地產博客 > 文亮言 返回
瀏覽人次:24615    回應:24
文亮言

特朗普碰到中國人的底線

 

湯文亮博士

紀惠集團行政總裁
2019年5月13日

  劉鶴在沒有達成任何中美貿易協議之下走了,特朗普好夢成空。現在擔心劉鶴去如黃鶴,於是又撰文恐嚇中國。話如果他連任,對於中美貿易協定的要求會更高。老實說,如果中美不能簽署任何的貿易協定,特朗普九成唔可以連任,代表民主黨的拜登就會成為下一任美國總統,不出三個月就會與中國簽訂中美貿易協議。條件或者會比特朗普所要求更高,但中國沒有可能在特朗普恐嚇之下簽定任何協定,因為他踩了中國人的底線。

  中國人不會忘記馬關條約、南京條約,這些都是在日本炮火簽訂下的不平等條約,中國人引以為恥。如果特朗普唔出聲,任何協議都只是貿易協定,但特朗普出言恐嚇,貿易協議就會變成馬關條約。我唔知道特朗普的謀士有沒有向他提出這個論點,或者他們不敢明言,任由特朗普自由發揮。不過,特朗普是生意人,很快就會轉軚,甚至會簽訂中美貿易協議。我估計在簽訂貿易協議當日,特朗普會話唔想見到中國人民受苦而簽。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 乜春 2019-05-13 09:00:06
特朗普唔係生意人,佢只係個白痴二世祖鹹濕佬。除咗用老豆留低嘅錢炒賣地產開賭場,佢冇做過生意。
2. 十郎 2019-05-13 10:02:29


      佢話簽 , 中國就會跟佢簽咩 ? 中國唔識撈番d野 ?中興華為的損失 , 科技轉移 , 中國發達了。特朗普同周瑜兩老衿 , 賠了夫人又折兵。

3. 十郎 2019-05-13 10:11:31


      特朗普 “慣低 ” , 從新簽約一樣係簽 “ 馬關條約 ” 。由佢雙手交出世界盟主帥印。

4. 十一哥 2019-05-13 10:58:18
1/越戰之後、美帝洽親都係細路、(談唔上係戰)蝦無不勝、所向冇敵、霸凌惡哂性格…更加入骨。
2/玩散咗毛子、目的已達、美帝完鬆嘅DNA…點會再嘥米飯餵班毛子猢猻…為求飽肚衹有賣五金換現金、做就阿爺~斷斤秤~換咗批架撑…接收咗班好馬、18般武器走咗條shortcut。
3/鄧公…韜光養晦…絕不當頭、講嘅係老生常談…阿爺就勝在能夠執行實踐、今日阿爺冚唔住…美帝先知驚…甩脚啦!
4/美帝霸凌惡慣DNA、唔聽話就硬打…一向以為硬橋硬馬就解決到對手、今日阿爺已經成勢…扎炮時都未驚…而家點會怕嚇、美帝而家發爛渣先至對阿爺有益…有多少壓力先會再勤力、免得富貴變招積、招積得戚就會冇成績。

5. 十郎 2019-05-13 11:35:27


      特朗普點解一夜變臉 ?

      有冇奇怪來得好突然 ,人人話佢反口覆舌。我地中國人梗係幫中國啦 , 梗係話中國好委屈啦。有冇諗過中國的條件辣親人呀 ?路邊社消息話 , 冇技術轉移就唔簽。


6. Zeitgeist 2019-05-13 12:05:19
特朗普"交易的藝術"---我贏,你輸。
巴菲特"交易的藝術"---
令對方覺得英明神武而讓你取得最好的條件。
The idea is to make a hero out of them so that you can get the best deal.
(CNBC Becky Quick interview 6/5/2019)
7. 鳥5 2019-05-13 12:45:32
小心美國 發生超級通貨膨脹 (滯帳 )。到事通脹超標幾多,聯儲局加息就加幾多 ,聯儲局嘅貨幣政策理念- 美國國內 價格穩定就業最大化 。。。 本人 星期一批判簽 到,係因為星期一睇到星期五晚 人仔突然跌, 而美國國債 市場 冇乜大 變動。。 但唔排除 習主席想玩鋪大 。。。
8. 鳥5 2019-05-13 12:57:54
十哥, 而家大陸撻嘢, 揚曬呀。。 好難再撻, 唯有一半靠自己 ,一半 要買, 好難再麻醉對手。。 最後一公里係麻煩啲。。 明日大嶼提早 審批 , 聽聞 聽日上立法會。。。 都係嗰句 核彈做好 常規戰必勝 下半年繼續夾春 發展商 不過今次係中短期 供應... 收網-越縮越窄...
9. 鳥5 2019-05-13 13:13:06
林鄭團隊, 玩嘅係袋型戰術 一先打長期供應 ,後打 側翼 中短期供應, 非常相似共產黨先守後攻。。 不論明日大嶼 香港故宮林鄭似乎有第二支團隊, 可以避開發展商耳目,同cy 好唔同,任志剛 18年 發表 嘅 (金管局同政府房屋政策土地開發), 一篇文章 其實已經表達咗 (高地策)已經搬咗 龍門 ,在下色目以待。。。
10. 湯瑪斯 2019-05-13 13:46:46
關於技術轉移呢個問題,我認為是你情我願。中國有市場有大利潤,外國公司想賺大錢,就要同中國合作並作出技術轉移,這與人家高價買你的技術一樣,你有權唔賣,不過你唔賣有其他公司肯賣。反過來說非洲任何一個國家都沒有那麼大的消費市場,也欠缺足夠人才去學習人家的技術,所以沒有這種合作模式!
其實,美國公司不肯轉移技術可以去非洲做生意,不應以損人不利己的貿易戰迫中國立法禁止技術轉移!
至於偷取技術,過去一百年,美國應屬世界冠軍。二次大戰之後為了獲得戰敗的德國和日本所研發的科技,甚至放棄某些公義和原則。美國派特務竊聽及偷取軍事科技一直沒有停止過,這是國際政治的攻防戰!
看過喬布斯傳的都知道萍果公司曾偷取別家公司的科技,且認為這些技術在萍果有更佳的應用,故自認是海盜,幾年前更因偷取技術被三星告上法庭。美國現在明顯是賊喊捉賊,甚至是賊喊捉守法的人!
11. 鳥5 2019-05-13 16:25:33
10F, 的而且確 如是 有見地。。。。 如果習生呢鋪玩大 戰略目標 係期望 五至十年後 ,美國 (願意接受) 世界 有兩個超級大國量超多國嘅宇宙。。。 唔係奧巴馬時間 建議中美 g2 , 中國為亞洲霸權( 美國亞洲超級代理人) ,不過共產黨係睬你都傻.. 中國永遠獨立自主, 世代領導人 都必須要遵守。。 是故呢三年都有啲麻煩三年都有啲麻煩
12. 鳥5 2019-05-13 16:27:39
更正。兩超多囯宇宙
13. 話如果他連任 2019-05-13 16:34:54
習帝有先見之明,已經自行連任。
14. 鳥5 2019-05-13 16:44:53
順帶一提, 中國係無需要 為 討好選民 ,去繼續印銀紙 過压。。。佢係可以先玩著陸 震痛。 歷屆沒領導人, 係要為經濟 貧窮 而需要落台。。。
15. 湯瑪斯 2019-05-14 00:30:44
現在的情況是中國以加美國貨關稅還擊,美國下一步是全面向中國貨開徵25%關稅。中國無可避免會出招反制(例如人仔貶值或拋售美債等)!
明天港股必定下跌,若熊市持續且大跌,滯後的樓價也將下跌!大家綁好安全帶,未來幾個月受心理影響,經濟好大可能逐漸轉壞,幾個月後實體經濟轉壞,後果嚴重!
16. 湯瑪斯 2019-05-14 00:48:20
中國看似處於下風。其實美國債息倒掛,在半年後隨時出現經濟衰退。本應提振經濟以避免這一經濟隱憂。特朗普是一個不懂經濟的狂人,幾個月後貿易戰的負面影響浮現,令美國經濟加速衰退!大陸和香港的經濟也不會好,會逐漸轉壞,能保住不衰退已經是萬幸!
17. 雲在青天水在瓶 2019-05-14 01:11:24
人民幣貶值將重新啓動,有分析指貶至7.30,可基本抵消美國加稅25%。
18. 乜春 2019-05-14 08:09:08
貿易戰全面開打,之前所有反彈都係走勢陷阱,令過勇者無法脱身。
19. 大鄉里 2019-05-14 08:30:50
有言論指冇協議更好,加稅減少貿易量,忍得住陣痛,可漸漸減少對美國單一市塲的倚賴.

20. 十郎 2019-05-14 08:34:05


      佢老美跌617點(最多717點) , 蒸發9,600億。唉 ! 抽左幾多税呀 ?我的基金胸多吉少。

21. 十郎 2019-05-14 09:07:47


      唉 ! 又睇錯 , 又輸錢。無佘。

22. 湯瑪斯 2019-05-14 10:58:50
十郎兄:
三月底美國已經債息倒掛,美債高危,應該走人!如果中國拋美債,情況會更嚴重。遇着個癲嘅美國總統,保本是上上之策!
23. 十郎 2019-05-14 11:22:05


      22/樓 , 贊成呀。保守言論好易惹批評。

24. 十郎 2019-05-14 14:26:57


      今日跌好少啫 , 留番d聽日跌 , 托住跌 , 唔駛一次跌晒咁肉酸。特朗普用股票定輸贏  , 美國呢次又🙅🙅🙅。