地產博客 > 文亮言 返回
瀏覽人次:16868    回應:2
文亮言

賣樓最忌售後租回

 

湯文亮博士

紀惠集團行政總裁
2022年8月17日

  有朋友唔睇好樓市前景打算賣樓,在賣樓之前希望我給予他一些意見,不過就不能夠叫他唔好賣樓,老實說,如果睇唔好樓市前景,賣樓亦未嘗不是一個辦法,最低限度釋放了自己心魔,聽到那些不利樓市評論不用心驚膽顫。朋友話這雖然或者可以算是一個意見,但沒有實際利益,他需要一些非常實在的意見。

    我話有一個戒條,但很多人不會同意,只有賭仔才會明白,就是在賣樓之後唔好售後租回,因為莊閒對掉,如果樓價沒有下跌,他就是一個輸家。本來勝負乃兵家常事,但輸比買家則顏面何全。

   在物業投資領域裡有一戒條,就是大家合股買樓,到最後要出售時,最好是賣給其他人,千祈唔好由合股人買入,因為如果樓價日後升升跌跌,合股人當中一定會有人得,有人失,最後連朋友,甚至是親戚都冇得做,或者大家以後不再見面。

   當一個打算出售自住單位的業主,首先要做就是要四出搵一個出租單位,然後考慮那個單位是否適合他們,做了一輪功夫,就會發覺很麻煩,所搵到的單位又不合他們心水,租金又貴,要交租點解要賣樓,最後極有可能打消賣樓念頭。

   售後租回又唔同,乜都唔使做,又有一大筆現金收入。但那些業主不知道,他們今日不用做的事,兩年之後就會做,而且是一定要做,因為到時候新業主會收回那個單位自住,如果到時樓價大跌還好,或者可以再買返樓,如果不跌,有很大機會繼續租樓,替其他業主供樓。所以,賣樓最忌售後租回,但很多人不會同意,他們會話,唔知幾生修到,才可以售後租回,他們被業主迫遷就知道味道。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2022-08-17 21:07:03
可唔可以咁呢,簽份租約講明可以轉租,然後喺網上啲揾揾啲自殺群組,低價轉租俾佢地,一嘢有人成功得道飛升,咁咪有機會低價回購囉。
講明先,純粹講笑,咪學呀。
2. 劍聖 2022-08-21 14:36:05
地產商今天報價平了,明年樓價升了,顏面在那裡?.