率暫時偏低

假如以上全部都係真確無誤,香港大爆發死人既機會係相當低,唔需要封城

問題係,以上既公開數字有幾成真?
4. 十一哥 2020-01-30 14:27:21
人生輸贏都係timing拿捏、撓手…出手…冇乜矯妙、心態唔好怕執輸、唔識專業論據..衹識成交量、擺哂刀片…雀仔肥仔水。

5. 报假数 2020-01-30 15:08:29
国家疫情数字肯定不错假,但是数字依据来源不清楚,政府还故意伴蒙,据我自己亲身查证一个北方20万人口的小县,报称3例确诊病例,上报数字是4日前已经本县医院确诊,不知是为了压缩数字还是什么原因,这3个患者连续3日每日重新检查去确诊,托足4日才上报。另外,与其3例亲密接触的发病疑似病例已经超过10人,但是仍然没有上报,继续等待确诊。所以说,每日公布数字已经压缩完再压缩,浓缩精华。
6. 引刀一快 2020-01-30 15:57:56
真真薯片兄

依家廣州連大廈都封,尋晚我返屋企,樓下落鐵馬,門衛揸住紅外測溫,我問佢,係咪發燒唔俾返屋企,佢話唔係.............係zf直接帶走😨😨😨😨😨😨
7. 十郎 2020-01-30 16:14:39


      博士 , 林C奶係真實第十人呀。專家都睇漏眼。

8. 亞Q 2020-01-30 16:16:02
成日嗌香港獨立班傻仔而家咪有機會嘗試真個獨立後係乜環境囉 ! 大陸將香港封城就係咁樣 !
9. 封關不如封城 2020-01-30 18:50:29
其實香港全面海陸空封城一年,所有人貨都不得出入, 防疫效果會更佳。
10. 真真薯片 2020-01-30 20:11:35
刀兄,廣州防疫越認真,香港生還機會越高

林鄭最叻就係用A貨扮正貨,暫緩當撤回,獨立檢討當獨立調查,封幾個少人用既關當封大部份關,停新發簽證當停左全部簽證(簽證有效期係3個月至一年)

今次香港抗疫真係靠晒廣東省,不過我信廣東省會盡力做,假如廣東省大爆發,當地領導人肯定烏紗不保,全中國只有一個領導人可以無限爆鑊而烏紗必保,果個就係林鄭
11. 鳥5 2020-01-30 20:15:36
1F,大戶未走晒,美國ipo回港散水計劃冇变.玩滑浪可以,..但5好出艦隊...總配3成金.5成cash2成向星期3出擊..以美國ipo主題自己幻想...地代我可業主試路..新入行可入商舖..呢啲時間做到個商舖租...業主其他買賣底價多多都畀晒你(資訊)...只要你做到一單租(能人所不能)...等同行家3年功德.我講果D就係小數人王道...祝君參透
12. 劏房阿波 2020-01-30 20:43:09
林太已经做得好好,有何不妥?林鄭應該可以連任,再做五年。佢落咗台,試問誰人敢接任?

預先祝林太連任,再做五年。💪
13. 鳥5 2020-01-30 22:13:08
未上車,唔好上車....嚟緊小陽春價錢吸引...
14. 鳥5 2020-01-30 22:15:13
樓市瓜左..賭5過最後忠告
15. 十郎 2020-01-30 22:30:51


      次很次都攪人個肺 , 真係整佢個肺。

      波哥, 都預先祝你連任呀。



16. 鳥5 2020-01-30 23:27:50
国家條數當然係真,其他國家既科學數字,跟本出5術....係咪...唔會講過大話幾日後就畀人篤爆㗎喇係咪?
17. 傻仔一個 2020-01-31 13:12:26
她,用一招以疫制亂,令市民怕人多,咁就吾會出街示威, 對她來說, 實在有利, 最少可以轉移視線。 經濟已一早不是她的重點吧!