地產博客 > 樓市乾坤 返回
瀏覽人次:15238    回應:34
樓市乾坤

農曆年後樓市伺機回升

 

何熊輝

2022年1月16日

  自從疫情開始於社區出現,樓市轉趨寂靜,再加上新公佈的防疫措施延至年初三,這新政直接將農曆新年前後慣性出現的樓市小陽春,正式宣佈死亡,二手樓價於未來一個月,持續走軟也是意料中事。

 

   政府表示,初三後防疫措施有望逐步解封。現時香港周邊疫情亦開始爆發,深圳及中山個別鎮區差不多同時出現案例,因而導致封區情况已出現,因此就算本港控制得宜,但鄰區發生的感染個案失控,本港的防疫措施鬆綁的速度,可能會有所減慢。

 

  從樂觀方面評估,如本港及鄰區情况得到控制,防疫措施逐步撤銷,樓市交投也要在新年後才可逐步回升。因此一手新盤可能要到下月中後才有機恢復開售,屆時新盤的開價相信也會較保守,有心入市的買家可趁機部署入市。

 

  對二手盤買家而言,近期各區相繼出現不少移民盤,此等放盤叫價低企,如肯還價隨時可以低市價8至10%成交,想執筍盤,新年前可能是最佳時機。

 

  近期政府不斷強調疫情嚴峻,但縱觀世界,香港感染率之低,遠勝全球各主要城市,至於重症及死亡個案則更小,反觀美加澳英等主要大城市,每日感染案例數以千計,所以大家不用太擔心,新年後香港經濟有望率先反彈。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 巴必 2022-01-16 01:54:17
有個朋友做酒店業,佢話又要放無薪假,但佢同佢老婆供緊樓。現又要放無薪假,供樓壓力就轉移去老婆到。其實早輪佢已經放過一排無薪假,都係靠老婆頂住,如果冇老婆份糧,真係唔知會點
2. 樓市急降温 2022-01-16 08:43:34
新一波疫情來襲,令樓市氣氛急降溫,市場消息指,一手市場約錄得逾20宗一手成交,以新地屯門御海灣II的銷情最佳,單位售出16伙,佔一手銷售的近80%。
3. 息魔來了 2022-01-16 13:09:54
通脹壓力下,聯儲局對緊縮取態愈來愈鷹,摩根大通行政總裁戴蒙上周五業績後電話會議,大膽預期今年聯儲局或加息6次至7次,很可能超過市場預期的4次,狂加息,港樓無運行。
4. Shisha 2022-01-16 14:55:48
本港爆第五波疫情,因應疫症大幅收緊空運人員檢疫後,空運能力大降,令部分新鮮食材、電子產品及藥品無法抵港,物流成本大增三、四成。無啖好食不單是市民,二手樓劈價、嘉湖山莊呎價跌穿萬元,新界西租金也調整,可見樓市難搵食。
5. 小野麗子 2022-01-16 22:29:31
之前樓升股市跌,所以今年股市會跟升,追番D升幅。剛剛加按左錢出黎買收息股。求其買三隻5-6厘對沖下,剩出黎既錢先買下D無謂野。
6. 股票是將來式 2022-01-17 07:11:59
5樓,2021年港股同其他國家不同。
 有對等資訊的人2022-01-16 07:56:20
股票是將來式。世界咁多一級好公司,為何買一D沒有前景的公司等佢反彈?咩 logic 呀?賺在20%就好威?
7. 美資擴允 2022-01-17 09:49:17
受新冠肺炎疫情影響,整體商廈租金持續下跌,主要核心商業區中環甲級商廈的租金已較高位下跌約三成。然而,經濟前景稍為改善,個別企業趁租金下調展開擴充步伐,一家美國私募投資基金以每月101.6萬元增加租用中環長江集團中心高層近1萬方呎單位作同廈擴充,呎租110元,較舊租下跌近27%。
8. 中環人 2022-01-17 12:00:12
7樓,因為平左租,舊約又差不多完,不是真擴充,係準備搬呀!
9. aa- 2022-01-17 12:20:01
金融風暴前美官息4%

聯儲局如容許加息,並加息至金融風暴前水平,美政府每年要加多的利息支出約為

1萬億美元。
10. nice weather 2022-01-17 15:30:49
港股同其他國家不同 yuuyuu passyuu create pass
11. 深圳人去樓空 2022-01-17 20:25:33
2021年深圳房屋租金呈現跌勢,2021年租金平均約每平方米72元人民幣(下同),下跌5.5%,與兩年前相比跌幅更達11%,租金已跌回2017年水平。有居住在深圳福田區的租客提到,2021年6月,租下福田口岸附近的一房一廳,「清水房」價格為一個月4,600元;帶家電價格為5,000元,掛牌價格為月租6,000元。到了近日,房源增多,一房一廳空房的價格為月租4,000元,帶家電價格為4,300元,較高位下跌40%。據悉,許多到深圳打工的人突然接到房東主動減租通知,這在過往從未發生。
13. 貨倉有價 2022-01-18 12:11:27
環球新冠肺炎疫情持續超過兩年,為貨倉及物流中心的需求帶來支持,相關物業租金跑贏大市。本地老牌飲品公司維他奶近期以每月逾103萬元大手增租屯門嘉民環宇物流廣場低層全層作倉儲用途,呎租達13元,較舊租飆近37%。
14. 龍床收租王 2022-01-18 13:16:31
位於上水的納米半新盤尚宜開始入伙,實用面積僅138方呎的開放式單位,以8000元租出,實用呎租高達58元,貴絕新界北區。有關租金回報高過市場,仲好過買銀行股收息,納米樓不單未消失,仍是另類投資選擇.
15. Sheean 2022-01-18 15:09:45
老美也是封港及碼頭,貨櫃,失業率上升因為人民直申失業救助每周六百,係美元,邊有人上班,租金升,股票就得幾大股頂著,都有7%,是通脹。l
16. 日光盤變日一盤 2022-01-19 00:44:02
2022年,深圳首個開售新盤光明安聯尚璟府推出353套單位,只能15組客人登記認購,認購率不足5%,更嚴重的是,該樓盤最終僅售出1套,創下新盤最低去化率紀錄。


17. 有對等資訊的人 2022-01-19 04:55:08
13樓,你以為好消息?即係D貨賣唔出呀,你有冇睇過維他奶所出的公告呀!做食品要貯貨,打仗咩?耍貨如輪轉,不是藝術品呀!
18. 樓價升三百倍 2022-01-19 10:24:36
西半山連錄多宗大額二手買賣個案,其中老牌豪宅屋苑寶城大廈B座低層B2室,實用面積2410平方呎,屬於4房間隔,原業主早於1963年以約16萬元購入單位,剛以5800萬元易手,持貨59年帳面獲利5784萬元,期內升值約362倍,平均每年升值6倍,跑贏一眾籃籌屋苑。據了解,寶城大廈屬於區內老牌屋苑,不乏名人業主進駐,包括五億探長呂樂、恒生銀行前董事長利國偉、藝人鞏利等等也曾經在此屋苑持有過單位。
20. 破產一世還錢 2022-01-19 17:46:57
如果係大陸斷供層樓, 層樓被拍賣後都仲欠銀行錢, 信用系統就會把業主變成無賴, 即高鐵票都買唔到, 之後打任何工作, 只要透過銀行出糧就會被扣糧, 直至還晒債為止。
21. 立必輸 2022-01-20 00:21:21
第五波疫情觸發二手樓減價潮,傳統藍籌屋苑也未能倖免。有樓市風向標之稱的鰂魚涌太古城,有三房單位僅以兩房價賣出,樓價險守1000萬元,比銀行估值便宜342萬元或25.5%,實呎低見1.4萬元,重返同類單位5年前呎價水平。
22. 引刀一快 2022-01-20 03:21:53
如果大陸樓都要斷供,咁買港樓就真係傾家蕩產。
23. 有對等資訊的人 2022-01-20 09:14:48
18樓,1963年16萬可以買到咩?當年16萬,購買力大於現在6000萬呢!
24. 引刀一快 2022-01-20 11:36:10
1963年,買16萬普洱,或者買16萬生陳皮,任擇其一,今日價值都在200億以上。

25. 引刀一快 2022-01-20 11:39:55
唔好意思,有點錯漏,1963年,東甲成個產區一造可能都未駛16萬,要fact check一下。
26. 十一哥 2022-01-20 20:08:15
刀刀做乜咁唏噓,早知攬住D果皮就唔洗坎呵啦,跑山撲水真係會整到short  L 咗嘅….
27. 引刀一快 2022-01-20 22:10:16
十一仔,唏噓果個唔係我,唔知係咪你呢?

我依家仲可以孭25kg行山4粒鐘以上,啲果皮留返俾你化痰順氣喇。

25kg,唔係lb。
29. 十一哥 2022-01-20 23:28:28
刀刀背脊向天孭慣㗎!有乜咁出奇…11哥加埋沖力梗唔衹25kg、話時話…成日吹去4穿修O…原來係去撈挑夫…咁就真係坎坷嘞…

1963年…刀刀成副身家有幾個神沙呢?有冇個6刮沙都成問題、學人講攞16萬去買果皮藏普洱、肯定…冇錯…證明…真係…傻L咗。
30. 引刀一快 2022-01-21 07:05:12
十一仔

一講體能就踩到你條尾,咁你真係要行多啲山,再hea啲你遲早連核突嘢都唔識寫呀。

睇你一見到對等兄就心慌意亂嘞,睇清楚先至寫嘛。我幾時話我1963年買咗陳皮普洱唧,眼紅都眼紅唔切,唔通18樓果位哥哥1963年又買咗寶城大廈咩。

話時話,打更份糧唔夠駛,做埋搬運都好,四川挑夫叫“棒棒”,都係一份好職業,打完更去倒夜香,倒完夜香去做棒棒,真係發喇,哈哈哈哈
31. 樓市呵呵 2022-01-21 09:51:01
樓市回軟,部分單位樓價升幅化灰,尤其於2018年樓市高峰追入的一批業主,近來先後出現多宗蝕讓。東涌海堤灣畔一個全海景3房單位剛以1088萬元售出,以原業主逾3年前購入價計,扣除使費料損手約2萬元,屬該區月內第三宗損手個案。
32. 十一哥 2022-01-21 11:03:43
牛林喺刀刀背脊操到身水身汗…刀刀梗係睇唔到啦⋯⋯
33. 引刀一快 2022-01-21 11:20:13
成日好似講故仔咁,跟喺後面挽鞋都要行得郁至得㗎。
34. 十一哥 2022-01-21 11:57:23
刀刀起晒枕,感覺唔到?
35. 引刀一快 2022-01-21 14:25:12
有人挽鞋,枕唔枕都唔知喇。
36. 風暴來了 2022-01-21 16:00:17

中國奧園日前發布公告,震動地產市場。該地產公司不僅未提前就即將到期的美元票據發起任何要約收購,且在到期日之前公告違约,同時稱其所有境外金融負債將發生(或已發生)違約事件。1月19日晚間,中國奧園公告稱,公司將不會為即將2022年1月20日到期、本金總額為1.88億美元及1月23日到期、本金總額為5億美元的美元票據支付餘下本金及最後一期利息。

37. 五波累街坊 2022-01-22 08:47:13
第五波新冠肺炎疫情嚴峻,打擊二手睇樓氣氛,三大代理行統計周末兩天(22日至23日)的預約睇樓量再度下跌,中原地產統計的十大屋苑預約參觀量更連跌5個周末,創近一年新低。政府周五(21日)宣布對葵涌的葵涌邨逸葵樓住戶實施5天禁足令,消息進一步削弱二手睇樓氣氛,將軍澳日出康城緻藍天及將軍澳中心等即有業主下達「禁睇樓令」。有代理直言,在政府防疫措施下,將軍澳拒絕開門的放盤數量勢增至佔全區約五成,隨時多達2240個,比例遠高於首波疫情只有三成。