地產博客 > 文亮言 返回
瀏覽人次:62834    回應:34
文亮言
原地踏步並不是一個談判好方法
 
湯文亮博士
紀惠集團行政總裁
2014年8月20日

  有同事初次代表公司與客戶傾續租約,我趁機考一考他的作戰心理水平,有很多在社會工作的人,平時在開會的時候意見多籮籮,又經常批評其他同事與客戶的談判成果,但當他們獨當一面,代表公司與客戶談判的時候,情況一面倒,不過是倒向對方,很多時連公司最低的要求也未能達到,因為前線的同事錯用原地踏步這個策略,在客戶方面,當他們知道就算談判不成功,都只是原地踏步,即是nothing to lose,更加可以堅持他們的要求,而且往往可以成功,所以,我要前線的同事向客戶清楚表示,如果他們不接受,並不是原地踏步,而是一定有損失,這樣才可以處於上風,說到底,業主始終是上門親家,沒有理由處於下風。

  今次泛民分批北上會見張曉明,他們在出發的時候仍然堅持己見,就算中央未能接受他們的政改方案,最多是原地踏步,原來,泛民議員亦是抱著nothing to lose的心態來與張曉明談判,主任現在未表態,首先是曉以大義,亦與主任的名字一樣,繼而中央便會搬出一套稍為讓步的方案,不過,這兩個方法很難令泛民接受,因為他們認為,就算談判不成功,最多將整件事情拉倒,原地踏步,他們nothing to lose,只不過是香港人輸了,輸在泛民的堅持,不過,今次反佔中成功,中央的籌碼大了,不但是上門親家,簡直是大婆,既然大家要見面,各位勞煩北上。

  唔記得幾多年前,朱總理與美國商業談判,但是無論朱總理怎樣讓步,美方都會提出新建議,最後朱總理拋下一個最後方案,並表明當他的專機離開美國領空,這套方案是沒有效,要重新談判,當朱總理的專機離開美國領空的一刻,便收到美方通知,接受朱總理的方案,不過,朱總理堅持他的原則,要重新談判,所以,我估計若果泛民不接受中央的普選議案,並不會原地踏步,而是推倒重來,從回歸的一刻開始,不過,我對談判成功抱著相當大信心,因為,中央將會作出較大修改,但不會跳出基本法的框框,而談判不成功,泛民不是nothing to lose,而是輸到貼地。

  我的同事與客戶談判完畢,給我一個答案,就是比公司的要求減少一成,亦即是低於市值一成,我問同事,如果我不接受,客戶會怎樣,同事說,客戶表示若果我不接受,他們再考慮,這是什麼,就是nothing to lose,我還說業主是什麼上門親家,簡直丟面,於是我將合約修改,加租一成,客戶只有兩個選擇,接受抑或不接受,結果,算我賣一個關子。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 2016立會選舉 2014-08-20 09:29:09
如無意外2016立法會選舉估計現任泛民將大敗到時必夠三份二票通過中方的政改方案。
2. 迷亮 2014-08-20 10:15:10
應該泛民2016選情不妙!

3. 亮劍 2014-08-20 10:49:18
現在香港的政治板塊,死硬泛民及死硬左派大约各佔三成幾!
那班死硬泛民,就算你阿桑奇或斯諾登拿出真憑實據,証明肥佬黎係美國走狗、只係泊車仔幫美國佬喺香港搅颜色革命,呢班人都會將選票投俾泛民班友!
反之那班死硬左派,就算你爛果点数臭共產黨、香港左仔同特衰政府,佢哋亦会喺選舉日將選票投给阿爺指定候選人。
咁排除呢兩堆人,香港中間力量其實可左右大局,真心希望有識之士,能振臂一呼,選一班才德兼備的人出來,给我們作選擇。
4. 肥婆四 2014-08-20 11:10:58
泛民若想有得玩落去,唔支持袋住先策略會好大鑊,唔只下次選舉蓆位減少咁間單。做反對派最緊要維護社會整體利益,唔識大體,落荒而逃就是下場!
5. 袋住先? 2014-08-20 11:45:30
袋住乜野先??
乜野都唔講
叫咩人袋住先??
6. PPC 2014-08-20 11:59:59
加租一成,客戶只有兩個選擇,接受抑或不接受,結果,算我賣一個關子。

我估个客還價加8%.......

多謝指敎
7. Oscar Lam 2014-08-20 12:02:55

叫泛民袋住$先
8. 肥婆四 2014-08-20 12:33:26
TO5樓
袋住先就是先通過有篩選的選舉方案,然後再加以改善。
9. To 8 2014-08-20 12:43:14
美國妥協就話可以打開中國市場, 佢叫犯民袋住先, 犯民可以有甚麼得益? 別忙了犯民是靠搞搞震為生的, 同收陀地差不多, 而現在是向官地收陀地.
10. 肥婆四 2014-08-20 12:45:30

張曉明:外國勢力謀民主幌子 操控港

中聯辦主任張曉明昨與泛民會面時表示,一國兩制下,中央沒有限制支聯會成員參選立法會,這是對香港的政治包容,但選行政長官不同,特首須獲中央信任,維持良好關係很重要。

但他強調,只要能面對現實、調整態度,都可以選特首。

張曉明昨分別與公民黨及工黨會面。據引述,他提到香港有國家安全問題,例如有報道指泛民收取黑金,認為是有外國勢力想以民主作幌子,操控香港,故普選要顧及國家安全。

上周五起,張曉明分4場會見23名泛民「飯盒會」立法會議員。政務司司長林鄭月娥昨總結說,各場會面氣氛友好,有實效,為往後政改工作鋪下良好基礎。

梁家傑:雙方坦誠遠超預期

公民黨4名議員及工黨與街工5名議員昨先後與張曉明會面,雙方沒避開敏感話題。公民黨梁家傑形容,雙方坦誠程度超預期,交流時有「講出心底話」,但分歧談不上收窄。

據引述,張曉明表明,由於內地和香港是中央和地方的關係,中央和泛民之間不存在對等談判。梁家傑於報章撰文要求普選有最高參與度,張曉明會面時主動質疑,若要做到此要求,全世界都不可有提名程序,只可有報名制度,因如有提名就不是最高參與,認為不合理的選舉限制,是指不應該有歧視。

張指公提 基本法以外概念

張曉明又指,公民黨的根本毛病是不依基本法,並形容公民提名是基本法以外冒出來的概念,繼續講公民提名即不承認基本法。談及有關選舉限制的問題時,張曉明認為,全世界選舉都有一定限制,最重要是相關限制合理。

張曉明與工黨和街工會面時,有提及六四議題,街工梁耀忠問及支聯會常委能否參選特首?據引述,張曉明提到,現時香港仍有人高叫「結束一黨專政」等口號,是不能接受,並強調,正因有一國兩制,支聯會才有那麼大的空間和自由,繼續在香港生存和活動,甚至可以在5大綱領,白紙黑字講明要結束一黨專政,這是中央對香港政治上的包容。

 
11. 肥婆四 2014-08-20 13:03:10
TO9
       亞爺以前現在都無攞絕佢,但如果佢要攞絕亞爺,咁亞爺以其人之道還之其身,又大把理由,係中國社會同亞爺過招,我覚得無勝算,有人唔認為?睇番中英談判,彭督舊事囉!

12. Face 2014-08-20 13:11:03
The position of host and guest is clear. How much face the guest can salvage is entirely in the host's
hands. 
13. 物業初哥 2014-08-20 13:32:11
我覺得係以下方法同租客deal:

1.加租X成,改為每年生約,第二年再傾
2.加租2X成,以照舊三年死約,第三年再傾
3.加租3X成,改為五年死約

租客自己衡量自己生意額,有信心可選3,冇信心可選1,一半半選2
14. 袋住先? 2014-08-20 14:15:03
to 8F
咁如果係由中央篩選
篩剩一個普通人加一個弱智既
咁係唔係都要袋住先? 

邊有可能袋咩都未講就叫人袋住先? 
個市再好
湯生都無可能租金都未講就叫客簽租約啦
15. 肥婆四 2014-08-20 15:27:42
袋住先係策略,你比如太極端。唔會出現。今次推委會抗大泛民可爭取形成的方法,大家都知來來去去又係個D人咖喇,當然泛民推委會小過建制,但你如果個心係為港人長遠利益,在議會表現是其是非其非,用心做好監察政府工作,港人一定睇到,就算現在泛民民望走低,我相信多左人不喜歡泛民,但都唔想泛民無作用,你懂的。泛民把口都謀住亞爺,你叫亞爺點放你一馬呢?從新檢視策略,做好民生工作,何愁港人不歸心?
16. To 14/ 15 2014-08-20 16:09:29

當年好多犯民參選都係話用心做好姦殺政府工作格, 點知上左位就走火入魔之嘛, 不過佢地俾阿爺照完肺, 口上會繼續阿芝阿佐扭扭另另, 但行為上應該變得很曖昧啦, 例如正苦要過爛蕉, 同佢地講冇幫襯唔該識做彈開, 咪個個行晒出去議事堂外面, 咁囉. 哩啲爾虞我詐嘅人, 唔係仲有人信佢地呀?

至於搞開激烈野果幾個, 都係要繼續搞野啦.

To 14

道可道, 非常道, 要鑽牛角尖, 一定可以繼續搵野黎講格, 係咪?

17. To 16/F 2014-08-20 16:27:20
I C what U C 2!
18. 蜕变中嘅懒人 2014-08-20 16:39:38
美國佬兇你係誠實嘅表現,對你友善係想放毒蛇,制裁古巴半個世紀後剛剛話改善関係啫,就馬上借頭借路招募一批有色人種入古巴攪文藝活動,原來係顛覆計劃嘅先頭部隊,之前突尼斯茉莉茶運動太成功了,想再執一劑俾古巴嘆,成功咗就燒埋南美諸國,巴西同亞根庭同中國好朋友即係假想敵,美國佬嘅思維連小朋友都咁霸氣,假想敵即當真正敵人,死老虎都當生老虎打,想唔還債可以殺光中國人,順我者生、逆我者亡係美國國粹,漢奸泛民+三鼠以美國佬做後台老細,係香港鼠假毒蛇威,結局係愚蠢累事、四個大字。
19. 博士露底啦 2014-08-20 17:15:40
本來反佔中夾150萬個簽名停止唔再搞,甘我都覺得150萬簽名就算假的是8成,那都有20-30萬人想反對啊,對於講民主的人來講,都要重視。點知搞個蛇齋餅粽派錢聯誼飯餐會大遊行,大吹大擂都是只敢講25萬人出來,重要的信息是北京都是害怕佔中先需要搞呢次反佔中大龍鳳出來,甘我反覺得北京的露底羅,還未來選舉激進派一定贏曬,哈哈哈
20. 蜕变中嘅懒人 2014-08-20 17:34:32
TO 19樓 兄台
兄台嘅意思即係話,反佔中運動唔攪遊行都己經贏晒佔中集團,攪遊行係反為不美,咁佔中集團咪當輸唔晒收番少少貼士,或者當巴西輸比德國7:1咁,入番1球唔使捧蛋咁醜囉。
忍住唔笑!
21. To 19 2014-08-20 17:35:10
投票反佔中, 唔係投票返佔中遊行, 你搞清楚先啦.
22. 行外人 2014-08-20 19:53:22
To 21F

思路正確,叻叻!

哈哈哈
23. 美國佬印陰c纸來玩港民,吾該愛港人士團结。 2014-08-20 20:36:35
長毛犬,李西人收枱底錢,少那星,閃很開,吾該愛港人say no
24. 打工仔 Andy 2014-08-20 21:39:37
老老實實! 向前行一小步, 總好過原地踏步! 


25. 不要誇大無普選 2014-08-21 00:43:35
今天電視新聞泛民有26位立法會議員公開表示反對袋住先的普選並會團結投反對票。立法會有70位議員而政改需要3份2即47票便可通過。亦即是只要從那26人中找到3位變節便可順利通過政改方案。香港無政黨法議員可隨便收受政治捐榖。中方統戰或支持中方的財閥拿3億元出來便可辦妥的小事。港方官員無需誇大去領工。
26. 亮劍 2014-08-21 08:38:39
喺1979年阿超出世。
在2000年他大学畢業。
同年年尾佢開始供MPF。
2014年8月20日,周教授話有樣嘢益大家,就係如果你65歲仲唔死,每月有3K!!
阿超在2017年中,開始要夾份供多成仟銀去填氹。
到2026年,呢个周氏騙局開始入不敷支。
到2041年,政府話騙局就來爆煲。
到2042年,周氏騙局正式爆煲,但阿超仲未退休……
25年白供,一毫子都收唔倒,阿超說了一句……超那麼!
現在实施全民退保的国家,呢个制度一係瀕臨崩潰,一係就來爆煲。
香港人均壽命之長,世界前列。
而香港嬰兒出生率之低,亦係世界前列。
你香港東施效顰,怎能獨善其身??
於60年代出生的港人,加上於70~80年代游水、爬山、坐快艇落來的同胞,佔主要人口比例最高。
他們將會喺2025~2035年分批攞老年金,如果見者有份,條数肯定非常驚人,唔爆真是天無眼!!!
27. 肥婆四 2014-08-21 08:47:28

全民退保勢爆煲 香港莫走歪路

欄名:社評

港府委託學者撰寫的全民退保報告昨公開,倡65歲長者每月可獲三千元。長者有穩定收入安享退休用意雖好,惟此方案勢爆煲,年輕人恐取不回供款或被大幅加稅,叫他們怎麼辦?

不論貧富濫派 叫年輕人「供死會」

本港社會就退休保障制度爭議多時,港府昨公開委託港大學者周永新撰寫的報告,建議年滿65歲的港人毋須入息審查,每月可獲三千元,惟港府要先注資五百億元,並投入長者綜援、長者生活津貼等現有福利,再加上新開徵的老年稅,由僱員與僱主供款,才能支付全民退保。

此方案用意良好,不少長者大半生為香港打拼,若他們在退休後仍有穩定收入安享晚年,固然理想;且此方案亦令現時缺乏退休保障的市民,如家庭主婦等亦受惠,填補了制度空白。惟這個方案有兩大嚴重缺陷,只怕好心做壞事。

其一,資源未用在刀口上。社會保障制度的重要原則,是錢要花得其所,善用資源幫助最有需要的人。惟此方案不論貧富,一律派錢,無疑是在幫助基層長者安老之外,連經濟能力良好的中產長者、甚至家財億萬的年長巨富,亦可雨露均霑,此顯與社會保障必須扶貧濟困的原則,有極大落差。

其二,全民退保遲早爆煲。退休保障涉長遠財政承擔,惟就連周永新亦推算,此方案將在2026年就入不敷支,最快2042年便花光政府注資爆煲收場。此意味現時三、四十歲或以下的年輕一輩,勢面對有得供無得取的「供死會」情況,又或屆時被大幅加稅填補全民退保財政黑洞,陷兩難抉擇,他們的退休生活,又誰來保障?

事實上,這種由公帑與納稅人包底的「大鑊飯」式全民退保,在不少歐美國家實施,惟在寅吃卯糧下,皆難逃財困或爆煲厄運,可令公共財政崩潰、國家幾陷破產。

這份報告正好揭示,這種大灑金錢、人人有份的全民退保,在香港是行不通的。

港人皆贊同要完善社會保障制度,讓清貧長者老有所養,惟要展開任何新的福利制度,必須量力而為,尤其優先照顧最有需要的一群,而非不分貧富、不問代價、不顧後果,將香港推上「有錢使晒、沒錢舉債、還錢下屆」的福利主義不歸路。

福利幫窮長者 助市民做好規劃

其實要安享退休,關鍵是個人的規劃,因只有自己才最清楚自己的退休需要。政府的角色,應是鼓勵個人儲蓄及完善現有制度,如優化強積金以提高回報,並在力所能及下改善綜援等福利,為基層長者補底,此才是香港退休制度的出路。

 
28. 蜕变中嘅懒人 2014-08-21 08:54:55
TO 26樓 亮劍兄,早上好。
懶人早過亞超哥30年出世,啱啱好可以每月袋$3000蚊,但係老婆要每月供多啲錢,拉豬賠狗着數好少,如果要資產審查,嗰每月$3000蚊就喺袋裡飛番出嚟,老婆要每個月去美國國會--白宫,都要難逃刼數。
香港政府,周永伸,泛民聽住,懶人話:蒲也麽!
29. To 26/ 28 2014-08-21 09:48:51

懶人兄/ 劍兄: 其實睇周永新苦瓜乾個樣, 就知佢係傀儡啦, 學者不一定能發揮獨立思考, 尤其是長期寄身在制度裏的, 陶源明哥今時今日都係落得在酒樓硬銷鮑魚矣。話樣樣唔夠應該點點點嘅都係學者, 佢地又唔諗吓冇左納稅人幫浦佢地在白象塔熱烈地進行知識傳承的口水活, 佢地就甚麼都不是, 連擔泥紥鐵的體力活都冇佢地份, 睇吓佢地點樣回報納稅人? 開新稅、加稅、徵僱主或是僱員新費用, 心水清嘅一定會想到擔子最終全是落在盤生意, 大企業有優勢, 中小企一定更難做, 與菜爺鼓勵創業搞高增值背道而馳。

正苦的算盤是, 就如醫保, 難得有人陪/ 賠, 多多少少都好啦, 不過果啲所謂利益, 唔會益到我同你的。可以惠及家庭主婦禾, 子女就唔會扭計減家用? 有利益的人為左搞野係無所不用其極。

30. 引刀一快 2014-08-21 11:00:30
社會保障制度的重要原則,是錢要花得其所

其實只要“錢要花得其所”,駛咩搞咁多呢D嘢,大陸人浪費食物,香港人浪費一切,幾廉潔都冇用。
31. 香港無奈 2014-08-21 11:31:19
袋住先策略。。
令到我想起去茶餐廳時候,人多擠逼,沒有卡位,侍應通常叫你搭臺,講聲:坐住先。

現實是,坐住先的客人通常慢慢接受座位安排,也不知道是否餐廳那麼高效率,餸菜已經快快上齊,客人已經開始吃,或成臺都系,又不好意思換臺啦。
本來坐住先,結果就是坐到埋單。
所以袋住先,應該是終點站啦。

你可以話,我要等卡位,不接受坐住先!
現實是,通常很多客人魚貫進場,你不去坐住先就位都無得你坐,慢慢侍應收夠客,你就悲哀囖,好聽的,就叫你哥仔,這裡人多,麻煩你在門口等等先,不好老皮的,就寸你阻鬼住,難聽D,就叫你走啦,死出去!

現在開條件比你袋住先,當然給你甜頭,袋住XX先,暫時買你怕,有野比你袋,就不要吵吵閉!(袋什麽,閉門會議時候,你懂的!)
如果你那麼巴之閉,不肯袋住先,等於去茶餐廳,你霸個位天真的坐住先不叫餸,等卡位,你的下場就是出局!!!

政治本來就是妥協,妥協再妥協,你基本野也不做,主人家的場給你翻了,你出到門口至奇怪啦!!

32. To 31 2014-08-21 11:55:28

抄引兄口水, 選舉制度的重要原則, 是要選賢與能, 其實只要「能夠選賢與能」, 駛咩搞咁多呢D嘢。

阿爺推袋爾政制, 係冇信心冇把握你會選到乜人出黎, 香民唔要袋爾政制, 係冇信心冇把握阿爺會俾乜人佢地選, 如搵個蔣厲魂之流, 真係多謝夾盛惠。

可以說, 係時候搵啲黑馬出黎俾大家評頭品足, 有助解決意識形態問題, 縮窄雙方分歧。

33. 引刀一快 2014-08-21 15:23:01
唔該,係咪真係我講過?冇印象,要節錄唔該清楚D。唔該。
34. 引刀一快 2014-08-21 19:56:26
駛咩搞咁多呢D嘢”

我淨係講咗呢句,呢句嘢係百搭嘅。