地產博客 > 文亮言 返回
瀏覽人次:23383    回應:37
文亮言

佔領立法會後對樓市影響

 

湯文亮博士

紀惠集團行政總裁
2019年7月7日

  在星期一睇佔領立法會直播,知道警方有意撤退,讓示威人士佔領立法會,及後會來一招甕中捉鱉,當時估計警方稍後會重奪立法會。我在一個基金族群表示,在星期二開市後恒指會上升500點,結果只是升了330點。當時基金內有人問點解我咁肯定恒指會上升,我話在佔領立法會之後,「逃犯條例」事件已經去到一個終結,香港往後一段時間將會回復平靜,有利各項投資,樓市亦不例外。除非警方在重奪立法會時出現人命傷亡,導致出現大規模示威暴動。到了那時候,香港無論在那一方面都會受到重創,樓市亦不例外。

  老實說,今次示威人士雖然是很衝動,但如果不是他們,「逃犯條例」已經二讀三讀通過了,到那時候就變得人人自危。林鄭可能不明白立法容易把關難,他日面對國內法院要香港交人的要求。我相信林鄭或者繼任的特首很難把關,這點對在國內的香港投資者相當不利,在國內投資好似酒後駕駛,就算有碰撞都會處於下風,甚至為了息事寧人而賠上鉅額金錢。所以,即使口中贊成「逃犯條例」的親政府知名人士,心裡其實是反對。現在由反對派出面,林鄭將條例擱置,對那些人來說,這是一個好到不得了的結果。

  而事實上除了港商之外,不少在國內有投資的外商亦擔心。現在外商只是派了最中基層的職員進駐國內,中上層以及營運的則在香港,或者在新加坡。所以,在國內包括上海與深圳的甲廈空置率高達30幾個%,而且租金只是香港的十分一,而香港甲級商廈的空置率只是2至3%。這代表外商不願意在國內設置大型辦工地點以及簽定合約,他們始終都是比較相信香港的法律,故此有很多合約都是在香港簽署。如果「逃犯條例」生效,香港就失了這個優勢。當林鄭宣佈擱置「逃犯條例」時,不少外商港商當晚熱烈慶祝,但他們有一個擔心,就是示威者不斷要求林鄭下台。如果中央政府真的是罷免林鄭官職,她的承諾亦隨之消失,新特首可能馬上啟動「逃犯條例」立法程序。所以,大多數商人都希望事件告一段落,林鄭下台只會令事件變得複雜化。大家到後期亦已經睇到,陳太要求律政司下台而非林鄭,相信示威者亦睇到這個情況。現在最好就是林鄭可以連任,這就可以有最少8年不會重啟「逃犯條例」,對樓市當然是一個十分利好的訊息。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2019-07-07 11:49:25
71空城計係極度有問題

如果一切如正苦所想,放晒入去甕中捉鱉當然好,但如果衝入去後入去既人越黎越多,警察入去清場時示威者放火同歸於盡,最後成個立法會燒晒,死幾百人,咁點?

林鄭同港官一直係溫室裡面成長,未見識過群眾起事既場面,示威群眾衝入正苦主要建築物,我相信經歷過文革大躍進既國家領導人心入面都歷歷在目,想捉人有好多辦法,但空城計呢傑屎橋,阿爺一定唔like, 空城計失敗後,4點記者會林鄭個樣面如死灰,同之前兩次出黎個面口完全唔同,林鄭呢種人無論邊個鬧佢佢都當耳邊風,唯一可以打擊佢既只有阿爺,睇佢4點個死人樣,非常大機會係佢玩過左火,阿爺已經警告左佢

話說71衝立會後,果d中央支持林鄭既聲音都唔見晒,佢大鑊了
2. 笑咗 2019-07-07 12:11:11
平日不時指出博士分析有既定立場及唔合理嘅地方,但今次分析算中肯,又值得like嘅。
3. 壞事變好事 2019-07-07 12:15:21
博士果然是明白人,好清楚點解香港商廈咁值錢。

上海及深圳取代不了香港的原因,主要是外商及內商對内地的不信任。過了羅湖口岸,Facebook, Twitter, Instagram, WhatsApp 卽死,如斷6親。

香港中環租金再加兩倍,都不愁冇人租。

深圳前海及廣東的一大埋自貿區區想取代香港,第一件事就是俾人任意上网睇生果日報。可能嗎?

一日不俾人睇生果,香港金融中心地位都穩如泰山。中环車位衝上一千万元,指日可待。
4. 200 2019-07-07 12:17:08
法例503原文就是注明不包括中國和附地. 立法必有原意.不是林太說的漏洞. 怎能説加就加. 再者, 她說法院可把関, 但要被送者出錢打官司. 曾公也花了三千萬
5. Zeitgeist 2019-07-07 12:39:35
隨著新社交媒體的出現,民粹主義會越來越嚴重,這是一個大趨勢。一個國家也好,一個社會也好,垮起來是很快的事情,不是簡單的體制問題.
---復旦大學中國研究院院長張維為教授
6. 引刀一快 2019-07-07 14:41:29
To 3樓

香港人過境之後一樣fb、鑊嗡,唔使翻墻,漫遊就得喇。
7. 引刀一快 2019-07-07 14:44:19
真真薯片兄

為香港祈禱喇。
8. 引刀一快 2019-07-07 14:46:03
To 5樓 Zeitgeist兄

香港民粹事小,大陸民粹事大。
9. 向泛民说不 2019-07-07 15:13:42
引刀,大陆有咩民粹,唔L好转移视线,唔L好破坏香港啦。
这两日来大湾区,根本无人关心香港,人民安居乐业,所以你建议香港人去大湾区,是正确的。现在香港的前途真正决定在你们饭民和背后势力想玩到几大。主动权在饭民狗那边。中央已经退无可退。
中央暂时忍耐是第一唔想出现流血事件导致欧美团结,目前中美贸易战,老美处于下方,只要原因就是欧美唔团结。但是第二,中国仍然想维持香港这个金融中心。

10. Zeitgeist 2019-07-07 15:26:17
To 引刀ㄧ快
正因為現今世界充滿不確定性,所以資產配置是個與時俱進的學問,不能因自己意識形態的偏好而埾持己見,平時是理性主導,在一些時候要反其道而行,例如阿拉伯之春,倒下或陷入內亂的政權是有限度開放的政權,反而極度政教合一的極權沙地阿拉伯是安全港。
極權在這裡指的不是政治制度,而是政府的執行力和管治力,正如著名政治評論家福山所講:--
It is important to have a strong central state as well as constraints on that state if liberty is to flourish.
至於中共的執行力和管治力,在很久以前我買大陸樓時碰上國家突發式在地產宏觀調控時領教過,ㄧ夜之間,ㄧ紙法令就全國實行。
至於香港政府的執行力.....
11. 鳥5 2019-07-07 17:19:19
刀兄, 我唔知點樣安慰你。。。 你又真係睇都一般港人睇唔到嘅嘢。。。 不過我反覆思量。。。 最後習生都係搞得掂。。 我用國內嘅思路去諗。 國內所有文官 包括傳媒 包括國旗。。。 心入面都會明一件事不過唔會講出口。。。 共產黨。。。 誰掌軍權,誰主浮沉。 歷史係出奇地巧合。 從呢個角度, 對台且退 係必然結局... 所以你都唔使過份擔心
12. 鳥5 2019-07-07 17:21:13
咁講你會舒服啲啦.... 先喺個果, 再諗過程 點玩都係嗰個方向
13. 鳥5 2019-07-07 17:26:27
據聞近期過關車牌大跌, 邊個抄邊個瓜, 傳聞交稅一年15萬。。 立立亂靜觀其變
14. 路過 2019-07-07 18:09:42
我這刻在浦東上網
15. Hongkong People 2019-07-07 19:06:35
博士,你會唔會危言聳聽咗D呀?

"逃犯條例"過倒,特首都唔需要去把關,有法院把關; 罪行要最起碼有7年刑期先附合引導條利,我相信係大陸嘅投資者唔會咁無知,发生普通交通意外就驚,賠賞巨額金錢,同埋係交通意外現場俾人捉到正,你係冇機會做逃犯,所以逃犯條例不適用。

同埋,博士可能冇乜同外商接觸,我94年剛出來工作嘅時候,有好多美國客户,係北京設廠,香港有sales office,但大中華嘅老總多數都係北京,94年佢哋都唔怕國內法治,而家就更加冇呢個concern, 反而而家D誇國企業,如果同美國企業有大競爭而又成日嬴佢哋,去美國就真係好驚,隨時莫須有被拉。
16. 路過 2019-07-08 05:04:30
To14, 我地都係路過人,到依個世界走一轉,其實有時心諗,不如大家再炒盡啲,令到香港更加唔適合人住啲,等大家都走啦不如,賣哂啲樓俾你地啦咁鐘意,個個真係做野個啲走算把啦,橫掂互聯網咁發達,瀨死係香港做咩呢,俾哂你地啦,香港咁好,你地拎住幾十層樓千秋萬代子子孫孫一定有福,香港政府繼續利益傾斜啦,我地都係傻仔,一定買哂你啲樓啦,你地一定有糧出啦,放心,我唔走仲可以做啲咩,啲錢個個走去買樓,都無人做正經野,痴線
17. 真真薯片 2019-07-08 09:21:15
用香港sim係大陸上網或者翻牆上網同所有人同公司光明正大就咁上網既分別都分唔到……
18. 十一哥 2019-07-08 09:35:50
食糊
19. 吹脹 2019-07-08 09:54:17
越暴動,越為反對而反對一切,越打殘土地供應,樓價越升。
20. 向泛民说不 2019-07-08 11:32:24
其实吾需要甘多阴毛论,大陆要玩香港,可以立刻收一国两制。要知道的底线是国家安全,所以23条,逃犯条例都是必须的。现在你地班友比饭民骑劫,比民进党骑劫。对一国两制破坏,连外国传媒都认为一国两制未必会撑到2047.没有一国两制,就没有23条,逃犯条例,用下脑思考啦。

仲有未见其利,先见其害,昨天发生命案,行凶者已经逃返大陆,今次大陆肯定吾会帮香港啦,香港变成犯罪者天堂。仲有冲击立法会那个暴徒,原来目的就是自己移民,可以免费读大学。他目的达到了,立刻飞去了美国,苏州k,香港人处理。好心有小小分析能力啦。
21. 鳥5 2019-07-08 11:54:19
十一哥,食湖好,坐下想再介多加多塊刀片。。
22. 鳥5 2019-07-08 11:59:51
路過兄,小兄 真係理解你嘅心情... 不論當年97,當年日本.. 都係咁樣 資產泡沫膨脹 係唔針對 民族 宗教。。 呢個係人性 好現實。。。 唔參與其中。。 已經係少數。。 爆破, 係遲早嘅事呀
23. 鳥5 2019-07-08 12:01:23
在下睇條數 穿276 250平均線 應該唔難
24. 鳥5 2019-07-08 12:07:29
19F, 如果你覺得 發展商股幾萬十萬貨 係 蟹 貨。。 猴子就係大鑊。。。 係坐貨 。。咁後事就係升。。。??? 但係啲租 升定跌呢 有 有糊唔食 使唔使出糧畀夥記呢? 成棚货鍋 !唔係一件貨喎? 你 癲佢 係咪 傻先? 唔係一個傻喎要全部發展商一齊傻㗎喎?
25. 鳥5 2019-07-08 12:11:12
十哥,今年中長期都係應該要加啲黃金。。 啱啱穿牛一試位 大陸老千二做底 而家千四邊 其實係要買, 個人睇法.. 而家呢啲位長揸係舒服
26. 鳥5 2019-07-08 12:14:29
而家係好難搵啲嘢係...不敗之地 唔貪心唔玩共桿... 其實就可以 大手dd加落去 做倉底。。。
27. 鳥5 2019-07-08 12:18:40
個人策略係戰術,金股对换。。。 股票市場以三兩三成波幅。。。 未來兩三年, 股换金,金换股。。 應該有利可圖。。。 一個熊一個牛。。
28. 鳥5 2019-07-08 12:21:09
不過要玩都要慢慢嚟, 先勝而後求戰
29. 鳥5 2019-07-08 12:23:57
不過黃金, 盡可能唔好玩 槓桿 因為揸嗰個 要畀倉租。。。 玩過你識計啦 退休人士 可免則免 始終贏係 絕對 贏多贏少 只係相對
30. 十郎 2019-07-08 13:38:04


      玩槓桿黃金(孖展) ,  冇息收之外 , 仲要付息㗎。

31. 十郎 2019-07-08 13:45:53


      炒外滙 , 幾個點子就食糊㗎。出入好頻繁㗎。炒倫敦金 , 幾個點子就補倉 , 好快清底㗎。

      現在樓價都係炒緊孖展。


32. 十一哥 2019-07-08 15:26:23
地庒何妨利用孖剪搏命、分別在搏到幾多先至夠喉…

33. 鳥5 2019-07-08 23:02:49
十哥, 玩打巴倫就得, 嗰啲高剛剛黃金真係唔好預我 買實金啦,。。? 兩三年內如果 美金 真係爆 ,qe就唔到 。。超 級大 黃金大牛市。。。 啲嘢幾似你當年嗰陣, 不過時間好似拉闊啲。。。。 我睇圖就只係放大, 時間達長啲。。。 但係歷史又好似係重複
34. 鳥5 2019-07-08 23:06:37
技術上美國其實係破咗產 ,資不抵債 以gdp 出呢條數,根本頂唔到 息口。。
35. 鳥5 2019-07-09 00:11:50
黃金大牛市前奏 ,係小型貨幣戰爭。。 你炒外匯其實都啱。。。 不過小心啲 幾年後 現金是王。。 其實唔輸呢幾年我都係覺得 已經叫做贏
36. 鳥5 2019-07-09 00:12:50
預祝你錦上添花。。。
37. 引刀一快 2019-07-09 03:11:44
To 11樓 鳥5兄


“搞掂”,其實係某大俾人“坤掂”,呢招奇毒無比,邊一邊贏,香港都係死。