地產博客 > 文亮言 返回
瀏覽人次:27448    回應:42
文亮言

撤抑或不撤?這是一個問題

 

湯文亮博士

紀惠集團行政總裁
2019年6月17日

  香港人被一條沒有迫切性「逃犯條例」搞到少則頭暈,大則分化,父子兄弟朋友可能反目成仇。不過,雖然這條「逃犯條例」沒有迫切性,但牽連甚廣,在有心人士演繹之下,變得人人自危,竟然出現一個號稱百萬人大遊行,最後演變成騷亂,政府必定要小心處理。無論結果如何,政府今次將會失很多分,如果現在選立法會議員,我相信建制派會大敗。因為市民埋怨那些親政府議員沒有做好把關工作,建制派這十幾年努力白費了。

  有老友問,以現在這個情況,政府撤抑或不撤,叫我用最簡單而肯定說話回答。我頂,這是大塊文章,
又怎可以三言兩語說得到?撤與不撤都有理由,簡單來說:如果是中央硬任務,不撤;如果是林鄭想邀功,撤。雖然是中央硬任務,在這緊要關頭中央話撤,都不能夠承認這是中央硬任務,林鄭這隻死貓一定要食,一定會有很多官員替林鄭不值。明明是中央硬任務,點解要林鄭食死貓?其實,這是官場與商場的分別。在商業社會,下屬替老闆食死貓簡直是閒過立秋,我未見過一個從未替公司食死貓的管理人員可以坐到最高位置。老實說,食死貓亦要有多少天份,香港的政務官從大學畢業就入了政府工作,管理一定沒有問題,但食死貓就不是太多官員懂得。

  老友再問今次「逃犯條例」事件搞到一鑊粥,究竟出了什麼亂子?我認為政府的公關工作做得不夠,在林鄭上任後成立一個俗稱搵地小組的土地供應專責小組,有30位成員。如果大家睇名單,就知道一定搵唔到地,這亦是政府的目的。18個月後,搵地小組話搵唔到地,政府於是推出各種方案,包括與地產商協商補地價,收回棕地。以至明日大嶼填海計劃,反對的聲音就會減少很多,搵地小組所做的原來是公關工作,小組主席黃遠輝了解之後非常火滾,我覺得是人之常情。

  很多人都知道,政府今次是借台灣殺人事件而修例,最初泛民只有微弱反對聲音。如果政府趁機話泛民反對而對受害人的母親表示愛莫能助,將個波交俾泛民,泛民如果表示反對修例就要做醜人。如果表示不反對,政府就趁機修例,退而求其次就成立一個咨詢小組,搞一年半載大龍鳳,最後是否能夠修例,政府都沒有失分。現在撤與不撤,政府都已經失了太多分,以後要有效管治就很困難。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 公關工作做得不夠 2019-06-17 11:28:48
陳智C 咪又出黎講, 林鄭不是政客, 所以沒有蠱惑, 外加一句必須繼續不斷誠心道歉. 點解會留個咁嘅人黎做行會成員?
2. 亞Q 2019-06-17 12:28:02
自反而直 , 衰千萬人 , 吾不往矣 !
3. 睇唔過眼的人 2019-06-17 12:59:58
支持林鄭!又或者睇下飯民有冇人想做特首囉。而家政府做又36,唔做又36,冇野架,成二百萬人示威都冇人講到建設性建議,我呢d中間派唔會服。
4. 真真薯片 2019-06-17 15:00:41
如果係阿爺話唔比撤,咁呢個理由大家係可以理解,不過點解23條可以撤,送中就唔可以?

其實撤回同暫緩實際上真係冇分別,兩樣都係依家唔做,將來隨時可以再提,某人講得岩,純粹字眼問題,唔需要太執著,但既然唔需要執著,點解阿爺同林鄭仲要死撐?撤咪撤囉,你點知下個月會唔會發生突發案件,到時全人類支持修例,撤完再推都可以彭彭聲通過?點解要為一樣冇分別既野死頂落去?

林鄭呢鋪衰好多樣野,不過所有野其實係源於佢既個性太過傲慢,自視太高,撤底既目中無人,我行我素,完全唔理任何人同客觀環境,結果就搞成咁


5. 乜春 2019-06-17 15:31:02
明明33萬,吹大到200萬。不如講夠1000萬吖笨。哈哈
6. 路過 2019-06-17 15:38:05
To 4樓 其實你講,林鄭呢鋪衰好多樣野,不過所有野其實係源於佢既個性太過傲慢,自視太高,撤底既目中無人,我行我素,完全唔理任何人同客觀環境,結果就搞成咁. 依句野,先係香港人出黎遊行真正既原因,你唔講傳媒影親依啲領導人既時候,個角度都特別衰既咩?揀親啲相都影到佢地個樣好乞人爭?依啲都係一種潛而默化,樣衰加標題,日日睇你就會覺得佢討厭,我話你知點先無咁多爭拗啦,搵周潤發做特首就搞掂哂,佢識唔識管理同政治就真係小問題,大家諗諗佢

7. 路上行人 2019-06-17 16:06:59
200萬人? 全香港合資格選民才220萬 ! 反對派不用搞選舉工程了 , 躺著也可以勝選 , 到時千萬別打告急牌 , 否則會露餡 !
8. 乜春 2019-06-17 16:39:30
香港警察應該組織一次「反暴力」大遊行,畀全港市民參加。到時一定有700萬人上街支持警察。
9. 真真薯片 2019-06-17 16:49:46
幾多萬人上街既數字根本唔重要

重點係,阿爺請你林鄭返黎,你既工作係維護香港穩定繁榮,保持社會安寧平靜

林鄭竟然係中美貿易戰,台灣大選,64 30周年,阿爺生日既關鍵時候,炮製香港回歸後第一次警察開槍同最大型遊行,將社會混亂程度推到極點,仲要飛升國際,到底有咩居心?講講下,都唔知林鄭係咪英國間諜,特務007既後人,特務777?
10. 路過 2019-06-17 17:01:05
To 9樓,其實我都有同感,時機太差同處理手法太差,唔似有經驗既人做既野,同埋上次土地專責小組2年之後出黎既報告唔係解決既方法,係一啲我地一早知既資訊,既無表態,之後又要無後續,亦都相當可疑,感覺係有心拖延時間,所以我每次都覺得依啲大龍鳳係反而模糊左大家既視線,無聚焦真正既問題,我覺得議員既責任係要不斷追問依啲社會基本問題同立法,依啲高層次問題唔該解決哂啲基本野先搞好無?
11. 真真薯片 2019-06-17 17:18:37
10樓,林鄭推呢個修例無論係時機,方法,態度都差到極點,好難可以做得差過佢,你係街邊求其搵個人做應該都好過佢,例如你搵阿唐唐淨係識笑騎騎十問九唔知,夠鍾就拖下先,咁都好過林鄭100倍

至於點解佢會做到咁差,有個金句或者可以解釋:佢一係太蠢,一係特登

唔好忘記,2015年阿爺生日爆股災,阿爺定性做“金融政變”,A股又試過跌89.64點,我估計阿爺會撤查此事
12. 睇唔過眼的人 2019-06-17 17:22:24
而家我同朋友傾計都要好小心,因為你同佢政見唔同既話,佢地會話你係未建制派,又會覺得你支持政苦係錯。所以,我而家書面上既溝通whatsapp或Telegram都會在必要時先用,唔再講呢單野,費時比人言語攻擊,我分唔到邊個係人係鬼。但係我會記得呢種恐怖既感覺,但最諷刺既係唔係共產黨比我呢種感覺,而係身邊我認識既人。所以,我只能在網上發言。多謝呢度仲有得講下野。
13. 唔好忘記 2019-06-17 17:37:32
片哥, 既然咁多不幸嘅事一齊發生, 點解你唔相信係阿爺倒楣呢?
14. 十郎 2019-06-17 18:46:31


      其實切定不切 ?

15. 路過 2019-06-17 19:57:46
To 12 認同,恐怖在係我個fb有第二啲公司老闆,同行,表態既話個種白色恐怖勁過文革,老實講我驚佢地多個中央政府
16. 路過 2019-06-17 20:00:13
To13 依個世界好多野都可以巧合,咁多既巧合係埋一齊就唔係咁易,我開始懷疑係唔係林太個仔有啲把柄俾人揸住左
17. 真真薯片 2019-06-17 20:11:01
點可能咁橋所有人為錯誤同時係最壞既時間發生?

諗諗下,我突然覺得林鄭可能係無辜……
18. 路過 2019-06-17 20:20:46
To17 如果真係無辜,依個就真係天意,佢如果唔俾人推落台既話,可能佢真係會沽注一擲推啲政策出黎
19. 乜春 2019-06-17 21:06:03
今次係自文革之後,另一次紅衛兵運動。人人都要統一嗌同一口號,明明暴動就唔准講暴動。支持嘅就盲目支持,反對嘅就盲目反對。反對派成功令到法例無法喺立法會辯論,市民無法知道法例細節,好多人都係人云亦云,就決定自己立場,集體畀人洗腦,以口號代替思考。
20. 睇唔過眼的人 2019-06-17 21:22:58
To 15 and 19
真心估唔到我認識既人會變左紅衞兵,中央政府都冇咁惡!今日有人揾我想傾呢單野,但我講明唔再講任何野。之前有人挑機我去金鐘大叫支持林鄭,踩佢都嘥氣。
21. 路過 2019-06-17 22:15:32
To 20 最慘係個啲全部都係有學識都唔鐘意大陸既人,但佢地意識唔到自己行緊中國以前最差個套
22. 七十後 2019-06-17 22:43:14
有無人想過,阿爺不一定支持從香港引渡逃犯。

如果有貪官在港落網,會先走本地的司法程序。

到時候貪官在法庭爆大鑊,供出其他中共高層共犯,不管是真是假,都會有排煩。

如果我是阿爺,請強力部門捉人,更加乾手淨腳。
23. 鳥5 2019-06-17 23:35:27
香港得嗰八百萬人, 扣除啲阿婆 ,響屋企 。。又要返工又何來有200萬人呢? 真係開玩笑。。 大話越大越多人信
24. 鳥5 2019-06-17 23:40:11
身壮力健,又5係小朋友,得6OO萬左右。。。當中5洗開工得100萬。。何來2OO呢?
25. 睇唔過眼的人 2019-06-18 07:18:42
呢單野令我體會到「隱性飯民」既紅衞兵都唔會比佢地針對既政權好,咁點解我要企係佢個邊?呢種恐怖感覺我會記住。我唔會投比飯民,因為感覺太強烈。講到大陸咁黑暗,佢地想你消失都不如用乾手淨腳既方法啦。
26. 真真薯片 2019-06-18 13:11:03
如果你信正苦唔會重推,暫緩同撤回係冇別,暫緩同撤回都係呢一刻唔再推,將來就係將來既事,將來再算

技術上暫緩同撤回唯一既分別,係條例仍然係通過左首讀狀態,而今届垃圾會林鄭建制派仍然有絕對通過權,假如下年7月前有一日民意風向轉變,佢就可以彭彭聲係兩星期內二讀三讀極速通過,所以堅持用暫緩唔撤回,事實上佢仲未完全放棄
27. 事實上佢仲未完全放棄 2019-06-18 13:33:16
你不如話阿爺仲未完全放棄, 英民就算 55 波脫與唔脫, 都係議會事議會了, 前事之鑑一早獻世派應該表明會否決佢就乾手淨腳。
28. 技術上 2019-06-18 14:12:27
嗱, 葉國謙更加為老不尊, 竟然話要身體語言讓公眾感受歉意, 真係唔知佢想講乜, 唉。
29. 真真薯片 2019-06-18 15:19:04
建制派人數有絕對通過權,當然要歸隊聽阿爺指揮,阿爺之前撐得咁恆,建制聽指揮動員支持,你都睇到,真係好多選民要建制派去支持嫁喎,由林鄭照推,再由建制議員否決,即係叫全部建制議員撞車者,咁寧願林鄭自己撞車,其他人撞佢車尾,冇咁傷
30. 阿爺之前撐得咁恆 2019-06-18 18:03:15
所以你咁講咪啫係話係阿爺倒楣囉。
31. 湯瑪斯 2019-06-18 18:20:03
為了香港好!我呼籲全港大和解。
上星期六之前,我好擔心林鄭不肯退讓,唔知點收科!現在林鄭退讓了,又擔心民主派不肯退讓。
林鄭已經道歉,又肯暫緩立法(其實昨日會見各界時,我的界別傳來她表示實際上已經撤了),犯法者將依法辦事。我就收貨了,但總有人不肯收貨,非要她下台不可。希望民主派不要貪勝不知輸,不過民主派通常都係進退失躆!
32. 秋後算賬? 2019-06-18 18:49:43

政府統計處在登記6月12及13日放假的公務員姓名,有同事更直接被上司問:呢兩日係唔係放假?放乜嘢假?

未知所為何事?最少令果兩日放假的同事非常不安。

其實公務員放假都有清楚記錄,多此一問,明顯係想制造威脅。

特首鏡頭前出來表示悔意及道謙,實際部下做的又係另一套,不能不叫人心寒,希望有人可以出來澄清一下!

33. 但總有人不肯收貨,非要她下台不可 2019-06-18 18:52:22
因為哩啲人都唔知反緊啲乜, 自然唔知乜野才是收貨, 哩個好明顯係老董惹的禍, 今時今日咁嘅服務態度唔夠, 咁點先至叫做夠? 客官你又俾緊幾多錢? 平時嗌幾碟咩野餸新年有冇封利是有冇買糉餅臘腸年糕, 如果乜都冇, 點解你會覺得會有枱留俾你? 試吓諗吓林翠閂走左張獻忠做同李小家做有咩唔同? 或者 689 再出黎, 咁哩班人真係捉蟲。
34. 睇唔過眼的人 2019-06-18 19:34:19
To 31. 好難做到大和解,因為隱性飯民令我睇唔過眼,我而家係身處黃衞兵的包圍中,佢地日日都話正苦點樣衰,d高官幾咁唔掂,大陸幾咁黑暗,但你話佢地就會受到排擠。我覺得中央都唔需要再關顧香港咁多,因為連我都頂唔住。我重申,我唔會投票比飯民,佢地都唔民主,反而大陸擺明唔自由都仲好。我已經暗地裡同好多人割蓆,話不投機半句多。
35. 真真薯片 2019-06-18 20:34:59
32樓,我信正苦會秋後算賬,林鄭同一哥既所謂道歉同回應,林鄭話“佢需要做得更好”,即係佢認為佢自己根本冇錯,只係風頭火勢,佢就話佢做得唔夠好,可以再做好d(佢本身冇錯),一可既曼動解釋,簡單講就係佢冇講錯,係你地理解錯,佢依家解釋返比你地聽者

無可否認第二次遊行市民氣勢係好勁,但時間係正苦果邊,只要正苦唔再做錯野(當然呢樣野好難講),民氣會慢慢減弱,過左風頭正苦就彩你都傻,可以盡情秋後算賬啦

短期內示威一方好可能會趁勢去攻擊/挑釁正苦同警察,呢個係警察同正苦最大考驗,如果忍唔住出又開槍嘔打,示威者頭破血流畫面再次出現,咁示威者說贏,但只要警察忍得住,只同示威者打拳頭交,示威者係吹佢唔漲
36. 我信正苦會秋後算賬 2019-06-18 20:39:35
咁貢丸唔係要嚴守正字中立嘅咩?
37. 大陽春 2019-06-18 21:11:22
林鄭有仇報仇,應該會把樓價再抬升多一倍,回應班廢青。
38. TO 36樓 2019-06-18 23:01:19

放假唔代表去參加示威喎。公務員犯刑事,隨時冇咗份工,一般唔會搞事。但公務員放工後都擁有一般巿民的權利,即使去參加遊行亦冇唔妥。

如果政府帶頭因政治原因以白色恐怖手法去打壓公務員,咁公務員都好難堅守政治中立,因為係呢種情況下,自我保護都係一種本能。

39. 隨時冇咗份工 2019-06-19 05:19:20
家下你冇左份薪優糧準嘅工咩,身在福中砌詞作白色恐怖想,是不是自我幻想的?
40. 扮民主派陰謀論 2019-06-19 08:43:03
政府帶頭因政治原因以白色恐怖手法去打壓公務員”

扮民主派一貫以陰謀論抹黑正苦,同無知者洗腦的拙劣手法。今次係要分化公務員。可恥!
41. 尋求事實 2019-06-19 09:28:06
政府统計處有冇人要求記錄示威日放假員工,外人没法得知,叫特首問下统計處長就一清二楚。
42. 扮民主派陰謀論 2019-06-19 16:20:56
未做過政府公務員的扮民主派真係無知!公務員出勤又關統計處事?連有個部門叫“公務員事務處”都唔知,就學人挑撥離間,係咪好好笑呀?