地產博客 > 文亮言 返回
瀏覽人次:23506    回應:42
文亮言
指數唔跌,唔敢買樓
 
湯文亮博士
紀惠集團行政總裁
2019年8月30日

  美聯黃建業話現在樓市慘過沙士,我相信他的意思是成交量,因為樓價是比沙士的時候貴上幾倍,而事實上樓價指數比最高峰時下跌了不足1%,其實,負責做指數的人不知道,不少人等緊指數下跌,如果唔跌,他們唔敢買樓。

  六月初,雖然有反「逃犯條例」示威行動,但仍然有不少人同對我說,如果樓價下跌10%,他們就會飛撲入市,到了最近,我見樓價已經跌了10%,但他們仍然未有人入市,我以為他們擔心局勢繼續惡化而唔敢買樓,這亦是人之常情,但原來不是,他們話樓價的確到了心水價,本來可以買樓,但見到樓價指數紋風不動,反而唔敢買,恐怕指數突然下跌,影響他們剛買入的樓價亦下跌,假如指數現在已經下跌了10%,一定飛撲入市。

  我相信很多人不知道現在買樓的人心態有所改變,他們不是擔心樓價繼續上升而買樓,而是希望樓價下跌可以執平貨,那些人見到樓價指數紋風不動,又點會入市買樓,我相信指數負責人是捉錯用神,認為那些準買家見到樓價在如此大風大浪之下仍然唔跌,他日中美貿易戰以及逃犯修例事件得到解決,樓價一定會飆升而入市,其實,就算事件得到解決,香港經濟以及樓市最少要兩三年才可以復原,樓價最基本要下跌20%以上,納米樓更加唔止,將指數維持在現有水平是沒有用,跟隨市况調整是正確做法,而且會吸引不少人在分段時候入市,跌10%已經有人買,跌15-20%更加多人買,以香港人現時實力,愈跌得多,愈多人買,不少人以指數作為置業明燈,因為業主減價並不能反映樓價實况,可能只是開價大,所以,將指數維持不升不跌並不是明智之舉,老實說,除了中美貿易戰之外,因逃犯條例引發的示威活動已經有兩個多月,指數在這期間不但沒有下跌,還要不斷破頂,除了未能吸引到那些打算執死雞的準買家外,還令到打算賣樓的人唔會減價,結果是雙方大纜都扯唔埋,成交量又什麼辦法唔慘過沙士。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 愛因斯坦 2019-08-30 09:46:08
放心吧! 香港就算出算核爆, 全部人死哂, 中原樓價指數都唔會跌!  =]
2. 大鄉里 2019-08-30 10:40:56
不跌其中一個原因是業主知到香港人十分善忘,當風波過後不久,便會好似甚麽也沒發生過,提也沒人提.
 
3. 十郎 2019-08-30 10:47:54


     “負責做指數的人” , 我唔係好明白是指什麼。


4. Stephen Wong 2019-08-30 11:36:39
我去買嘢,唔睇標價,唔睇折扣,唔睇資訊,唔睇網評.
只要是自己所好,心底價才先買.
5. 湯瑪斯 2019-08-30 12:18:47

博士話「以香港人現時實力,愈跌得多,愈多人買。」我既睇法與博士有分別。香港現時實力(購買力),應該同三個月前有明顯分別,大陸亦然。有說主要是因為中美貿易戰的影響,部份原因是香港這幾個月的亂局。香港經濟現況好大鑊,未來一年高危。部份人(包括不少中產人士)可能會在未來幾個月失業。咁既情況,點會樓價愈跌愈多人買呢?部份未失業人士,怕份工不保,有足夠首期也不敢入市。對上幾次樓價大幅下調,都有這一現像。所以我對未來一年既樓市,睇得比博士淡。

6. 鳥5 2019-08-30 12:21:05
哈哈
7. 鳥5 2019-08-30 12:23:19
1F, 非常幽默,哈哈
8. 忍者 2019-08-30 12:40:30

其實今次篇文唔係俾我哋睇,係俾指數負責人睇。大家今日下午即管睇下指數負責人識唔識做啦﹗Haha

9. 湯瑪斯 2019-08-30 12:47:36
香港有少中、小企話香港再亂落去,只有裁員或結業。我幾年前在一間大約有六十個坐位既茶餐廳吃飯,找數時看見牆上的工作紀錄卡,估唔至一間茶餐廳有三十多位員工,執一間茶餐廳就有幾十人失業。
10. 鳥5 2019-08-30 13:17:20
係呀!既然大家都 覺得個樓市, 雞籠feel得滯。。 睇下叫負責人整整佢。??? 望埋去冇咁雞籠呀!。。。哈哈
11. 鳥5 2019-08-30 13:24:45
冇架。叫C生 幫大家開價啦,因為(乜,乜,乜)。黎緊一年預期跌(幾多,幾多)。力5夠大,就二年(幾9多,幾9多)... 跟住一輪新買家同業主二手隻揪隻。。。 鏡清貨 話曬 又話預期升幾多幾多。 傻瓜業主封盤 。。 發展商一手劈價大手出。。。重複又重複 。一兩年啦不嬲都係咁玩㗎啦。。
12. 鳥5 2019-08-30 13:26:55
我講嗰啲,諗下係咪。。。 未上車千祈唔好上車..
13. 鳥5 2019-08-30 13:30:58
4F, 你咁樣買嘢 ,其實係正確。。 參考價 只係愛你搵到心頭好 環個業主。 (呢個只係相對價格問題)。
14. 鳥5 2019-08-30 13:34:46
C生仲唔出嚟做嘢, 成班兄弟點食飯呀! 幫個市 ,講句公道說話應該嘅。。。 龍乜市 嗰個新界agent 冇力㗎嘛。。
15. 鳥5 2019-08-30 13:46:19
4F,你. 你諗緊嗰件事。 周圍何以用家 會被投資 一般會係高少少。(而 又唔係傻)。 呢個係事實。 四叔自己 買樓 娶新抱, 都唔會 重點考慮價格。。 不過未上車千祈唔好上車
16. 十一哥 2019-08-30 14:13:40
一早已經~樂觀而積極~卸磚頭、樂觀得滯…搣唔哂。


17. 十一哥 2019-08-30 14:22:23
今次係自作孽、阿爺唔會棄養、衹要公平對待…香港就要返祖、再寸D就泠淡對待…就有排你受、深層效應…痛完苦緊…自然就會認知邊個係…攪寸個拍T嘅始作俑者…


18. 大頭D 2019-08-30 14:29:12
由2016睇樓價跌,事實是今年唔買,下年貴10%。已經貴了30%呀!
除戰爭、政變、大自然災禍期間除外,樓價、股市是有上冇落。事實是香港樓價只升,到此刻,是不變的。
大多數人只會在升市是追買,極少數人有膽在跌市低買。
到年底,樓價可能有5%升幅。
大和解可能在10日內出現,我不是聰明人,因世上沒有。我也不是愚蠢者,因找不到一個笨蛋。只有說實話的人和説半眞假的人。

20. 引刀一快 2019-08-30 15:27:02
鳥5兄

雞籠好呀,所謂“龍過雞年”嘛,好意頭,一定升,就算跌,都係假跌啫。

不過我發現,好多人話買,都係假買啫😄
21. 鳥5 2019-08-30 16:01:01
刀兄,假買。。哈哈 你超唔賺最後一個銅錢。。 因為最後一個铜錢。 其實都係流流地。。
22. 我有一計 2019-08-30 16:02:14
我有一計:將要買樓的錢全部留下買食物,肯定不會餓壞肚,這一計非常有效,值得認真考慮。
23. 鳥5 2019-08-30 16:04:02
18F 樓市嘅大型升降櫃 點解你仲覺得 同短期嘅大和解有關係呢.... 大型升降櫃個開關掣 根本向美國。。。
24. 鳥5 2019-08-30 16:17:10
大和日後係會升。 你見發展商仲未出大手出就知啦。。 不過你坐佢出啫。佢劈5 通買件舊咩。。
25. 鳥5 2019-08-30 16:18:16
今年下半年 發展商入咗紙14000件... 自己諗啦
26. 十一哥 2019-08-30 16:50:59
大和解 ? ?  ? 擺明敵我矛盾…邊會有和解選項。

27. LC1 2019-08-30 17:07:47
不過你睇金價升到噤,銀紙跌同經濟差有無可能同時發生?
28. LC1 2019-08-30 17:09:33
同埋而家要賣樓,你都唔會有好價錢,除非你覺得之後有機會唔夠力供樓。

29. 鳥5 2019-08-30 17:48:06
十一哥。我見即巿個人弱D。見26400前。好似怪怪地。成交5太弱。你feel到乜, 願聞其詳
30. 鳥5 2019-08-30 21:48:50
大和只係一種 概念.. 互相 諒解.. 都只係就中概念..Show Off only... 唔係實質嘢..Show 節目嘅一種。。 冇5咁認真。。
31. 鳥5 2019-08-30 22:00:11
關於未來樓價 最重磅嘅消息... 其實就係金管局嗰裝 總裁人選 都講到好煩 係任志剛 題拔。。 未來嘅房屋政策 其實任志剛嘅18年嗰份文章。。 外匯儲備 係一種(顛覆性嘅政策)概念。。。 呢啲先係緊要 唔好成日望住個中原子數啦。。 成日將啲升怢 加埋啲道德嘢。 發展商同銀行路會睇嗰啲,又5睇。。 唔該諗唔去諗 功課又唔做.. 輸咗賴專家. 又要賭身家。。唉!
32. 鳥5 2019-08-30 22:04:39
小弟 上年年尾都睇過㗎啦 睇完自己諗啦... 樓市升跌 冇科學根據 同宗教 道德 有直接關係.. 打開份報紙 淨係睇標題 就去判斷 5書你仆*咩
33. morgan 2019-08-30 22:21:16
  • 《環球時報》總編輯稱願與示威者對話

    來源:香港網 www.123hkw.com

    《環球時報》總編輯胡錫進在香港表示,願與示威者對話交流,又稱中央能承受香港長期亂下去,又稱十一國慶非「死線」,解決不到中央也會接受,認為中央能承受香港長期亂下去,損失的只是香港自己。

    對於國家來說,可能做得不好,丟一點面子,但是你說面子真的那麼重要嗎?最好的方法是香港以自己的法治平息混亂,除非完全失控、政府和警隊徹底癱瘓、出現人道主義危機等,否則中央不會出手介入。

    胡錫進表示,內地互聯網有一些激烈的聲音,一些氣話,內地媒體罵香港示威者是「廢青」、「蟑螂」很傷香港公眾的感情。但是哪兒的互聯網上都這樣,香港互聯網上罵內地人是「蝗蟲」的聲音也有,但不認為那些聲音反映了香港社會對內地人的主流態度。同樣,香港媒體也不該把內地互聯網上最激進的聲音看成是內地社會的主流態度。他強調,內地社會對香港是充滿善意的,非常希望香港好,也真心願意香港保持高度自治,保持在資本主義制度基礎上形成的獨特社會風貌,「一旦香港衰落,內地社會是很心疼的。 」
  • 34. 引刀一快 2019-08-30 22:52:22


    輸咗賴專家,又要賭身家。
    假跌哲學家,龍市靠祖家。
    李氏大商家,偷偷早搬家。
    司馬歷史家,唇舌最灑家。
    給你一個家,地產佬回家。
    夢想能發家,終橋底為家。






    35. 鳥5 2019-08-31 00:17:54
    刀兄。 今日首詩 工整 有次序 內容個個猛人
    夠晒力。直頭 去到(不近人情嗰個狀態)
    一巴二打落去咁。。。狠
    佩服佩服

    36. 鳥5 2019-08-31 00:55:43
    十一哥,放心。 發展商重貨 唔會兜刀劈 炆棚仲有時間
    37. 十一哥 2019-08-31 09:44:27
    雀仔  人造浪太密…上水睇風景、留D基礎唔抆嘞…驚到冇人買先再諗樓叠樓、真係太灰就喺股市度狠D做套戥啦!

    阿爺策略係置諸死地而後生、打斷腳駁番更硬淨、香港唔值得嘥…關鍵在邊個揸庒、阿爺圍繞香港機場造咗幾多配套…睇得出縱橫部署幾深、英帝當日諗住散水同香港清倉…點估到阿爺會用得到…又用得好。
    38. 鳥5 2019-08-31 14:37:03
    我睇圖呢 表述啦 係97拉長版 所以有冇上次咁急。。 不過實體復甦 咁嘅週期慢D。。 香港又唔會玩到人去樓空既。 股市方面啦。。 就像是熊市滾動式。。 以每年大型波幅歸邊 就唔會話一夜插死嗰啲。。 冇乜嘢呀 經濟活動轉慢。。 香港意外嘅週邊地區現象。。 香港照跟 冇乜特別
    39. 鳥5 2019-08-31 14:39:09
    更正。以香港以外地區相以。。如 韓國日本. 差個星加坡少少咁嘅現象囉
    40. 鳥5 2019-08-31 14:57:37
    十一哥,睇下 香港以外嘅鄰近地區 心中大概有個底㗎啦 睇返過往兩年 大概估到嚟緊香港兩年.. 幾科學 ,客觀...
    41. 鳥5 2019-08-31 15:01:01
    至於香港樓價, 睇開啲啦....
    42. 十一哥 2019-09-02 09:49:01
    全港土炮陀地要求~英殖帝~承擔·承諾·義務·責任·公平·公正·公開·履行實踐成日掛喺口嘅仁義道德~收哂全港土炮陀地。

    上面果段唔重要、重要係咁就啟發咗英國樓市商機 ! 信英帝有仁義道德嘅…就快D瞓身嘞 ! 十X哥果然有先見之明…
    43. 引刀一快 2019-09-03 07:18:39
    十一仔

    睇嚟幾有啟發性喎,哈哈哈

    仲講仁義道德?咪傻喇,英國佬,識貨呀。