地產博客 > 文亮言 返回
瀏覽人次:25046    回應:25
文亮言

點解有咁多人移民台灣

 

湯文亮博士

紀惠集團行政總裁
2019年5月19日

  近日報章經常報導每年有超過1,000個家庭移民台灣。在他們定居之後,生活當然優哉遊哉。首先,住的地方比香港大得多,而且環境又好,生活又沒有壓力,消費又很低,簡直是人間天堂。不過就沒有那些移民台灣的人如何搵錢?或者搵幾多錢一個月?如果不用擔心搵錢,去邊度住都是天堂,不一定要去台灣。事實上一個台灣大學畢業生大約搵台幣兩萬五,在港幣六七千元之間,而且這個入息是會維持一段長時間。以這個收入,窩居台灣仍然可以,但不能夠出外旅遊。因為外面世界所用的貨幣與台幣不同,用慣台幣的人會覺得外面的物價很貴。換句話說,移民去了台灣的人好似入了一個籠,唔知幾時可以再返自然。

  有老友話現在移民去了台灣的人,有不少擔心不久將來。香港與國內通過逃犯移交條例,他們有機會被遣反國內。其實,如果沒有在國內犯法,而且仲要嚴重罪行,又點解要擔心?在全球一體化之下,國與國之間的逃犯互相移交是無可避免。如果以這個理由移民台灣,即是提早坐監。因為在移民台灣之後唔敢去其他地區,我相信以這個理由移民去台灣的人不多。

  有一個朋友雖然年紀不大,但宣布退出江湖,提早退休。他選擇台灣為他退休後生活的地方,理由很簡單,就是台灣的生活指數低。他將原本用作自住的單位出租,大約有4萬元,然後用這4萬元在台灣生活,4萬元大約有15至16萬元台幣,在台灣可以有一個非常舒適居所以及優哉遊哉的退休生活,唯一要節制的就是旅遊,不能像以往在香港的時候,每年可以去兩三旅行。我聽完朋友的一番話,認為這才是近年咁多人移民去台灣的主要原因。我們應該說聲多謝,他們移民去了台灣之後,原有在香港的單位,無論出售或者出租,都可以說是為香港的房屋供應盡了一分力。所以,我們應該尊重移民台灣的人,而非取笑他們要移民去台灣。我估計在未來歲月,移民去台灣的人會愈來愈多。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人乙 2019-05-19 10:09:53
台灣除了生活指數低,犯法仲可以罰款賠錢了事,的確幾適合有錢人。
2. 鳥5 2019-05-19 11:25:37
香港巳經窮到得番$同樓。。。錢就隨時可以走,樓價就靠(估)。。唉!
3. 鳥6 2019-05-19 13:54:29
鳥5,你在香港冇樓,或者是只得一間自住樓,你何必擔心樓多之人。

香港擁有三、五層樓,叧外加幾個車位收租的業主大把。叻少少的有地鋪同商廈收租添。生活質素不須估,正到恨死你。

香港樓價從幾十蚊一尺升到幾萬蚊一尺,你講得啱,升幅可以升到幾高只能靠估,但方向就唔使估。
4. 乜春 2019-05-19 15:19:29
有錢就移民美加,冇錢要學人移民,咪移民台灣囉。都係移民啫。
5. 真真薯片 2019-05-19 15:23:17
唔同國家同地區,對所謂財務自由既門檻非常唔同,香港係特別高,台灣係特別低,同一舊錢,係香港做基層,去台灣做大爺,事實就係咁

另外我唔係好明,博士朋友月收四萬蚊租,去左台灣後就冇錢去旅行,點解留係香港就會有錢去旅行??
6. 十一哥 2019-05-19 15:39:15
渡假~長住係絶對唔同嘅體驗、住…幾大都係香港最好、次選就上海、其他就間中當調劑好嘞、贏咗多少…想鎖定利潤…留喺度又唔多夠洗、慢慢搣…移去台灣/大灣係首選。
7. morgan li 2019-05-19 15:52:42
李嘉誠欲脫手在上海最後一個大型項目
來源:香港網 www.123hkw.com
李嘉誠旗下的長江實業地產欲脫手其位於上海真如的旗艦項目——高尚領域,該項目的估值超過29億美金,200億元人民幣,長江實業在這個項目上擁有60%份額,也是長實在上海最後一個大型開發項目。

2006年,當時李嘉誠拿地每平方米少於3000元。長江實業當時規劃100萬㎡的綜合體項目-高尚領域,還計劃打造浦西最高樓。
現在李嘉誠正好踩著這個規劃集中兌現的日子,脫手高尚領域,時間點可謂踩得精準,不得不佩服李嘉誠的老謀深算,不賺最後一個銅板的理念。

從2013年開始,李嘉誠就開始在內地、香港陸續拋售房地產,變現離場,其中包括東方匯金中心,南京國際金融中心大廈,陸家嘴世紀匯廣場等等,2018年2月,李嘉誠以402億賣掉了香港中環中心。 “賣賣賣”的同時,幾乎沒有再在內地、香港拿地。
8. 引刀一快 2019-05-19 16:38:51
逃犯條例,首要影響係大幅削弱香港言論,第二個影響就係貿易自由度,就算冇人被引渡,一把刀懸在頭上,係一個無形束縛,直接陰乾香港。
去台灣唔及去大灣區好,大灣區樓又平,大部分人都講粵語,飲食上,完全係香港美食嘅補一章,風格又唔會離開粵菜,食材都唔錯,娛樂消閒亦對應廣東文化,最緊要係風土人情比較接近香港,唔需要包容太多就可以適應。
9. Hongkong People 2019-05-19 17:24:37
5 樓,
我諗博士嘅想法係,去到台灣無機會揾倒多D錢.

刀兄,
同意閣下所言,去台灣不如去大灣區,除你所講嘅理由,係大灣區仲可以感受時代步伐,不至於同時代太脫節
10. 鳥5 2019-05-19 19:39:45
刀兄,早兩個月前 我講大陸對港政策 應該參考幾年前對台灣青年政策 針對嘅係香港青年人 重點唔係錢。。。 今日林鄭響廣州 大灣區發展藍圖 重點 係香港年青人上去追夢 同我早輪講嘅一樣。。。。 遊香港故宮 明日大嶼 大灣區 溝人上去 全部都係 林鄭背後老細 香港第二支管理團隊。。 完完全全 中國式 旗法
11. 鳥5 2019-05-19 19:43:24
不過要效果好, 除咗offer之外 仲爭個 呢幾年必然發生 香港嘅大型金融危機, 只欠東風。。 講得太白 都係唔係咁好
12. 鳥5 2019-05-19 20:31:12
7F,李生请埸3年前我已經向D到up,當時冇人理我9up。。不過我都有跟愛佢嘅步伐 特別係低調嗰啲。。。 大約一年前左右鹽田港佢部分嘅股份轉咗畀你諗都諗唔到嘅人, 流亡泰國女總理。。 在下真係百思不得其解。。。
13. 鳥5 2019-05-19 20:32:30
應該係招商局嗰邊嘅股份, 國內非常低調報導唔多
14. Popo 2019-05-19 20:35:49
香港這麼小什麼都沒有當然要出去旅行 台灣大得多島內可遊玩的地方很多旅遊少一點沒什麼大不了
15. 鳥5 2019-05-19 20:46:25
7F, 有單嘢可以同你吹下, 居民如果香港發生巨型大蕭條嘅時間, 佢係其中一個On list中央救港商人。。 不過大陸好多預案都冇發生。。预案啫
16. 引刀一快 2019-05-19 22:37:08
鳥5兄

好嘢。

2047,港樓同大灣樓,冇乜分別。
17. 引刀一快 2019-05-19 22:38:30
To 14樓


大灣區以及泛珠三角,地方仲大。
18. Spiderman 2019-05-19 22:45:10
個人認為 , 去台灣過新生活是絶对正, 但如果為了討生活就等餓死 !
19. 鳥5 2019-05-19 23:34:16
刀兄,太白得罪人。。 明5明。。
20. 港奴 2019-05-19 23:37:11
逃犯條例,貿易戰,但呢幾日依然有破頂成交,香港樓市真係有免疫力。香港搵錢台灣住,真係冇得輸。
21. 鳥5 2019-05-19 23:37:15
刀兄, 但中央今年 會統一全國 租務條例 我嘅理解 係應該 夾曬啲 空置單位出租 同埋中央今年 積極立法 打擊影子銀行 所以上面而家都好煩
22. 鳥5 2019-05-19 23:43:39
 早幾個月我講 。。法以地為界,人則可越境而為。。 講到咁抽象咪唔會得罪人囉, 講到尾通水啫,有冇慧根閣下自理。。。
23. 十郎 2019-05-19 23:47:21


      揸住4萬一個月 , 我就零願住大灣區。好似前一排跟親戚住中山 , 前後花園 , 龍眼、茘枝、芒果、楊桃 , 日日高級食肆 , 出入叫車 , 冇人就瞓教 , 有人就麻雀、天九、鋤大弟、樣樣得 , 空氣好 , 無聊就對花發牛 , 電視乜都有 , 考古、古玩、醫藥、旅行、機械、靚女、片集、唱歌、天文、地理、投資。三條友二萬銀都未必駛得晒 , 樂不思蜀。



24. 鳥5 2019-05-19 23:55:02
刀兄, 順帶一提 而家大陸揸嗰到天網系統 反貪, 國家安全, 社科院手揸 200幾座城 市科學數據 ,房貸 枱底枱面 入面嘅 來 龍去脈 ,基本上 好貼近事實。。 今次唔係玩 去槓桿 不過唔知搞到幾時
25. 回十郎 2019-05-20 09:14:04
唔通十郎連四萬蚊都搵唔到?淡有淡嘅道路理