地產博客 > 散文集 返回
瀏覽人次:5214    回應:21
散文集

樓市大戶3年前套現402億 終極啟示今日顯現?

 

林南冧
東網財經專欄作者 

2021年3月8日 (東方)

  市面上太多「偽樓神」高調招搖撞騙,甚至開班授徒教人炒樓,講到尾就是叫人加大槓桿,按樓再買多一層。反觀,香港首富卻在退休前一年,即2017年底沽出中環商廈大部分業權,套現402億元,時至今日,當年的接貨者可謂恨錯難返。最近,這位首富的左膀右臂--「霍大班」及「趙樓神」,都先後傳出沽出物業,其對樓市的睇法自不待言!

  事實上,最近樓市的調整壓力已由商廈、舖市、車位,轉移至住宅市場。雖然近月二手交投相當暢旺,但大市旺丁不旺財。而且,凡事兩面睇,市旺除了顯示買家入市情緒高漲外,同時反映業主的沽售意欲強,與早幾年「吊高嚟賣」、非追價不售的現象大相逕庭。

  一手市場更是如此,早年「皇帝女唔憂嫁」的態度已見轉變。各位只要留意發展商的新盤開價就知道,例如即將開售的九龍臨海新盤,首張價單折實呎價2.4萬餘元,相比發展商於2017年底以逾172億元搶地、每方呎樓面地價高達1.75萬元比較,計及建築成本、利息及其他開支,單計首張價單而言,開價算是克制,嚴格而言更幾乎冇咩肉食!再比較去年11月同區新盤加推平均呎價高達2.8萬元,折讓反映市況。

  小弟這樣說,並非鼓勵大家入市,置業與否還要各位自行考量能力。只是上述事例說明,現時連樓市大戶都取態保守,散戶是否應該停一停、諗一諗目前香港的處境?

  講起香港前景,並非小弟太悲觀,而是現實太殘酷。美國智庫傳統基金會早前公布的2021年經濟自由度指數,已不再將香港視為獨立經濟體,只當是中國的其中一個城市。而此前,該指數自1995創立以來,香港連續24年蟬聯冠軍,去年仍是亞軍,但今年卻「此情可待成追憶」。如果國際不再認可香港,再說一萬次甚麼香港國際金融中心地位不變的話,也是徒然...

  之所以香港人的薪金遠高於東南亞各國,全因為香港的獨特地位。若然未來成為內地的一線或二線城市,市民購買力必定下降。舉個「貼地」的例子說明,現時就算是香港的中下階層,只要夫婦2人各有工作,都有能力聘請東南亞的高教育程度的女士來港幫傭做家務、照顧孩子。若是香港失去國際地位,將來還可以嗎?

  因此,小弟總是提醒大家,千萬不要受他人的狂熱情緒影響而貿貿然買樓。過去一年,的確有許多人借8成、9成按揭上車,雖然現時的按揭利率確實是歷史低位,但向下的空間已有限,而向上的空間卻大。隨新冠疫苗大規模接種,美國債孳息率向上飆,隱隱然見到加息苗頭。莫講未來樓價有機會大跌,就算平穩,只要按息掉頭向上,今時今日借盡樓按上車的業主們都會好辛苦。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 立必樹 2021-03-08 11:41:19
東網財經專欄作者人工過兩萬未?
2. 作者說得有道理 2021-03-08 19:27:33

作者說得有道理, 就讓聽得懂的人聽下. 聽不懂的人就繼續模糊焦點. 

3. 立必樹 2021-03-08 20:56:00
就係睇穿先踢爆呢位「作家」。
4. 立必樹 2021-03-08 21:05:18
……因此,小弟總是提醒大家,千萬不要受他人的狂熱情緒影響而貿貿然買樓。…………

你當買樓同買棵菜?話想買就有本事買?

「我都提醒大家唔好趁熱鬧跑馬拉松」

跛腳嘅某君好苦婆心咁話……


5. 3年前套現402億 2021-03-08 21:47:49

李生3年前高位賣樓,但今年又投啟德地皮103億,咁李生依家算唔算睇好,

就讓聽得懂的人聽下. 聽不懂的人就繼續模糊焦點.


【長實買地】長實102.8億首奪啟德住宅地 麵粉呎價已近1.59萬元 高於預期 長實 :「對香港未來經濟充滿信心」 - 香港經濟日報 - 即時新聞頻道 - iMoney智富


6. 又cut post 2021-03-08 22:13:30
哈哈!

唔敢面對?

真肉酸!


7. 忍者 2021-03-09 09:42:34

唔好買樓,咁要住係咪繼續租樓?退休後申請公屋?定日後搬去大灣區?

定係跌2成、5成、8成先買?最多叫人唔好抄啫,始終樓唔同其他投資產品,係有實際需要架麻。

8. 元朗灣區人 2021-03-09 10:20:53
再提一次,

副總理已開始解決房屋問題。
9. 一線城市樓價 2021-03-09 16:42:28
若然未來成為內地的一線或二線城市,市民購買力必定下降。”

呢條大淡淡,唔係唔知道部分香港人根本已經買唔起大陸一線城市的樓嗎?仲係到大香港主義??
但大陸一線城市的居民購買力強橫得厲害。深圳有個要幾4千萬人仔入門的豪宅盤1秒賣1個。

乐居财经讯 今天,太子湾·湾玺加推14套房源,在开启线上选房15秒后便清盘。据悉,本次推出的为T7栋高区房源,面积为358㎡4房F户型、367平4房E户型,总价最低要4266万,最高4651万,总货值达6.23亿。”


10. kaymen 2021-03-10 11:24:05
原來阿爺出手,唔怪之依排係咁出曬d貨去啦,俾一班蠢人去接火棒😂
睇下新聞啦,唔好俾人話幾句冇貨就死去接呀~
韓正說,香港住房問題,有香港自身的歷史和發展的過程,要解決問題難度很大。但他強調,房屋問題需要有開始解決的時候,不能像現狀一般,沒有解決辦法也無法形成共識。
11. 樓常冧 2021-03-10 12:22:08
知否樓價常冧, 冧價原是永恆• 
此中波浪起跌,  當然有幸有不幸•
不必怨樓盤無人接, 無人接才是正常•
經得風浪起跌, 必將惡運變好運•
12. 幸福蠢人 2021-03-10 13:20:27
有$又有能力去接火棒,都幾幸福。

係冇D叻仔咁醒租樓日日賺咁巴閉嘅,算啦鬼叫人蠢咪買樓囉。

冇本事買樓先唔係蠢人,明嘅。
13. cut post 2021-03-11 07:49:33
又唔出?

醜怪!
14. 幸福蠢人 2021-03-11 09:28:01
有樓係惡運,

冇樓先叫做好運。

又明咗!
15. 龍虎豹 2021-03-12 07:21:58
廢淡的咀臉,見怪不怪。

總之别人有樓佢自己冇就發癲,有樓係罪。

自己冇本事都要咒人唔掂,希望人地會同佢差距細D,完全自卑心理作祟。
16. 立必樹 2021-03-12 12:38:59
kaymen 2021-03-10 11:24:05
原來阿爺出手,唔怪之依排係咁出曬d貨去啦,俾一班蠢人去接火棒😂
睇下新聞啦,唔好俾人話幾句冇貨就死去接呀~

又鬧人係「蠢人」,又咒人「死去接」,人地買樓啫,做乜激動到殺你全家咁?
17. 個個討論區都有呢種人 2021-03-13 07:59:41
hahadaxiao
2021-3-12 09:14 PM
#61

原帖由 片刻橙色的頭巾 於 2021-3-12 07:52 PM 發表 0

睇錯冇所謂,廢淡的致命傷是死不認錯同老屈假成交假消息,怨婦一樣

落錯車不斷咁咀咒其他買樓供樓嘅業主
 
發短訊息 引用回覆 
 

原帖由 hahadaxiao 於 2021-3-12 09:14 PM 發表 0

落錯車不斷咁咀咒其他買樓供樓嘅業主

眼紅人有錢賺就屈人係炒賣,自己上唔到車就想行共產主義,要人人同佢鬥窮,心理嚴重扭曲
18. Johnny 2021-03-14 18:36:35
東方唱淡十幾年,不看也罷。
19. 立必豎 2021-03-14 19:16:27
其實從來都冇興趣睇「東方」的淡文,係呢個所謂「東網財經專欄作者」將「劣作」擺上來獻世,才睇到佢既「穿鑿附會」行徑係幾别有用心和牽強。


20. 幸福人 2021-03-15 10:43:11
針下亡人引爆全城恐慌!本港兩周內有6人打科興疫苗後身亡,復必泰疫苗亦有2宗須呈報副作用個案,就連尚未付運到港的牛津阿斯利康疫苗,亦於挪威有3名醫護人員接種後血栓塞,港府訂購的3款新冠疫苗全部出事。疫苗安全成疑,外國迅速應對,泰國、丹麥、冰島等地已暫停接種阿斯利康疫苗,反觀港府仍堅拒煞停接種計劃,更不斷擴大優先接種群組,甚至擬為解決「有針冇人打」的尷尬局面,考慮提早啟動全民接種。學者炮轟港府為求清走約200萬針疫苗,強推全民接種,無視疫苗風險,逼港人做白老鼠,遲早闖禍
21. SYB 2021-03-17 11:55:45
私樓必升。因為好多香港人住公司/學校宿舍,住度假屋,出差旅,工作假期,住親友處,入院。又有大把錢,唔自在。加上業内人仕投資或拖價出大盤。。。私樓必升。小市民唔使想啦,1 8歲去申請政府屋最好