地產博客 > 文亮言 返回
瀏覽人次:52007    回應:69
文亮言

佔中,只不過將業主變成人質

 

湯文亮博士

紀惠集團行政總裁
2014年6月11日

  吳光正先生為佔中發言,我認為是商界向佔中行動發出第一炮,我相信這樣炮轟式的發言陸續有來,這樣做就最好,佔中的人士為他們的政治利益而作出部署,反對佔中的商界亦可以為他們的商業利益而發言,大家旗織鮮明,佔中者將小業主作為人質,而反對佔中的商界人士擺明要佔中者以他們的未來前途作為代價,誰勝誰負,暫時仍然未可以下判語,但雙方亦有備而戰,佔中將會是一個殺得難分難解的局面,抑或是一面倒的戰況,我沒有水晶球,不能夠知道結果,但有一點肯定的是一個兩敗俱傷的局面,一個贏家贏盡的局面,最無辜就是那班小業主,無端端給人擺上抬,並且被要脅做人質,究竟,點解佔中者一定要破壞香港經濟來達到他們的政治目的,一般香港人不會了解,我亦不了解,或者,這就是政治。

  如果大家認為佔中者是抱着寧為玉碎,不作瓦全的心態佔中其實是錯誤,他們將戰場放在香港的最重要的經濟領域上,表明政府若果不接受他們的真普選,他們就會破壞香港經濟,他們亦知道,做生意的人早有打算,銀行早已應金管局呼籲減少物業借貸,倘若佔中出事,樓價大跌,政府就算即時撤招亦無補於事,銀行為了本身的利益,一定向小業主及物業投資者追收樓價下跌差額,老實說,物業投資者早有準備,就算樓價下跌三成,大部份的物業投資者的借貸率仍然少於五成,銀行是不會向他們追收差額,但是那些白居二,用按保的業主,甚至買了新樓而尚未入伙的小業主,他們就會損失慘重,可能會悲劇收場,我相信佔中的人仕沒有理由不知道,點解一定要佔中,佔東頭村,南丫島,西環,北角也可以。

  今日CY如果了解佔中人士陣容,他立刻嘔血,原來就是平時政府向他們低頭的人,佔中人士當中,有人話買唔到奶粉,高永文立刻出限奶令,很難買樓,張炳良出辣招,學民思潮一嘈,國教都要放棄,政府越退讓,他們越進迫,此為毛澤東之敵退我進,而佔中者見對手如此不濟,亦有多少勝之不武,今次,吳光正先生出馬,其實是參考佔領華爾街的解決辦法,美國政府亦解決不了的事,幾個華爾街的大孖沙放風,表示佔領華爾街的人士永不錄用,消息發出之後,唔夠一日,佔領隊伍已經散去九成,當時我想,唔通班華爾街大鱷熟讀孫子兵法,這招叫不戰屈人之兵,其實,現在打仗亦是打心理戰,佔中者以香港業主為人質,而商界亦清楚表明他們要為自己行為在未來前途上付出代價,否則,佔中者認為這是一場有贏冇輸的戰役,就算不能取勝,便當粉筆字抹咗便算,吳光正發言,就是要他們知道,無論輸贏,佔中者都是要付出代價。

 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 大家有戲睇 2014-06-11 09:32:02

事實上「佔領中環」是一件好事,起碼首當其衝「白居二」會籐雞???

鬼打鬼,法蘭西打紅毛泥???大家有戲睇......

2. 永不錄用 2014-06-11 09:45:04

香港150萬小業主希望香港大學解除戴傻仔織務,永不錄用.......

3. To 2 2014-06-11 10:08:19
典解果間學店特別多傻仔嘅呢?  又, 既然正苦鍾意搬龍門, 不如先小人後君子, 講明拉到嘅(犯民就係搏拉唔晒), 都留案底兼唔會被批法援, 住公屋攞公援者唔該以後食自己...
4. freeman 2014-06-11 10:08:22

湯生, 人唔係剩係追求富貴的.

每人既人生可以有唔同選擇, 如果人人都只望富貴, 就唔會有甘地, 美國都唔會有獨立戰爭.

若只論經濟, 你都可以話64係無錯, 因為事實係64後, 中國經濟發展的確一日千里.

我無大智慧講邊個對錯, 我相信大家都無, 但我相信歷史自有公論.

5. 長線投資者 2014-06-11 10:11:24
我又無睇得咁嚴重, 佔中最多中環坐下, 坐一排警察清場. 反而覺得有危就有機, 唔知可否作為鋤價理由?
6. To 4 2014-06-11 10:23:54

咁啫係點? 自己唔追求上進, 就要摧毀人地的富貴?

印度同美利堅根本不能攞黎比, 至少奴隸同法西斯主義這裏是沒有. 至於8^2, 似乎你跟被洗腦很徹底的人一個模樣, 現在大家放話, 就是想避免有傻仔被有心人利用, 導致不必要衝突的發生, 如此而已.

7. to 6 2014-06-11 10:33:16

我想問何謂上進? 請先介定.

 

 

8. to 6 2014-06-11 10:34:11
人只為富貴, 係上進定墜落?
9. 公道公公 2014-06-11 10:42:33
幾條書生,利乜益,有錢佬才有利益。 我唔係支持佔中,講道理啫。人地唔知有代價咩? 預晒做烈士啦
10. To 7 2014-06-11 10:51:54
教育賦予人平等向上路徑, 好似廖創興個利是封咁, 克勤創業興家, 自古皆然, 不如你又具體講吓, 佔中所為何事?  再講講印度, 美利堅, 8864, 同佔中有乜關係.
11. stanley 2014-06-11 10:55:22
認為正確就去做,不要變成工具,給人利用.
12. to 7 2014-06-11 11:07:04
咁不如你又講講教育同反對佔中有乜關係?
13. to 10 2014-06-11 11:07:15
咁不如你又講講教育同反對佔中有乜關係?
14. to 10 2014-06-11 11:10:23

自古皆然一定對?

中國自古有皇帝就一定對?

咩logic?

 

15. 山高雲低 2014-06-11 11:44:36
政治问题無興趣。但佔中影响被誇大,香港是福地,亂不了。
不過,反國教的小事在CY手中也能越搞越出軌,佔中的處理權千萬不可交给CY。 
因为一件小事,在他手中,尤如魔術戲法,勢演變成大事。 
如果不是CY處理,小業主則可安枕無憂,繼續享受租金多過供款可也。
16. to 14/f 2014-06-11 11:50:15
甘你又憑咩話皇制係錯呢?你又咩logic 呢?
17. 無眼睇 2014-06-11 11:51:49
Come on, 華爾街辦法, 係香港係行唔通架. 呢班友仔邊度會諗做 Banker 做實務呀. 整一次大大鑊, 上到位就做議員個個月豆十幾萬, 上唔到位就月月拿綜援.
18. 無奈 2014-06-11 12:00:13
既有利益者為怕自身利益
19. to 14 2014-06-11 12:07:32

既然你覺得皇制係無錯, 就真係無謂傾, 不過唔知有幾多現代香港人會同意你講皇制係無錯jei. BTW,其實你都可以講法西C無錯既.

20. To 19 2014-06-11 12:38:31
老共就是破除封建同反法西斯的嘛, 其實你都心繫老共, 同坐一條船, 你搞清楚再返黎啦.
21. Alan Pepper 2014-06-11 12:53:05
Let's not respond to extreme comments that has no relation to occupy Central. Don't take their bait. 
22. 肥婆四 2014-06-11 13:02:11

施老闆今日文章


有社會領袖呼籲市民於622日積極參與由佔中分子搞的電子公投。然而,他們給市民的選項卻十分狹窄。三種特首候選人的產生模式都包含公民提名的內容。結果是無論市民怎樣選,都會有公民提名。結論早已被設定。

 

究竟這三個局限市民選擇的方案是怎樣產生的呢?原來一點都不符合程序公義,而且其手段正正與他們爭取公民提名的目的相反。那就使人懷疑,他們鼓吹公民提名,究竟是基於自己篤信的理念,還是只是為了扮演反對派的角色。

 

倡議公民提名的出發點很簡單,就是要讓普通市民也有參與提名特首候選人的機會。其精神是公民參與。但偏偏今次6.22公投提供市民的選項卻是由少數人搞出來的。這三個選項是由佔中分子在他們自己搞的商討日活動中選出來的,只有那些肯簽名決志會積極投入佔中活動的人,才有資格為市民預先挑選合適的特首候選人產生方案,供市民在6.22進行公投。結果,符合資格並作出投票的人只有2,565人。其代表性比提名委員會還有所不如。

 

商討日的概念,源於美國政治學者布魯斯.阿克曼與詹姆斯.費什金。他們原先的理念,並不是搞自己友的小圈子商討。而是想按社會成分的恰當比例,抽樣找公眾參與商討;以讓社會大眾透過商討,對一些社會議題有更深刻的認識,並可作出理性的表態。但今次佔中分子的商討日卻虛有其名,實質上是企圖把少數人的意願,強加於大眾頭上。

 

他們讓2,565人從十五個方案中,挑選出三個,硬要全體市民從中作出選擇,這不是他們自己最反對的做法嗎?怎可以由少數人先作篩選,然後規限市民必須任擇其一呢?他們這樣的手段,還堪稱自己為民主人士嗎?他們是企圖主宰人民的選擇!

 

搞公投的目的,是要了解人民的意願,而不是左右人民的意願。但這次6.22公投的搞手,不但規限人民的選擇,還公然叫市民不要投白票。這就變成搞手也去引導市民如何投票。使人覺得,搞今次公投的主要目的,就是要為公民提名造勢,令公民提名變成「多數」香港人都支持的方案。他們甚至想引導香港人誤以為:公民提名是民主選舉的最重要內容,沒有公民提名,就連一人一票選特首也可以不要。現實是很多國家都沒有公民提名,硬要把公民提名與一人一票捆綁在一起,只會妨礙民主憲制的建立。

 

並非所有民主國家都接受公投(美國在聯邦政府層面就不認同),但接受的國家對公投的投票率都有較高的要求,認為起碼要有50%的投票率才可以令公投有效。但今次6.22公投的搞手,卻認為只要有10萬人以上投票,結果就可以接受。全港有約600萬市民可以參加6.22公投,10萬人連2%都不夠,這樣低的投票率,他們竟想強要市民接受,他們是否有點過分了?

(轉載自2014611am730C觀點)

 

23. 肥婆四 2014-06-11 13:02:36

施老闆今日文章


有社會領袖呼籲市民於622日積極參與由佔中分子搞的電子公投。然而,他們給市民的選項卻十分狹窄。三種特首候選人的產生模式都包含公民提名的內容。結果是無論市民怎樣選,都會有公民提名。結論早已被設定。

 

究竟這三個局限市民選擇的方案是怎樣產生的呢?原來一點都不符合程序公義,而且其手段正正與他們爭取公民提名的目的相反。那就使人懷疑,他們鼓吹公民提名,究竟是基於自己篤信的理念,還是只是為了扮演反對派的角色。

 

倡議公民提名的出發點很簡單,就是要讓普通市民也有參與提名特首候選人的機會。其精神是公民參與。但偏偏今次6.22公投提供市民的選項卻是由少數人搞出來的。這三個選項是由佔中分子在他們自己搞的商討日活動中選出來的,只有那些肯簽名決志會積極投入佔中活動的人,才有資格為市民預先挑選合適的特首候選人產生方案,供市民在6.22進行公投。結果,符合資格並作出投票的人只有2,565人。其代表性比提名委員會還有所不如。

 

商討日的概念,源於美國政治學者布魯斯.阿克曼與詹姆斯.費什金。他們原先的理念,並不是搞自己友的小圈子商討。而是想按社會成分的恰當比例,抽樣找公眾參與商討;以讓社會大眾透過商討,對一些社會議題有更深刻的認識,並可作出理性的表態。但今次佔中分子的商討日卻虛有其名,實質上是企圖把少數人的意願,強加於大眾頭上。

 

他們讓2,565人從十五個方案中,挑選出三個,硬要全體市民從中作出選擇,這不是他們自己最反對的做法嗎?怎可以由少數人先作篩選,然後規限市民必須任擇其一呢?他們這樣的手段,還堪稱自己為民主人士嗎?他們是企圖主宰人民的選擇!

 

搞公投的目的,是要了解人民的意願,而不是左右人民的意願。但這次6.22公投的搞手,不但規限人民的選擇,還公然叫市民不要投白票。這就變成搞手也去引導市民如何投票。使人覺得,搞今次公投的主要目的,就是要為公民提名造勢,令公民提名變成「多數」香港人都支持的方案。他們甚至想引導香港人誤以為:公民提名是民主選舉的最重要內容,沒有公民提名,就連一人一票選特首也可以不要。現實是很多國家都沒有公民提名,硬要把公民提名與一人一票捆綁在一起,只會妨礙民主憲制的建立。

 

並非所有民主國家都接受公投(美國在聯邦政府層面就不認同),但接受的國家對公投的投票率都有較高的要求,認為起碼要有50%的投票率才可以令公投有效。但今次6.22公投的搞手,卻認為只要有10萬人以上投票,結果就可以接受。全港有約600萬市民可以參加6.22公投,10萬人連2%都不夠,這樣低的投票率,他們竟想強要市民接受,他們是否有點過分了?

(轉載自2014611am730C觀點)

 

24. 路人N 2014-06-11 13:19:19

有民主但落後如菲律賓和印度有Q用, 相信比大部份人選都要先富貴, 唔信可以問下你家中的大學生菲傭要邊樣.

為了所謂"民主", 先打爛自己的"生活", 被政棍利用來成就他們的政治利益, 值嗎? 看看64的學運領袖, 現在個個身形富泰, 生活安康, 再聽聽一些領袖的"回憶", 當時他們就是要其他人的鮮血來成就他們的偉業........可憐那些真正付出了鮮血的學生們.....

仁哥話今年64晚會有18萬人參加, 籌得經費170萬, 人均捐十蚊? 我好懷疑囉, 覺得有D野囉.

學生時代我也曾經熱血, 人大了, 見識了香港一群所謂"民主"政客的虛偽和"智慧", 對"民主"已不存幻想. 香港有"民主", 肯定會變為民粹話事, 行"共產", 香港不會再是香港了.

 

用佔中去威迫別人接受他們的"民主"方案, 本身就係不民主的方法.  仲搞埋個什麼商討日(由2千個支持佔中人士)選出的三個候選方案讓市民去"電子公投"....民主喎......

"電子公投".......有部手機, 電腦, 平板都可以投, 那一人可分身投N次都得, 連未夠18歲的學生都投得了. 佔中3子仲好意思驚無10萬"人"投票....如果無50萬, 他們都應該引刀啦.....搞出1000萬人投票都仲得呀.

 

香港民主有限但自由"泛濫", 日日罵共產黨, 不自認是中國人都可以. 但離譜的, 是一些"人"每天肆意侮辱中國人係豬, 支那人, 蝗蟲.....有些LOGO更是納粹旗旭日旗的....這些赤裸裸的歧視仇視法西斯行為在西方也不容許發生, 但偏偏中國香港可以. 從不見那些泛民人權衛士, 民主鬥士出來捍衛中國人的"尊嚴", 是其是, 非其非. 這群"人"有資格談民主, 有資格帶領香港民主嗎? 

25. 哂氣 2014-06-11 13:43:32
其實講多多洒氣,講得到國共唔會有內戰啦!
26. 反對佔中 2014-06-11 13:55:41
我反對佔中, 原因很簡單任何政治活動最終的目的不外乎金錢利益, 無論多漂亮的口號。問題反而要檢討的是現屆香港政府的低落才可引發民情被誤誘。最不愛國愛港的人就是現屆香港政府的管治班子。
27. 小陽 2014-06-11 14:11:06
老實講,依家叫得大聲佔中反而中學生,D大學生好似冇左影,點解會這樣?因為大家要想前途,大班在港大鬧過大學生,班大學生頭耷耷,但是,大班都有仔女,名英國大學畢業,佢地點解唔代父從軍?

個個父母保護自己仔女,陳太有子孫,李柱銘有仔,佢地個個律師醫生專業人士,但是班中產/低層仔女做烈士。

政治就是醜惡,我其實都怕班小朋友被利用。



28. 小陽 2014-06-11 14:15:01
我覺得佔中三子要規定未到十八歳的小朋友,不可以參加,對班家長有個交代
29. 打工仔 2014-06-11 14:21:11

老實講, 政治野我唔識更無興趣學!自已只是土生土長的60後,現在都只是打工仔一名!不過也有幾個物素業收租!

我自己覺得回歸以來中央對香港的政策不錯!但凡是總有低線!做人要知足!

真的不要作出破壞香港前途的事!不喜歡香港的人大可離開!不要破壞香港的安寧!

個人意見,不喜勿插!

 

 

30. 順民 2014-06-11 15:12:22

香港現時形勢就有點像戰國時期的天下三分局面。一是「愛國」陣營﹐二是和中央政見對立的大中華派。三是那些反自由行﹐反國內人來港買樓買奶粉及爭學位的本土保護主義者。主要是這三個陣營人物的互相矛盾對立造成爭吵喧嘩﹐再加上一些垃圾傳媒的放大歪曲。幸好這三個陣營的人數加起來都只屬少數﹐最最大多數及最有影響力的一群一直維持泠靜沉默﹐作壁上觀。這大多數是誰 ﹖就是一班業主和真正中產精英。至於話外國勢力﹐有解放軍駐紮在中環又有何可懼﹖難道還會發生英法八國聯軍大舉入侵香港不成 ﹖又有人話擔心佔中可能引致要出動解放軍鎮壓而動搖香港的經濟穩定﹐這可能有點過慮﹐67年咁大場面都好似未聽話過要出動到英軍鎮壓﹐難道呢班人猛得過當年那班大帝﹖在下之前的貼文也講過﹐如果大商家和真正中產不支持﹐誰人可以造以 ﹖因為呢班人才是香港的真正支柱和基石﹐呢班人穩定香港就會穩定﹐呢班人沒信心香港就一定動搖。 但奇怪梁振英卻從來不把這大眾人放在眼內﹐連眼尾都唔睇一吓﹐只一味重視和傾向佔少數一方的「民意」。用這些「民意」來作為治港方針﹐香港又何會得到安寧﹖以前英國人能保持在港享有過百年安定統治﹐用的招數就是多談經濟少談政治﹐雖然一向被愛國左派批評為愚民政策﹐不過這愚民政策又卻幾好用﹐至少可做到人人聽話。如果話香港人愛英國那是廢話﹐香港人何曾愛過英國﹖至少98%港人直到回歸前一日還仍然講廣東話寫中文和用筷子吃飯﹐但樂於接受其統治或不太抗拒那倒是真的。英國亦不會隨便接受人家的愛﹐就算你主動示愛也會被婉拒﹐傻仔﹐呢個世界太多可愛事物﹐為何偏要愛我﹖多點愛錢﹐有錢後用多些時間愛你的家人朋友豈不更好 ﹖若你的愛還有剩餘﹐可學鄧小平先生話頭﹐用去愛跑馬愛跳舞也不錯呀。這可能是英國人的高招﹐如果隨便接受別人的愛﹐阿茂阿炳都來之不拒的話﹐就沒人向她主動求愛了。講翻個老套童話﹐風和太陽打賭誰能令一個人自動將身上的衣服除去。風試圖大力吹走那人身上的衣服﹐但愈吹那人就愈將衣服拉緊免被吹走。但太陽用只溫和的日光向那人照射讓那人感覺身體發熱﹐那人就自動除下身上的衣服了。

31. 打工仔 2014-06-11 15:42:32

To, 30. 順民 2014-06-11 15:12:22

寫得好!非常同意!

 

32. Alan Pepper 2014-06-11 15:56:29
To 22/F and 施老闆

超 Like!

Additionally, these 佔中 people 高叫口號 and say this is that "Hong Kong People" want! I am also a HK person, and I certainly don't want 佔中! 

I really don't understand the reason these people what "their style" of democracy. Their style of democracy is to rely on the government improve their lives, but not themselves! Hong Kong people, up until 1997, mind their own business and worked hard! That worked pretty well for us didn't it? Isn't their ultimate goal is to have better lives? Or is it not what they want? Look, in any society, reaching better lives can be achieved only through Working hard and working smart! Nobody acheived good lives by protesting!

And DO NOT compare the French Revolution and the American Civil War with Hong Kong! What kind of mistreatment and persecution does Hong Kong government impose on it's citizens? Do we have a slavery? And STOP using "Do you Hear the People Sing" again! Did anyone in Hong Kong go to jail for 15 years from stealing bread? Use it if you mean it, not because it sounds good! From what I have seen, HK lower incomes go to more vacations in a year than I have in 5 years! We have extremely inexpensive Medical care (Yes the line is long, but try making an appointment with a specialist in Central)! Protection from police and fire departments! Free education! Welfare! Public Housing (which I believe can be improved, but when 1/2 of the entire housing is public, what more can you ask for?)

Yes, we need to sustain and hopefully everything we have, and from what I can see China has not taken any of this away from us, and these "democratic parties" are helping neither. I am pro-普選, but I have extreme reservations about 公民提名, especially if these Occupy Central and "democratic parties" are involved!

Freedom does not mean you can take any action or say anything at will! It does not mean you can break the law no matter how noble the cause! Action always has consequences! To be extreme you cannot stab somebody with a knife for a "noble" cause! This is not how a civilized society works!

And if any young people are reading this, please DO NOT throw away your future for this cause! It is not worth it! There are many causes worth fighting for, but not this one! Save your energy! There might just be something really worth fighting for in the future!
33. Alan Pepper 2014-06-11 16:04:52
To 30/F., 

Unfortunately 大(小)商家和真正中產 should be minority wor... isn't it??
34. CD ROM 2014-06-11 16:06:28
回亮劍兄: (有關昨日中西區既建議...)

其實我個人本來對子女教育, 特別是中學之前態度比較casual, 認為學習態度, 待人接物, 比起書本知識重要; 特別是深信資質是天生, 後天努力佔學業成績比重不太高. 但係小朋友一出世, 基本上壓力就從四方八面來的. 我想隨意一點選幼稚園, 你過得了太太, 也過不了外母...還有朋友同事間的閒談, 你也半推半就的去追名校了... 而太太就在那邊一條龍的女校畢業, 又輕易加了很多分, 就更加確定11校網這條路了. 所以北區是留不得的啦...

至於你話到先租再後動這建議, 我在想, 如果長線都係再升, 而西環比北區看好的前題下, 我日後換樓不是更難嗎? 加上外家好傳統, 倒貼租樓住佢地覺得好唔妥...

40-50年樓, 500' 1家3口連工人是ok的, 我也不敢多生一個.... 唯40-50年樓除要留意做可能唔到30年mortgage同大廈維修之外, 仲有無隱憂呢? 已有心理準備可能要住到收購先換到樓...

回Hunting兄:

外家地址用來報學校是無問題的, 只係我住北區咁遠真係點叫d細路返學... 我本人都幾唔支持跨區返學, 可能自己中小學都跨區, 日日北區返沙田讀書, 有苦自己知...
35. Alan Pepper 2014-06-11 16:08:56
To 30/F

Actually, I hope you are right. But we have 30% public rental housing, 20% subsidized housing and 50% private housing. meaning at least 50% + part of the 20% should be 大(小)商家和真正中產??? But how come I have an idea that the middle class is always the minority???
36. 亮劍 2014-06-11 16:55:58
其實点解中西区同湾仔D楼價咁硬淨,最主要嘅原因係家長客長期追捧,所以如果你想一勞永逸唔使煩的話,当然換过來中西区正路啦。
但你講你个细路(係咪女仔)今年得兩歲讀N班,那麼如果一个唔好彩,呢度幾間心水幼稚園都唔收你阿女,而你又換咗件西環,咁咪大鑊?
從你老婆係中西区一条龍女校呢点來看,她应該係聖X或聖XXXX校的校友,但呢兩間学校嘅幼稚園,出了名難入,由其係呢兩年,真係要阿女一个打贏十幾个先掂,而且阿媽係校友都唔見得有優勢,除非阿女領埋洗。
舊楼要注意大维修,舊得济又做唔足30年,呢个你都知,唔講啦,因為我要收工!
37. 順民 2014-06-11 17:26:12
Alan , 大多數商家和真正中產可作為一個泛稱﹐真正中產係指一班一直默默耕耘﹐努力上進去追求富裕生活的精英。毋庸否認﹐這些人大都屬於重視現實﹐輕視虛無政治故被稱為政治泠感者。九七年前如是﹐九七年後亦一樣。這批人是否不愛國 ﹖是否都應被歸納為泛民 ﹖絕對不是 ﹗不過現今香港社會被一些別有用心政客刻意地製造分歧和割裂﹐只大概地分成兩半﹐一半是「有錢人」﹐另一半是「窮人」。而前者多被視為泛民﹐後者又被稱為「愛國」。總之無理地被劃分成朋友和敵人兩大類﹐而不是朋友就一定是敵人﹐沒有第三類。在下的本意是想按照中聯辦的篩選論作為依歸﹐用筲箕去篩清楚究竟香港現時存在著各方立場人物。之前在下講話香港現時是天下三分﹐現作一點修改補充﹐應是天下四分才對。經過筲箕篩選後﹐篩出了與大多數不同的三種類別﹐大部分仍然在筲箕裡面未被篩出﹐就是在下所說的佔大多數。被篩出的三類人加在一起的總數最多是幾十萬人﹐故仍然有六百多萬人沒跟他們一起同流合污。這六百多萬人都屬和平派和安樂派。當中包括了百多萬的小業主和他們的家人﹐絕對不是一個少數目。所以在下堅持我們屬大多數。
38. 肥婆四 2014-06-11 17:54:37
TO30/F   Alan Pepper 共勉之
        佔中三惡就好像抱住個石油氣鑵威脅自家人,唔跟佢做就引爆,不理大家死活。佢以為加咗民主兩字係佔中前面就叫民主?真係食懜咗,只是騙騙入世未深的人吧!眾所周知,民主最基本都要尊重人吧,你都不要妨礙別人的正常工作吧,你用威脅手段還要污辱民主呢個令人嚮往詞,其心毒辣可見,咁就難怪亞爺出聲喇。
         好啦,亞爺的注意力已經集中係度,講政治鬥爭,亞爺係個中高手,遘道理你唔夠佢長,講力量你真係要行埋一便,你憑乜同亞爺鬥?你自己死好喇,要入世未深的人倍你?人性何在呀?有英國政府支持的彭定康政制到九七都要收皮,都係道理唔夠咋,亞爺仲未用力。依家咁樣一撹分分鍾連泛民都無得入閘,正是面係人哋比架就自己丟。
        
39. 肥婆四 2014-06-11 18:00:25
     TO32 Alan Pepper 共勉

     佔中三惡就好像抱住個石油氣鑵威脅自家人,唔跟佢做就引爆,不理大家死活。佢以為加咗民主兩字係佔中前面就叫民主?真係食懜咗,只是騙騙入世未深的人吧!眾所周知,民主最基本都要尊重人吧,你都不要妨礙別人的正常工作吧,你用威脅手段還要污辱民主呢個令人嚮往詞,其心毒辣可見,咁就難怪亞爺出聲喇。
         好啦,亞爺的注意力已經集中係度,講政治鬥爭,亞爺係個中高手,遘道理你唔夠佢長,講力量你真係要行埋一便,你憑乜同亞爺鬥?你自己死好喇,要入世未深的人倍你?人性何在呀?有英國政府支持的彭定康政制到九七都要收皮,都係道理唔夠咋,亞爺仲未用力。依家咁樣一撹分分鍾連泛民都無得入閘,正是面係人哋比架就自己丟。
40. 京官全能神鷹 2014-06-11 18:02:47
鄧小平對戴卓爾講 , 香港談得妥要收回 , 談不妥也要收回。 六四事件 , 學生沒定撤退底線 , 悲慘結局。佔中中方已亮底線 , 爭取不能之事 ,不設可能退路 , 擾亂經濟 , 以卵擊石 , 圖渲染擴大破壞力 , 必受痛擊 。拉人封艇之日 , 就是老子得分之時 , 哈哈!
41. 安全駕驶 2014-06-11 18:05:31

To 32/F Alan Pepper,

Totally agreed with you. 

It is unfortunate that many people had been "brainwashed" and think that they deserved more and better from the Government quoting the extreme cases as examples of unjusts they seen in HK to justify their yelling, shouting and no respect to others.

42. CD ROM 2014-06-11 18:06:34
C  生今日個分析好精采wor, 有種 以彼之道, 還施彼身 既味道!!!

回亮劍兄,
小女今年先剛1歲, 下年9月先N班... 聖XX, HKU隔離果間... 入唔到就求其啦, 我唔想因為學校而受洗, 加上同太太都唔係教會人士, 我過唔到自己個關... 學你話齋, 求其都好過北區...就算學校本身唔好, d同學仔家庭background都好d...我唔係攪分化, 但係呢樣野比起學業成績重要得多......

加上外公外婆係身邊, 小朋友點都開心d啦, 又可以順便監察工人, 夜晚一齊開飯... 同太太做野忙, 都要為小朋友想多D...
43. 蜕变中嘅懒人 2014-06-11 19:18:07

TO 39樓 肥婆四兄

兄台呢篇話完全中晒懶人昨日心中最擔心嘅事,今曰城中所有傳媒、重量級人物及佔中集團,以鋪天蓋地形式,各自表述去解釋亞爺白皮書,所有陳腔濫調皆不值一提,懶人最擔心係嗰句:(強調香港特別行政區特首長須完全聽命於中央) + 糖少在競選時爆689於行會曾講過嘅驚人論調 + 今日見689在電視上提及亞爺白皮書時,咪咪笑及洋洋自得嘅表情時,請兄台估計,若622有近卅萬讚成票令佔中集團受到鼓舞,勢必發大嚟攪,佔中?佔天?懶人向來樂觀覺得佔中係政治鬧劇而已,不值一提,早前佔中集團內哄,更覺不成氣候;如今形勢逆轉有啲騰雞,大寶二寶兄話懶人變咗杞人,希望係真,咁杞人就可以变番懒人,香港愈來愈好,飲得杯落矣。

44. 打工仔 2014-06-11 22:37:21
呢個佔中發起人正pk一名! 睇下你點死! 
45. 大家估吓30/06同01/07邊隊對邊隊重好啦。 2014-06-11 22:57:41


46. 肥婆四 2014-06-11 23:06:59
To43懶兄 ,咁就大家一齊喝住的政棍,死老虎要當生老虎咁打,唔係比佢得逞,我地就無啖好食,如果唔出聲揭發佢,比佢蒙蔽的人多就難搞。
47. 珍惜香港 2014-06-11 23:43:20
珍惜香港TO:43/F 蜕变中嘅懒人

佔中三廢要玩串個 PARTY,阿爺只喺重申番一啲既有嘅事實,冇咩大不了啫。

點解我話佢地?拖咗咁耐,佔中已經不成氣候;時至今日,拉哂去坐都唔喺問題啦!邊個會反對?你?我?真正嘅社會楝樑,根本就唔會鍾意呢班人;拉哂去坐,仲要入罪加留案底,前途盡毀,有乜所謂?反正佢地都唔 CARE 自己嘅前途,唔通要我地去 CARE?可憐嘅,喺佢地父母,不過,教導無方,怨得邊個

一個城市冇咗競爭力,最終會被國家淘汰;一個人冇咗競爭力,最終亦會被社會淘汰。

社會要進步,就要淘汰一班廢人;呢一班人,將會喺首選。唔使咁難過噃,佢地被社會唾棄,只喺咎由自取啫!不過話分兩頭,佢地都有啲貢獻嘅:犧牲小我,化作反面教材,以警戒世人,何其偉大!
48. 阿Q 2014-06-12 00:04:39
一想起佔中,又會見到黃之峰弟弟……個雄辯滔滔的樣子,唉!
49. 蜕变中嘅懒人 2014-06-12 00:25:43

TO 47 珍惜香港兄

懶人有啲预感,今次佔中可能被亞爺白皮書激化咗,要睇622嘅投票人數嚟決定演变關鍵,若然票數多達卅萬,佔中大攪嘅話,亞爺會認為係外國勢力鼓動,有可能會不惜武力镇壓,到時始終令香港受損,各方面後患不斷。

珍惜香港兄,懶人估計你一隻視力極差嘅眼可能係慢性青光眼造成,復原機會幾乎零,另一隻眼對於你下半生極重要,我諗你另一隻眼亦已經做咗減眼壓手術在休養中,希望兄台聽足眼科醫生指導,不要过勞,盡量保持现有視力,懶人其實好喜歡睇你嘅文章,不過請簡短啲免太勞神,分多次寫,懶人可能估錯兄台情況,但還請多多保重。

50. 蜕变中嘅懒人 2014-06-12 00:33:47

TO 46 肥婆四兄

其實我哋都無乜野好做,唯一希望622無乜人投票,佔中三港賊同有關組合自動棄權,咁就天下太平。

51. CH 2014-06-12 00:48:57
我認為,中央大致在以下情況才會出動解放軍:

受武裝或軍事力量干擾
動亂導致共產黨執政權力受威脅
救災

佔中似乎遠未到以上級別
52. To 51 2014-06-12 00:54:43

欢迎回归。

53. 引刀一快 2014-06-12 02:28:36
根本唔駛憂慮佔中,2006 WTO果班過江龍都唔駛出解放軍,香港班少爺搞得咩出様?2006WTO 我拍嘢中咗兩次催泪彈,我夠膽講一出催淚彈就搞掂,除非佢地全綫有軍用級防毒面具。
懶人兄無需擔心,解放軍係用嚟保衛香港人,唔係保衛黨統治,因爲,仲未收臺灣。
54. 不論真假、太给力了 2014-06-12 06:29:39
很好,伊朗總統為中國說話了! 太給力了!
2014-04-28

太給力了!伊朗總統內賈德接受美國CNN國嘴拉裡·金采訪,就中日釣魚島問題,把美國鬼子整語塞了!中國領導人好好學學他的說話方式!
拉裡·金:總統先生,采訪時間已經結束了,但是我還有幾個問題想問你一下,不知道可以嗎?
內賈德:可以。
拉裡·金:還是關於核武器的問題,伊朗真的不會發展核武器嗎?這是我們非常擔心的事情?
內賈德:我想問一下,這個世界上曾有哪些國家把原子彈丟到別的國家領土上?除了美國還有誰?請你給我指出來?
拉裡·金:…………
內賈德:世界更應該擔心的是美國而不是伊朗!因為伊朗不僅沒有把原子彈丟到別的國家領土上,更還沒有核武器呢!為什麼要擔心伊朗呢?僅僅因為“擔心”這個國家,就要傷害這個國家,這是一種什麼邏輯?僅僅因為美國人的所謂的擔心,美國就已傷害了伊拉克、阿富汗,使這兩個國家人民受難,接著還要傷害伊朗,這就是美國人的邏輯。只要我擔心他,我就要傷害他,我懷疑有這種想法不是正常人的心理,起碼這個人病了。
拉裡·金:美國把原子彈丟到日本,是因為它是一場正義的戰爭,世界都知道這是對法西斯的打擊,這對世界早日和平具有積極的意義。
內賈德:我沒有說那不是反法西斯的戰爭,也沒說是非正義戰爭,但既然反法西斯,為什麼不把原子彈投到日本搞軍國主義的那些人的頭上,不把原子彈投到日本軍隊的頭上,而是投到全是(幾十萬)無辜老百姓的人的頭上?這難道就是美國人常掛在嘴邊上的民主、自由和人權嗎?現在,我請拉裡·金先生再告訴我一聲,你難道現在還認為美國用原子彈轟炸日本平民是正義之戰嗎?你肯定它是正義之舉嗎???
拉裡·金:消滅法西斯當然是正義之戰!全世界對美日之間的戰爭性質都非常清楚,這難道還有什麼懷疑嗎?
內賈德:但我是有懷疑的。我想問美國,問拉裡金先生,既然消滅日本法西斯是正義的戰爭,就應該糾正日本過去在戰爭中犯下的一切罪行,然而為什麼日本人侵占中國的釣魚島至今沒有歸還給中國,而還把管理權交到日本人的手裡?為什麼日本人還宣稱擁有釣魚島,為什麼美國還表示支持日本繼續霸占中國釣魚島呢?
拉裡·金(支支吾吾,斷斷續續,慌亂不堪,語無倫次,。。。接著拉出了一句話......)那是中日之間的事情,我不太清楚。
內賈德:美國人總是在關鍵的時候裝糊塗,就像你現在這樣。

55. 引刀一快 2014-06-12 07:49:48
大陸每日都會出好多類似嘅“文章”,就算係真我都唔覺給力,如果係伊朗記者對奧巴馬講又唔同!!
56. 亮劍 2014-06-12 08:18:46
哈!亮劍、pp,唔好同我爭,我要做朱八戒!
咁我当然係沙僧,又癈又無料,只是幫閒角色!
哈哈……
57. to 47/f 2014-06-12 10:25:37

當貧富懸殊走到盡頭你覺得經濟重可以繼續繁榮穩定?

真正被淘汰既可能係嗰班自以為精英既資本家

58. 珍惜香港 2014-06-12 11:35:05
珍惜香港TO:57/F 無名廢青

稍後要 RESERVE 時間寫內地留港學生租客嘅分享,唔得閒應酬你呢個無名,就喺咁易寫少少啦:

閣下嘅期望,恐怕唔會實現咯!因為,貧富懸殊,喺唔會有盡頭架!

貧富懸殊,喺冇盡頭,只有循環,而呢個循環嘅背後動力,就喺競爭!

千祈唔好睇錯噃,喺競爭,唔喺抗爭呀,廢青!
59. to 58/f 傻仔 2014-06-12 11:44:10
甘你咪睇下第時你係競爭定抗爭囉!

不過未睇到之前希望你唔燒炭死住!哈哈哈哈!
60. 小陽 2014-06-12 12:09:43
珍港兄,
你所講競爭我地一定明,
文化大革命,窮人農民當道,知識分子被流放農村,連倪匡都要走難香港。

你教的-- 有能力的人一定為自己找一條好路
倪匡適應力強,去到邊都有能力生存。
以前走難到HK的知識分子,有$人,好似李十成老豆同佢自己,即使窮人都爬到上去,佢地正面,不會郁D燒烤,或者叫人燒烤,靠抗爭打到資本主義!好out!就算換過第二種玩法,你班人都會輸,因為你地適應力低,負能量,成日想人死,根本唔識玩新嘢!
祝佢好運!
61. 小陽 2014-06-12 12:20:18
珍港兄,
Don't spend time with those idiots , coz they don't face reality . Even siu 若元開藥房, if they want to fight , let them fight with siu 若元first .
62. To 59 2014-06-12 13:10:48
你哩啲另類公知, 無日無之, 在貧富之間靠貧的一邊得閒用黎被抽水最好, 你要堅守崗位好好頂住, 記住等到貧富懸殊到盡頭呀!
63. to 62/f 2014-06-12 13:39:09
唔駛擔心實會發生

到嗰日你可能會後悔點解你唔係貧嗰邊
64. 順民 2014-06-12 13:55:28
貧富懸殊永無盡頭﹐只有不斷循環﹐除非人類消滅。貧富成因除了珍港兄講的靠個人競爭外﹐最主要還是因果關係﹐皆因貧窮富貴各有前因。小陽靚女講得無錯﹐靠抗爭(鬥爭)手段去務求達到幻想中的所謂一律平等﹐那完全是不合時宜﹐因歷史早已明證這是徹底失敗的。再講佔中﹐也別以為最強烈反佔中者就一定是好人﹐不是敵人就一定是朋友 ﹖錯 ﹗有些人和現今一眾激進廢青也是一貅之貉﹐激進廢青們只是再走他們以前也曾走過的歧路﹐他們只是在同一舞台上扮演另一個不同的角色而已。在台上做一個屬於極少數的表演者﹐何不在台下做一個屬於大多數的觀眾豈不更好 ﹖
65. To 63 2014-06-12 14:22:09
尋日在下講的自古皆然, 咪就是在人類悠長的發展史中, 掙扎向上模式, 為絕大多數人所讚同和實踐的道路, 真理同生命囉, 偏偏好多口講民主豉油嘅, 又唔跟大隊的腳步走, 成日練精學懶, 你話幾時到破曉呢? 孤星淚裏面, 最後咪又係住大屋食大餐娶靚老婆, 自由民主嘅美利堅好似頒左三個金像獎俾佢添呀.
66. 引刀一快 2014-06-12 16:43:00
注册個名有咩難度?唔用固定筆名就好似對空氣講嘢咁,嬴輸都冇意思。
67. 打工仔 Andy 2014-06-12 16:57:19

貧富懸殊全世界一樣!富裕從實質資產反影出來!試下去深圳福田及南山區附近行下睇下!

現在隨街都是新款名車!!

68. 珍惜香港 2014-06-13 00:21:47
珍惜香港TO:49/F 蜕变中嘅懒人

網上投票,太容易造假,幾十萬唔代表啲乜。阿爺亦唔喺傻嘅,要拉哂去坐,香港警察自己都搞得掂。最重要嘅喺,根本唔多人支持果班傻仔。

至於我嘅眼疾,呢度始終喺公開網站,唔想講咁 DETAIL。不過冇你講咁大劑,並唔喺青光眼,但會導致呢樣嘢嘅風險都幾大。我喺衰另一味嘢;簡單嚟講,果隻眼嘅退化喺提早咗廿幾年。多謝關心!
69. 小師妹 2014-06-13 09:58:22

To 68 珍惜香港先生

提議你考慮下每天攝取"葉黃素"(補充劑)對眼嘅中央視力和眼血管細胞都非常有幫助 !

一直都有睇你嘅文章,覺得你係一位慈祥和正面嘅智者,希望你眼嘅問題好快得以改善和控制啦 ! Take good care!