地產博客 > 文亮言 返回
瀏覽人次:20895    回應:10
文亮言

鮑威爾不敢加息

 

湯文亮博士

紀惠集團行政總裁
2018年10月19日

  我從小道收到消息,早兩日特朗普搵美聯儲局主席鮑威爾傾計,特朗普問點解美國加了7次,每次0.25%利息,香港仍然可以不跟隨,加到第8次,在香港財政司司長及金管局主席連番發炮之下,香港銀行才勉為其難加了0.125%,鮑威爾不慌不忙回答,因為香港有龐大低至0息存款,如果加息,所得到收入絕對不可以覆蓋多付存款利息,不加息是合情合理,特朗普鼓掌,讚揚鮑威爾睇通世界大事,不過,同時怪責鮑威爾不了解美國國情,鮑威爾低頭不語。

  美國有國債超過20萬億美元,加了8次,總共2%利息,美國每年要多付4,000億美元利息,現在同中國開片打貿易戰,最多可以收到中國5,600億美元入口貨物之25%關稅,總共1,600億美元,而美軍在日本的防衛軍費為每年400億美元,即使由日本全數支付,也只慳到400億美元,兩條數加埋是2,000億美元,只夠美聯儲局加4次息,特朗普當然很㷫,但又唔可以炒鮑威爾,唯有大家傾下計,希望鮑威爾深明大義,唔好再加息,益晒班債權人,包括支持鮑威爾上位的美國銀行家。

  鮑威爾亦非省油的燈,他回答話從經濟角度來看,美國的確要加息,其實,經濟學家的做法殊不經濟,似乎為政治家服務多一些,生意人的做法是實際得多,要搞好一個經濟體系,開源節流是最好辦法,開徵關稅是開源,如果不節流,結果得個吉,所以特朗普堅持不准鮑威爾加息,甚至明言加息影響美國復甦,特朗普如此堅持,我相信鮑威爾亦不敢加息,香港借錢買樓的業主可以暫時舒一口氣,不過,就算美聯儲局不加息,亦不代表香港不會加。

  聽到咁好消息人都開心,於是問小道他的消息是從哪裡來,小道話佢收到小道消息,今次大鑊。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2018-10-19 10:06:58
美國點會理香港加唔加息,聯匯係香港自己決定要同人掛勾,美國從來冇叫香港同佢掛勾

美國需要加息,自從美元擺脫金本位,美元政策都係時放時收,加一輪息,又減一輪息,因為咁先可以長玩長有,永遠低息或者永遠高息最後都會爆煲,美國佬玩市場經濟起家,好清楚呢個道理,所以就算加息會痛都要照加,長期低息幾十年既話,即使係美國都會亡國
2. 鳥5 2018-10-19 11:16:14
香港如果银行结余冇,要問陳總攞,咁就要玩加上加。。但步入十月收債由每月4OO億提速至5OO億。。。D果係直接影向财仔金主,企 企業融資成本
3. 香港 2018-10-19 11:38:52
好文章   但這麼風趣的表達寫作方法    
4. 十一哥 2018-10-19 11:46:41
可以長期低息…要有強嘅國力同國際主導力、關亡國乜事 ?  
投資係藝術…資質限制咗境界。

5. 鳥5 2018-10-19 13:13:48
真真兄,不嬲冇人可以玩死美國人,只有美國人玩死'美國人。。亡國就5會。。不過大冼冇儲錢係事實。。。6成黎人得5900美元向銀行。。不過5好笑9人,香港而家負債都好9大煲。。
6. 鳥5 2018-10-19 13:17:23
自古以來,窮兵續保, 以點嘅形式 就真係唔知...
7. 真真薯片 2018-10-19 23:52:30
鳥5兄,亂印錢好易破產,有槍都冇用,蘇聯就試過,如果可以亂印冇後果,美國一早就亂印啦,事實上佢係印下停下,咁至做到長印長有
8. 引刀一快 2018-10-20 06:57:09
真真薯片兄

祖國亂印咗咁耐,你點睇?
9. 向泛民说不 2018-10-20 09:40:43
引刀,你美爹话支爆好耐。
10. 引刀一快 2018-10-20 20:01:25
乜向飯都講支爆論?