昨日下午，有錢佬問我可不可以陪他飲下午茶，因為他約了一個人，而那人大約會遲到一個鐘，所以搵我飲下午茶，但我覺得奇怪，點會有人約了有錢佬遲到一個鐘，唔通那人是超級有錢佬。 坐落之後，有錢佬好似知道我想問乜，於是話，那人以前是不會遲到，但自從借了錢給他應急之後，每一次都遲到，最初仲有多少解釋，但近兩次連講都費事，今日是還部份借款的日子，估計那人最低限度遲到一個鐘。 老實說，我戥有錢佬唔抵，旁人見到，以有錢佬地位，對住一個遲到一個鐘的人仍然笑容滿面，那人一定很重要，甚至是有錢佬的恩人，誰不知有錢佬是揸頸就命。我同有錢佬講，不用勞氣，那人學壞師，以後有問題就冇人幫，食完下午茶，那人剛出現，立即話自己很忙，唔似得有錢佬同我，今次我躺著也中鎗。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
