地產博客 > 蔡志忠 返回
瀏覽人次:47368    回應:116
蔡志忠
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 子龍 2011-11-02 14:40:13
觀蔡生寫文章往往有其啟發性,政府的確不應該只為了遷就未買樓者而將樓價打倒,目前環球經濟不穩,香港樓價如果再大幅下調,香港人將來要過苦日子!
2. 中產A 2011-11-02 14:47:48
本人經歷過負資產日子,當時嘅小業主真係好悽慘,有朋友嘅仔和女友就來要結婚,後因為層樓變咗負資產,女朋友改嫁住公屋嘅青年,令佢悲痛不已,從此對物業產生咗恐懼感!
3. 子龍 2011-11-02 14:56:27
負資產名字是好可怕,對於百萬小業主來講,簡直是惡夢,各位年輕人或者未經歷過那種痛苦的歲月,未領略到,不過小業主作為努力嘅一群,必須引以為鑑,唔好使它大量再次出現.
4. 王先生 2011-11-02 14:56:42

可能香港係 97 年回歸之後開始行衰運,或者係英國人臨走前佈下嘅局,由董建華公佈呢個 8.5 萬房策開始,
香港樓市一瀉千里,跌足 7 成肯定打破世界紀錄!這次樓災受害至深者並非嗰啲醒目炒家,拒地神早高位出曬貨!
摸貨短炒嘅人輕傷,嘔翻少少出黎當做善事都應該:地產商見曬血,但簡單包紮吓都無事,起碼無一間真係要執;
狂炒過百個豪宅或各大中小型單位嘅大炒家重傷輸身家,死有餘辜,好多人破產收埸,但 7 年之後又一條好漢;
          
最慘係果啲在政府「房產安全網」之外嘅小業主,任何房屋福利都無份,焗住買一層樓自住,又無炒過樓,
拒地慘變負資產,想投降賣樓,又要先抬數拾萬(連使費)以上方可甩身,不少人進退兩難,真係谷到爆,
就算有屋企人肯借俾你頂住,唔使還?半生努力一Q清袋,欠下一屁股債,重要揾地方住,唔少人就咁睇唔開!!

5. 王先生 2011-11-02 15:09:32

樓市能承受得起嗎?可能有好多人未試過負資產,係度講風涼話,「自住唔使理樓價起跌,只係數字遊戲------」
          
如果層樓 300 萬買翻來,借左銀行 200 萬,只用 4 成樓下入息供樓,重有成年儲備預左供款,做好風險管理未?
但層樓如果數年間跌落去 100 萬,唔好話未試過,大把真實個案,又剛剛又發生係講風話嘅人身上,你哋會點做?
          
通常樓價趺成咁,會有一個「越窮越見鬼現象」- 利息上升、經濟衰退、失業率上升肯定係主菜,走唔甩。
就算有工做都會減人工,加上銀行每月加你樓按利息,合稱「雙鬼拍門」。   
本來好穩健嘅財務會忽然間惡化,儲蓄好快消耗曬。     
          
如果樓市向下行係两叁年間嘅事,咁碌住信用卡頂當都重得,但如果唔係點先-----  
去到呢個地步,你會睇倒報紙同電視新聞報今日又有幾多人無左個飯碗,股票市場又跌左幾多點---- 
負資產業主每日早上嘅希望係仲有工返!!我都試過負資產嘅味道,嗰種渡日如年感覺,真係非筆墨所能形容!
          
身邊就有好友因為係 97 年細屋換大屋,點知樓價狂跌變負資產,供唔掂層樓加上失業,終於做左空中飛人!!
          
依家歐豬、美國同日本經濟係點?路人皆見,爆大鑊唔係會唔會嘅問題,而係幾時發出黎嘅問題!! 
          
依家最大鑊嘅係香港民生派在立法會係 30 比 0 ,小業主同中產無人代表發聲,我哋現在仲係度等運到,
咁第時「民意代表」就會同我哋做決定!!      
          
唔好話我烏鴉口,依家為爭立法會議席及特首寶座嘅候選人,都會狂開期票,候選人甲叫 3 萬 5 ; 
乙會叫夠 4 萬;丙會執輸嗎?最低消費 5 萬起碼!!重係講緊公屋咋!!!   
          
如果今次歐、美、日相繼爆大鑊,合理推斷發生日期係 2014 - 2015 年左右,同香港呢兩年新增建屋量出奇地夾!
到時外圍經濟衰退、銀行相繼倒閉、惡性通貨膨脹引發全利率急升----重加上香港各類樓宇落成量大升!
最低消費樓價跌 5 成起碼!!重有樣杰係 97-03 年利息處於下降軌,今次係上升軌-------  
          
我想 CY 同董伯伯最初都係想啲樓價平少少,當幫吓人,點知係跌 7 成先收倒科,重要係呀爺幫先埋倒尾!

6. 資深投資者 2011-11-02 15:18:11
資深投資者「玩具鄭」鄭躬洪則認為,現時投資商業物業比住宅市場更值博。他指出,政府年來不斷打壓樓市,預計日後新一屆政府仍會繼續打壓樓市,購買豪宅作投資並非理想選擇。 他預料....商舖及寫字樓的升值能力值得看好,認為現時商業物業的價錢廉宜,仍屬入市良機。
7. 王先生 2011-11-02 16:02:49

真係白啲都要講一句,樓唔係個個人都要擁有一層先叫做公平!     
美國金融海嘯點來?咪政府希望人人都可做業主囉!      
銀行順水推舟,將好多無供款能力嘅人都招攬埋!       
借錢俾拒地去買樓同換樓,然後將這些次按夾埋優質貸款賣通街!     
           
無論冰島漁夫,牛頭角順嫂,同樣為此結單,而不少銀行更因此大幅虧損!    
政府保証港人有其居所,係合情合理,但是否人人都應該擁有私人物業?那就是一個大議題!!!!  
           
係香港一窮二白嘅人------政府免費俾層樓拒住!       
揾得果一萬幾千嘅-----政府會起公屋招呼拒地!       
揾萬幾两萬嘅-----置安心計劃攪緊,新居屋計劃就黎公佈,重有唔少補左地價,只賣百幾弍佰萬嘅 2 手公屋及居屋可供選擇!
揾两三萬嘅------新界唔少私人樓重係 2百幾,分 30 年供只係一萬銀樓下,絕對唔過份!   
揾三萬銀樓上嘅------已經係香港最 TOP 嗰 2 成人,重要政府幫有無攪錯???    
咁邊班人想政府整冧個樓市俾拒入平貨??咪係嗰啲幾年前睇錯市嘅人囉!!    
我哋啲小業主好想問點解人哋睇錯市要我哋埋單??係咪好攪笑!!!!!    
就呢個網,你去新界度揾一揾,百零萬樓重有好多,慢吓手重有價講!!!    
           
當然要全新、有會所、海景、鈇路上蓋、重要平到笑-------咁就真係揾唔倒!!!

8. 中產A 2011-11-02 16:28:43

樓上"王先生"的確係好有研究,香港嘅新界區仲有200萬樓大把,只係啲人鍾意嘈地產霸權,搞埋小業主,有政客議員順便拉埋選票,無知嘅市民都受咗誤導和挑釁.

11月6 日大家小業主要行動起來,齊齊去投票,投支持小業主嘅參選人一票!

9. 不平等 2011-11-02 16:41:55
想改變現狀者,請於11月6日投泛民派一票!
10. SANDY 2011-11-02 16:44:13

"希臘總理帕潘德里歐面對國內愈趨強烈的反對聲音,周一晚突然宣布明年一月進行全民公決"政客真無恥!!

代表國家與其它各國商討並答應方案後竟然反口!

他們就是為選票先讓市民享受福利, 妄顧財政平衡和市民的積極態度, 今日又怕被趕下台, 現在看還有誰以後會相信希臘人!

11. SA SA 2011-11-02 16:46:42

TO 9

你是甚麼人?? 小動作代表無恥和無知!!!!!!!!

12. 小業主 2011-11-02 17:07:52
11月6 日大家小業主要行動起來,齊齊去投票,投支持小業主嘅參選人一票!
WHO?
13. S 2011-11-02 17:15:04
請看湯文亮今天文章內的回應
14. 老百姓 2011-11-02 17:33:30
8萬5---------------------------- 一年来不断加碼的房策; 
亚洲金融風暴-----------------环球经济金融面对加剧恶化;
03年十萬計負資產-----------上月負資產急升30多倍-------房策不改,未来如何?可想而知!

以上对比何其相似. 前車之监,不可不虑!

亡羊补牢,尤為未晚.望當政者审時渡势,放寬不合時宜的打压樓市政策.
15. 先達 2011-11-02 18:58:50

唔想再見到負資產出現,果陣時好悲慘,香港嘅後生仔針唔拮到肉唔知痛,一畢竟就要住豪宅,如果一畢業讀完書就住到豪宅,咁香港樓價就唔值錢.

好似馬來西亞,菲律賓等落後國家,別墅都賣得好平,就係偏偏冇人買!

16. 大時代 2011-11-02 19:03:39

香港係百花齊放嘅地方,每人都有發表言論嘅權利,樓市有人唱好就有人唱淡,點解咁睇唔開?

唔明點解一見到唔同意見者,便一起向佢圍攻,你哋班自私小業主,未免太小家了!

17. 60s 2011-11-02 19:39:22
Totally agree with the author's view and Mr. Wong's comment as well. Those are past experience which should be a mirror for the future. Next year's election for new CE may be too political for the housing issue. Quite worry about the re-occurence of the 97's history.
18. 負資產 2011-11-02 19:44:56
希望負資產快速來臨
19. ???? 2011-11-02 21:10:39
我十分尊重16大時代的言論只是僅短短兩行字都copy之前的舊話貼過來是否太懶
20. 路人 2011-11-02 21:31:10
負資產由來,乃樓價過高所致。
21. 浩氣長存 力撐20樓 2011-11-02 22:36:15
唔該各位 以理性態度, 拋開個人固執己見, 拋開自己已經係一個手持物業o既"小業主",
當我地只係一個普通o既平凡事民

大家再出去地產舖逛逛,  再計一計自己o既薪金
沙田第一城呎價近6000,  閒閒地一層細到想死o既兩房單位, 入場費240萬
假設我搵15000一個月, 其實都唔錯啦講真,  每個月拎 30% 出黎儲首期
我要儲13年先儲到720000做首期!!!!
如果我拎五成做首期,  都要儲8年, 係8年呀!! 跟住再要供30年!!
如果我地唔係自己手拿一層樓, 可以換樓 我地可點買到樓??
咁證明左乜野??就是樓價太高!!

負資產形成係因為樓價太貴形成樓市泡沫, 泡沫形成係因為大家都幻想樓價會不斷升, 即係貪囉!!

我知道好多人買樓係自住唔係要炒, 所以呢d人就更加要計算清楚自己o既供樓能力,

我經想重申, 我唔係要樓市大跌3成或5成

我只係希望用我個人點點微末o既力量, 去苦口婆心咁樣調教番呢度眾多業主

已經扭曲左o既心態咋!!!希望覺位業主可以諒解!!
同埋理解, 其實你地o既物業唔一定要升架!!!!ok????
22. 少理太郎 2011-11-02 22:42:02
政府有責任保證業主唔會負資產?????bullshit la!
23. 小業主c 2011-11-03 00:17:22
如果因為貪心同睇錯市,又或唔好彩經濟突然變差,市場自行調節,令自己變負資產就抵死,無話可說,但現在是政府以人為干預市場硬要推低樓價令買樓自住既人變負資產,就不公平!無錯我哋小業主既物業不一定要升值,但有住屋需求的人亦不一定要擁有物業,尤甚無能力置業既人,為何政府要無數咁多既手段去幫助買樓,咁政府係未有責任保證業主(有納稅)唔會負資產?
24. 小業主c 2011-11-03 00:17:24
如果因為貪心同睇錯市,又或唔好彩經濟突然變差,市場自行調節,令自己變負資產就抵死,無話可說,但現在是政府以人為干預市場硬要推低樓價令買樓自住既人變負資產,就不公平!無錯我哋小業主既物業不一定要升值,但有住屋需求的人亦不一定要擁有物業,尤甚無能力置業既人,為何政府要無數咁多既手段去幫助買樓,咁政府係未有責任保證業主(有納稅)唔會負資產?
25. 向饭民说不 2011-11-03 00:36:08
其实系班饭民废青帮那些赌楼价跌的废材炒家。只是楼价跌了一半,班废材也未必有能力买到楼。
26. 大時代 2011-11-03 01:01:01

支持21樓"浩氣長存",樓係用來住嘅,唔係用來炒嘅.

政府有責任使市民個個有樓住,宜家人工追唔到樓價,樓價就係貴.

樓價嘅升幅應該與薪金嘅升幅掛鉤,否則政府就有責任維持樓價平穩.

負資產係因為貪心所致,樓價過高遇上金融風暴,經濟太差令樓價暴跌!

27. 非常憤怒的人 2011-11-03 01:03:14

To: 浩氣長存

 

$15,000 個月真係好難買樓,但好多人買樓都是公一份婆一份的,為怎麼一個人一定要買樓呢?可能就是你這樣的老師,所以教出這麼多青年人想很早置業。

 

我認為現在樓價貴,但貴幾多,我不知道,但是我花了十多年時間儲蓄才於今年中置業自住,我都像一般小業主不希望政府為了討好一些過份的人,而令小業主成為負資產。

 

我不會認為自己客觀,因我表達自己作為小業主的觀點,但浩氣長存你亦是,因我相信樓價下跌六成你都不會負資產,還是你的時機去再買樓。

 

再次希望你作為老師,去分析現在青年人的價值,多過分析樓價。

28. 先達 2011-11-03 02:00:39

TO:浩氣長存

你肯定不是數學老師,咁都計錯數?

假設年輕夫婦每人每月入息1.5萬,即合共每月3萬元,購買新界著名屋苑嘉湖山莊,一個800呎三房單大約240萬,以按揭保險公司9成貸款計算,利率2.35厘,年期25年,每月供款只約1萬元左右.

首期可問父母暫借,月入3萬供樓1萬,只佔總收入3成幾,其實唔係太難,嘉湖山莊設施齊環境靚,唔會失禮年青人.

老師你都係住新界,是否認為新界樓還要跌價嗎?唔通要平過深圳?深圳都要2-3千元一呎啦.

反而"非常憤怒的人",你今年至買樓就較為危險,如果買咗新樓分分鍾蝕咗好多,樓價再跌唔排除出現負資產,請你保重!

 

29. Frankie 2011-11-03 04:53:11
蔡先生閣下: 看了你的文章, 不禁提筆一抒己見, 未知閣下是否擁有物業而發表這樣的本末倒置、似是而非的謬論; 首先本人申報持有三個物業, 造成今日樓價的局面, 一方面是政府的高地價政策以維持它的收入, 另一方面是政府所謂不干預市場的傳統, 但想當年金融風暴發生後, 外圍經濟不景, 本港樓價暴跌, (不要忘記這是與97前的癲瘋樓價相比), 造成負資產潮, 那些貪焚的炒家跳樓、燒碳, 活該! 不値得可憐, 但對那些實際的用家, 影嚮不至嚴重, 可能買貴咗心理上造成不快, 政府即時推出停售居屋、減建公屋、減推土地和勾地等措施, 這不是干預市場嗎? 為何當時沒有人出來埋怨呢? 是不是輸打贏要呢? 好了, 至近年世界經濟好轉, 中國大陸富起來, 本港的樓價相應不斷攀昇, 屢創新高, 加上大陸地方的那羣無知鄉下佬, 有樣學樣, 實行高地價政策, 導致那些本地和大陸佬炒家、甚至無良的發展商(地產霸權), 利用當前的勢頭和機會, 誤導那些急欲置業的真正用家, 以為樓價昇無止境, 形成泡沫, 真的忘記以前慘痛的教訓嗎? 宏觀許多其他國家, 香港的樓價可稱世界之冠, 一般的人根本無可能負擔, 與現實脫節, 長遠而言, 試問這樣對整個社會繁榮穩定好嗎? 鑒於目前的泡沫危機, 政府現在稍作適度的調改, 防犯於未燃, 使扭曲的物業市場納回正軌, 讓其健康發展, 這算是過份嗎? 有錯嗎? 否則將來的負資市產情況比之前更為嚴重, 到時大家又批評政府無能, 後知後覺, 沒有採取有效的措施, 重蹈復轍; 言而應負的責任就是置業前真的認清外圍的經濟、利率的走勢、考慮個人的能力, 量力而為; 當然現在政府的政策, 可能刺正利益者的要害, 引發諸位的反撲, 但長遠而言, 正常地產市道的運作, 樓價回到合理的水平, 這樣對大家都有好處的。   
30. 晨鳥 2011-11-03 06:16:24

TO:Frankie

本人認為蔡生的意思是,政府應審時度勢,制定政策時要隨時變通,才附合整體香港人的利益.

你擁有三層樓,理應希望樓價升才正確,你我必須搞清楚,物業在香港來說就是一種財富,從來樓價大跌時,香港人都沒有好日子過,就是因為沒有了財富.

至於在[沙士]期間樓價暴跌不但炒家要破產,更加受傷害的其實就是擁有一層樓的小業主,他們就是10萬個努力儲蓄買樓的中產人士,後來都成了負資產階級.

香港的物業其實就等於歐洲的名牌貨一樣,都是不能便宜的,記住:因為這是身家財產,是金錢!

每一個香港人都應該最少擁有一層樓,只要香港人不要自己唱衰自己,那麼光是大陸和外來資金,已足以消化香港所推出來賣的樓宇,他們高價來購買我們的房子,也即是送錢給我們駛!

31. 理性 2011-11-03 06:28:41

客觀來講,樓價高或低各有利和弊,不過本人同意作者論調,對於香港人來說,樓價大跌時香港人的確從來沒有好日子過!

 

32. fire 2011-11-03 07:28:09
要搞清楚,香港的負資產是因為市場上新盤溢價比二手盤高出了幾成。而一般的樓價高傾也是地產代理力谷下而造成的。看近期的新盤便知一二, (地價2000元一呎竟可買20000元一呎,我真替用家擔心,負資產就是這樣來的嗎???
33. 小小小業主 2011-11-03 11:51:19
樓上有位朋友講得冇錯,嘉湖山莊現時樓價只高出05年時(合理樓價)大約百分之45左右,好多3房單位唔使200萬。計實呢幾年港币眨值加通漲己經差唔多呢個數。所以大家有置業需求嘅朋友,可以睇睇!
34. helloworld 2011-11-03 14:34:24
每次金融危機都與過度槓桿化有關,筆者所指的慘痛經歷都是過度借貸的惡果。尤其手持數個單位的投資者最後一舖清袋不是高估自己能力嗎?如果買樓自住,即使是負資產,只要仍能在能力範圍供款,仍是有殼蝸牛。屯積單位就得承擔其中的風險,不應事事要求政府打救。
35. 王先生 2011-11-03 15:21:22

浩氣長存兄----係香港一個樓市循環會有拾多年,通常上升嘅年份比下跌嘅年份多 2-3倍,而升幾倍原來閒過立秋!
而你單單抽 2008 年最低價位比對依家嘅樓價升幅係好唔公道!嗰個低位係有人不問價咁止蝕 / 賺咁「做」出黎,
有恐慌性成份,根本就唔作得準!計我話呢個樓市循環應該由 2003 年沙士價起首計就差唔多! 
          
其實唔係有沙士,香港樓價調整一半應該夠有凸,咁沙士跌多左果 2-3成又應唔應該扣翻轉頭呢?我仲懷疑緊!
同樣道理,金融海瀟果三成跌幅只係長期升浪中嘅調整,如計沙士最低位中原城市指數 37 點, 
比對依家唔夠 100 點,升左 1.7 倍,複式年增長大約一成,咁睇落又唔係好過份。  
          
比對同期百物,例如金屬、原材料、食品同日用品,樓市落後九條街呀,   
樓價唯一贏倒嘅可能只係報紙嘅零售價!      
如果唔係政府怕無產階級暴動,施生話中原指數見 200 點可能發生左啦!   
          
第二---點解希臘政府攪到債臺高築,除左超高福利支出之外,希臘政府唔能夠有效向高收入人仕抽足稅係關鍵!
作為高收入人仕無一招半式逃稅方法旁身,唔能夠叫得做醒目仔,咁點先可以抽足呢班人嘅稅呢?不如参考吓香港。
          
係香港有 300 多萬個勞动人口,6 成勞动人口不用繳交薪俸稅,而 8 成多薪俸稅收由約 6% 的勞动人口承擔!
約 1.1萬人年薪超過 300 萬,實際稅率 14.80 %,稅基狹窄極為過份,如果呢班人玩逃稅,政府稅收少好多!
          
但政府聰明地通過高地價政策,係賣地、改變土地用途、厘印費、土地印花稅、差餉、地稅、物業稅及 
短期買賣物業利得稅當中抽取每年幾百億!有時每年這些稅費收入重多過薪俸稅!  
          
以上「千抽萬稅」全都是冲着「富有階層」而來,其實係變相嘅薪俸稅!   
          
係香港當你月入超過 3 萬大元以上,你就變相要交呢啲「薪俸稅」,越揾得多、越住得豪,咁你就越交得多呢啲稅!
話之你買定租,咁睇落又幾公道喎!       
          
可能你會話香港咁攪法,會做成貧富不均,但另一方面又可解讀為政府幾咁愛護低下階層,唔會去滾攪拒地!
不單止唔使納稅,重有拾幾樣福利,包括醫療、房屋、教育----一應俱全,仲有大把錢剩,幾多國家流緊口水!
          
廢除高地價政策唔係唔得,不過請老師先教吓大家同政府,點做第一次同第二次財富再分佩好嗎?

36. 子龍 2011-11-03 16:26:15
作者蔡生講得很有道理,他是苦口婆心,政府應該汲取負資產的歷史經驗教訓,施行政策時要顧全大局,防範危機於未然.
37. 美麗之外 2011-11-03 19:34:57
大陸客開始撤退,香港樓壓力爆炸,樓價唔跌先至奇!
38. Ss 2011-11-03 19:41:27
唔好意思,大陸客除了買豪宅,最近仲買天水圍粉嶺,好似係收租。如港人再售出自住物業,將來只有交租給內地同胞了!
39. Shimin 2011-11-03 20:45:19

打壓樓市措施正合時宜

政府現在放寬炒樓,結果是:

1。炒家重囘市場

2。樓价短速飆升

3。[黑天鵝事件]導致泡沫爆破

4。因爲樓价過高,引致樓市硬着陸

5。??????

 

只有樓价重囘一般市民能負擔的情況,政府才可以考慮放寬炒樓。


40. 小小小業主 2011-11-03 21:17:29

祇要継鑟容許大陸人來香港生BB,香港樓價好難跌落去。每年3至4萬個大陸B出生,他們父母都很想在香港有個落腳點,方便日後子女上學及工作。只要一半此類人來香港買樓,不計其他因數,香港樓價都好難落去。除非大環境改變啦,各位炒家大可放心。之不過做人都唔好咁自私,自已上咗車就唔理其他人死活,現時樓價實在太高啦,起多啲公屋居屋幫吓啲冇能力嘅人是應該嘅!

41. 向左看 2011-11-04 00:26:04

香港樓價完全可以跌2-3成,原因係去年升得過急,就算跌2-3成仍然冇事,負資產係小部分借9成按揭嘅人所造成,佢地能力唔夠但太貪婪冇得怨人.

香港人本來好好哋,宜家基層市民咁唔開心,就係因為地產霸權及金融霸權,搞到人民生活在不公平公正社會,自然就怨氣沖天!

42. 向左看 2011-11-04 00:33:12
計我話,6號嘅區議會選舉,泛民黨代表咗公義,贏面自然較大,古語有話,得民心就得天下!
43. 小小小業主 2011-11-04 08:56:07
我地買樓要俾稅,交足陀地,政府有責任保證樓價唔會跌,並確保樓價最少按年跟通脹上升,這樣才合理!
44. 平常心 2011-11-04 14:02:16

傷心往事不堪回首,作者形容負資產年代係黑暗年代並非作大,只是好多人未經歷過唔知道而已.

不過這個網站有其他作者和小業主,死撐目前樓價唔跌是好唔中肯,咁樣會錯誤引導小業主,如果聽一些成日得閒上網發表言論嘅炒家意見,就更加危險.

各位小業主要睇清楚目前形勢,或多睇睇報章報導,至能更明白宜家物業真正市況,適當地作一啲部署!

45. Mary 2011-11-04 14:02:41

To : 29. Frankie 2011-11-03 04:53:11

Supporting!

46. 王先生 2011-11-04 16:12:47

現在立法會直選議員無個睇吓我哋中惨階層!  
鬼叫我哋唔爭氣、唔投票!    
或者想香港有全面直選而投泛民右派。   
點知一個黨專出咸濕佬、一個黨就專同政府倒吊荷包!!! 
其實表面上呢兩個黨係右派,但骨子裏左到死!  
      
呢班人呃我哋啲選票咋!!中產再投票俾拒地第時肯定自取其辱!!

47. 王先生 2011-11-04 16:20:54

歐豬點解依家經濟一塌糊塗?咪就係拒地嘅政府要選票先上倒臺。  
        
正常人都想少做事、人工高、福利好、假期多、早退休、房租抵、醫療平-------- 
政客咪滿足曬拒地嘅要求囉!第二個政黨想執政?就提出一個更加好、更加正嘅政綱!?
        
起先無問題架,阿爺剩落唔少;到阿爸嗰代洗乾洗淨,就去賣家當、再去借---------
到依家呢一代,國債天文數字,又洗大左,返唔倒轉頭!最終局住賴債係唯一選擇!!!!
        
民主當然好,但自私係人類天性,解決唔倒呢樣嘢,香港攪民主等如自掘墳墓!!

48. 向泛民说不 2011-11-04 17:17:58
利世民 的近日佳作【金融一條針】廢青不敢面對的十二件事(2011年11月3日)

一,資本主義是剝削。納稅人給廢青供書教學就是公民義務。

二,廢青手上有個學位,就有權有一份工作。不過,到了真正要工作的時候,廢青又說工作是給資本家剝削,所以到最後,廢青不工作了。沒有工作,廢青便名正言順地去抗爭資本主義。

三,空著肚皮又怎樣抗爭呢?絕大多數廢青,未解放工人階級之前,就已經學會了剝削自己的父母。可是當廢青的父母希望他們腳踏實地生性做人,他們就會覺得父母被資本主義麻醉了,無可救藥。

四,你要是對廢青說:「老豆老母養到你地牛高馬大,你地竟然咁樣話佢地,小心雷劈啊!」廢青便會用上保守派的一套反駁:「嘿!父母養育子女,天經地義。」

五,我親耳聽過廢青中的廢青如是說:「又唔係我叫佢地生我出來!咁唔鍾意咪唔好生我出來!」

六,廢青養活不了自己,又沒有能力供養父母,更買唔起樓,不過他們卻相信,自己可以喚醒世人,打倒資本主義。

七,究竟打倒資本主義之後又怎樣呢?廢青相信,打倒資本主義就是最終目的。後果是甚麼,他們不知道,也沒有興趣知道。

八,世界上明明有個地方叫做北韓,人人都說是共產主義的天堂。廢青自己不動身移民去那裡,反而整天想著要將我們這些資本主義自由派送去勞改。

九,廢青們聚在一起的時候,自稱是人民大多數。可是當中產沉默大多數不認同他們,他們就叫其他人做人民公敵,階級敵人。

十,廢青要上位,人家理所當然要讓路。可是當他們去佔據乜乜物物的時候,人家說他們一句阻街,廢青就會激動到要追殺人家的祖宗十八代。

十一,廢青的身體和語言暴力,是執行公義。但當其他人做同樣性質的事,就說是霸權和暴政,所以廢青就是廢青!!!

十二,廢青就是廢青,他們會自行對號入座,對我口諸筆伐。十年之後,再看這篇文章,廢青心中的怒火或許已經平息,不過繼續抱怨,社會欠了他們。 11月3日 16:28
49. 好笑 2011-11-04 18:39:55
樓上全部係廢話連篇,說話毫無理據,冇年青人會同意咁講!
50. support no.44 2011-11-04 20:48:07
REALLY NOT LIKE Mr.Tong Man Leung

不過這個網站有其他作者和小業主,死撐目前樓價唔跌是好唔中肯,咁樣會錯誤引導小業主,如果聽一些成日得閒上網發表言論嘅炒家意見,就更加危險.

really very good

I think 浩氣長存 is the most reasonable one

51. 向飯民說不 2011-11-04 20:52:28
49 楼简直就是典型的废青。哈哈。
52. ???? 2011-11-04 20:59:16

同意49 "好笑" !   我都相信只有廢青同意咁講 !!好好笑!!!

53. 回49 2011-11-04 21:32:29
利世民講嘅絶對係現況,大多數人認同,只係你一句廢話冇跟據但又冇得反駁!
54. ?? 2011-11-04 22:36:20
who is 利世民?
55. 123 2011-11-04 23:20:02
同意負資產往事 不堪回首
56. 123 2011-11-04 23:23:45
同意負資產前車可鑑 房策宜變通
57. 浩氣長存「橫眉冷對炒家指,俯首甘為良心言」 2011-11-05 00:07:15

面對一眾好友、炒家的批評與攻擊,想借用魯迅先生《自嘲》詩入面的兩句名言,
略作改動,聊表寸心,並重申我的立場。

雖然道不同,但我首先想對上善若水兄的胸懷大度致敬,雖然近日我多番狙擊閣下,你仍不失風度,耐心解答,不失和氣,在網上平台客觀發言,這種網友是難得的;

其次,想回應近日一位網友質問在下為何覺得現在屯門區一層主宅樓宇170萬是不合理的;其實單看170萬這個數字是不公平的,我著眼的是它近兩年的升幅。如果樓價是由100萬每年攀升10-20%,經4年時間才升至170萬,我想我的反應不會如此大的,我會認為這升幅是合理的,但近兩年的升幅竟達60-70%,說什麼港元貶值、惡性通脹也沒理由吧?我相信我這番的言論,會否得到一眾炒家的支持呢?那麼業主們守衛這升幅有什不對呢?答案是沒有的,只是,「來也匆匆去也匆匆」,我只是奉勸業主們要承受若干高追風險,要妥善處理自身財務狀況罷了。當然,也要承受樓價隨時下滑的風險喇!

再者,由於這浪急促的升幅驟然而來,因此而衍生的問題有很多,最簡單的,莫過於影響了一眾有實際需要,希望靠自己雙手努力賺錢買樓,組織小家庭的人。接著,我們應該反思,究竟何以這兩年樓價升幅會巨大得令人汗顏?於是有人提出,是政府過往的政策錯誤所致,又或是熱錢流入、利息低企、通脹、貶值等等......如果因為這樣而令樓價不合理地上升,那麼「繫鈴人」是否應該適時出來「解鈴」呢?這是撥亂反正,而非要一再把問題陷入泥沼!當然,你們如若認為樓市根本沒有「不合理地上升」,那我的立論當然也站不住腳了!

最後,我想再重申,可能大家覺得我跟「向左看」、「無殼蝸牛」等人是同一夥, 但其實我是 不 從 屬 任 何 財 團 、不 依 附 任 何 政 黨 、不 聽 命 於 任 何 外 來 勢 力 、 不 受 民 粹 左 右 的獨立發言人士。

我從來從來沒有希望政府要出手打壓樓市,也不支持福利主義令到懶人當道,中產當災!(大家記唔記得,我都係中產,我都要交稅!)

我發言,只是基於個人見解,希望大家可以從宏觀、客觀的角度分析樓市,炒家或業主的心態都應該健康,買樓自住只要供得起就不應只希望樓市上升。

不過,我有樣立場真是沒有改變,就是現時樓價確是太貴,並非一般人能負擔的;而由於樓價已累積巨大升浪,所以健康調整10-15%  ,當是漣漪般點綴於茫茫樓市大海,豈不快哉?

to仲達: 我並非如你所說的那種人,我一片丹心,皇天可鑑,后土可證,可昭日月;不過就是你不信也沒辦法,反正我只是想平衡各方面的聲音。

正是:

浩氣發言抱不平,語出真誠如蟬鳴;豈料良心當狗肺,一眾炒家露原形!

58. 更正 2011-11-05 00:08:33
應為「胸懷大度」

送多句「虛懷若谷」比你呀, 上善先生
59. 向泛民说不 2011-11-05 00:08:56

利世民 是魔鬼报财经版的专栏作者。

魔鬼报的政治版反大陆,也同时是社会主义的支持者。

但是财经版,确实自由资本主义。

60. 向泛民说不 2011-11-05 00:18:00

浩氣長存:

健康調整10-15%--无问题,任何投资都会有的风险。

但是现在的问题,政府是不是要去踩一脚,令楼价下跌呢?球证是不是也要下场去踢呢?这又是不是很不道德呢?

61. 問浩氣長存 2011-11-05 00:18:35
回應57,咁兩年後仍然係170萬你就接受呢?因為過去兩年急升完可能橫行或下調,呢個就係巿場!
62. Admin 2011-11-05 01:12:00

to No. 58,

已更正為「胸懷大度」

63. Hardworker 2011-11-05 01:27:39

57 浩氣長存這一貼的論調, 其實跟這裡成日被標籤為"自私業主"之網友只是大同小異嘛! 所以, 真理是越辯越明! 大家對整個大環境的認受度都差不多, 只是著眼點的切入角度略有差異. 沒關係, 大家不打不相識.

可就一些陰謀份子, 總說這裡很多業主擁護樓價准升不准跌! 真是欲加之罪何患無詞!!

64. 非常憤怒的人 2011-11-05 01:32:03

TO: 浩氣長存

其實你真的不客觀,任何商品的市場價格都是由供求决定,無話合不合理,你話兩年樓價升60-70%是不合理,所以健康調整10-15%合理。但廢青可能話兩年樓價升10%都不合理,但一年跌50%都是合理。

 

雖然我都認同現在樓價是貴,但如果你是地產老行專,我覺得你講得非常對,這才是平行聲音。但作為一個老師,你無需要再作出平行聲音,因巳有很多网友抨擊小業主,作為一個老師,你這樣做反而還鼓勵年青人變在姓〝賴〞。賴樓價貴,買不起,而無反醒自己,老師應教導年青人要奮鬥,儲蓄,量入為出,去等時機買樓。

 

其實湯博士都有文章寫不關樓市(即唱好樓市) ,如〝我打敗了威靈頓將軍 (記港大徐立之校長不續約) 〞眾网友都有發表意見及討論投票,都是公民教育,反而作為老師的你沒有發言,反而花時間討論樓價?所以令我好有懷疑!!!!!

 

65. Hardworker 2011-11-05 01:34:28

許多香港人都容易疏忽 :

"俾你"    不是    "比你"

可稱 "年輕人" "青年人"     不是 "年青人"

66. 先達 2011-11-05 02:48:24

TO:浩氣兄

你是有識之士,言論甚有道理,不過你說過去兩年多樓價升了60-70%,這是事實,但是你忘記了三年前金融海嘯時,短短9個月樓價跌了30-40%,加上近三個月樓價跌回約10%,實質近年來樓價升幅並不是那麼高.

仲有,你可唔可以話俾大家知,香港樓價大跌時,港人幾時有好日子過?請正義嘅你舉一舉例?

 

67. 向左看 2011-11-05 03:27:21

支持樓上"浩氣長存"兄:

地產網站終於見到正義的聲音,浩氣兄,我見到你頭頂出現了光環!

你將會受到眾多炒家和投資者嘅追擊,正如我一樣,甚至比我更甚.

請你勇敢地站起來,不要害怕,你的背後有很多支持者,我們深信,真理最後必勝!

68. 浩氣回應非常憤怒的人 2011-11-05 08:49:16

多謝你關心

也感激你緊張我們年輕一代的發展

其實每人都有不同的興趣
可能有人鍾意打機,有人鍾意行山

我本身生活圈子較狹, 下班回家喜歡上下網,吹下水

高登太庸俗市井,止增笑已!
所以在這個網頁討論一下樓價時事反而可獲得一絲娛樂

 

放心吧, 我上課會教導學生正確的態度和人生觀

之前的帖子 我也曾說,我會鼓勵他們努力向上

而不是入u 後第一時間申請公屋!

 

我只會在閒時上網講下樓價, 其實都是情緒一種宣洩o
至於我不評論除立之校長續約一事, 一來我不是畢業於港大,對此
沒多大感觸, 也沒有足夠材料讓我撰文

二來我也不代表教育界

但以一名普通老師去對港大校長評頭品足,恐怕不是太好吧?

其實當初我發聲只是覺得樓市太貴罷了,如論證不當
或以為我有什麼不當的勾結或陰謀,則請多多包涵!

至於你相不相信,反正我相信了……

我只是用空閒時間去網上吹吹水, 當係娛樂, 比起廢青係屋企拿綜援打online game, hea時間, 叫做係充實得多吧?

69. 王先生 2011-11-05 09:08:02

浩氣長存兄---你話屯門樓 2 年內由 100 萬上到 170 萬唔合理!咁我又想問吓:-   
          
1)  170 萬高得濟,咁 100 萬係咪合理價呢?      
2)  如果 100 萬係合理價,點解係度嘈嘅人唔係兩年前買?     
3)  就算買唔倒 100 萬呢件筍嘢,俾多幾皮買唔買倒件差唔多嘅貨先?    
4)  兩年前仲可以俾多幾皮買按揭保險,就可以借足 95 % ,揸住十萬八萬上倒車有突,你知唔知?  
5)  當時銀行水浸,求其有固定收入証明,就可享用大客先有嘅同業拆息供樓,實際供樓利息係 0.9 厘樓下!
6)  當借銀行 100 萬上呢件屯門貨,做 25 年分期,利息俾夠 1 厘計,每月供 4 千唔使,而且 7 成供款係還緊本!  
7)  就算做看更、信差、洗廁所、清道夫---如果 2 公婆唔大使,供倒樓有餘!有埋最低工資,每年儲幾皮重得呀!
          
回翻第一點,一百萬你唔買,依家百七萬買唔倒係邊嗰錯?又係政府??

70. 亞Q 2011-11-05 10:16:17
豪宅是另類市場,中下價樓是大眾市場,小業主的一層樓買時是170 萬,年年跌價,六七年後只值100 萬,本地經濟轉好之後,兩三年內收復失地,正如打蔴將輸足八圈,食番幾餔餬打個平手,你認為人家低章,應該由頭輸到落至啱,佢番到本真係無天理!
71. 亞Q 2011-11-05 10:22:30
以賭徒眼光看人,必定覺得別人是賭徒!
72. Shimin 2011-11-05 10:24:33

To: 王先生

閣下提出一個很好的問題:回翻第一點,一百萬你唔買,依家百七萬買唔倒係邊嗰錯?又係政府??

答案是對的,因爲政府房策錯誤,導致供求失衡,樓价暴升,本來在努力工作儲首期的人,怎麽也追不上樓价的升幅,民怨怎麽會不來?

政府現在亡羊補牢,在樓价沒有囘到一般市民能負擔情況下,繼續打擊炒樓,是沒辦法中的辦法。

73. 非常憤怒的人 2011-11-05 10:38:00

To 浩氣長存

明白了。

 

To    : 向左看

不知你是不是青年人,請千萬不要說〝地產網站終於見到正義的聲音,浩氣兄,我見到你頭頂出現了光環! 〞好驚!這樣只會令浩氣長存比人追擊 ,浩氣長存只是像他說〝我只會在閒時上網講下樓價, 其實都是情緒一種宣洩〞和大家一樣只是發表自己的意見。

 

這個世界沒有所謂正義,只是每個人都有自己的立場,無絕對對與錯,而每個人在不同時候都可以改變立場的。

正如國共以前行馬克斯主義,看現在行有特式社會主義(即有資本主義成份)

如現在希臘,最民主的國家都反對他們公投。

如公民黨最初為中產發聲,現在為基層同為自己利益。

 

所以請各位不要再正義上身了,小業主只是為自己爭取權益,並無錯。

 

74. 路人 2011-11-05 10:44:42
王先生你好:首先聲明本人擁有两個物業。想問一問閣下,第1,甚麽時候買首個物業?第2,為甚麽要買物業呢?···剛結婚?第3,甚麽類型物業?·····居屋?私樓?···。第4,首期如何得來?···阿爺剩落?自已儲?
75. new new 2011-11-05 11:40:33
看罷一些樓上的回應,令我預感將來的怪誕現象。一名市民進餐時不滿水準說政府有責;另一市民不滿個老婆醜樣說政府應賠償。點解?因為是「民生」問題喎!

儲到錢喜歡投資甚麼或不置業是個人負責制,你要責問政府為何讓樓價升,有人也可責問你為何不早置業。冇樓大晒呀?03年的樓價比08年更便宜,不妨說屯門樓30萬更合理!
76. 王先生 2011-11-05 11:48:24

路人---我第一個物業在 91 年同細路夾份買翻黎,首期係我哋兩個人炒股票同做嘢儲翻來,無動用過家人一分一亳! 
這個係商住物業,買嗰陣連租約,其實收埋啲租都唔夠還按揭,仲要交埋管理費、差餉、物業稅---每月成 2- 3 千銀!
           
過左幾年將呢個物業賣左,兩兄弟每人執翻陸拾幾萬,咁我們就分別買左兩個單位,都係私人單幢樓,然後搬出來自住。
           
在 95 年中我結左婚,因為層樓只係一房,所以就係 97 年中同老婆換左個西半山 2 房單位,層樓揸到依家都係得一層!
           
最主要買物業嘅原因係我有手有腳又讀過書,點解唔自己攪掂應該係自己做嘅嘢!!!   

77. 王先生 2011-11-05 12:13:34

To:72 樓Shimin----         
上個月中去一間私家醫院,去睇我初出生嘅侄女,嗰間產科病房有六張床,只得我弟婦係香港人!! 
弟婦與同房吹水,原來拒地全部家人及老公都來自大陸,絕大部份都用左成拾萬銀走黎香港生細路! 
          
不過有樣嘢請政府有關部門要留意!嗰 5 嗰大陸產婦都將會在 2-5 年後,就會來香港報幼稚園及小學! 
          
仲有樣嘢係拒地老公同屋企人都順便去睇樓,預早視察香港房地產,如果有合眼綠嘅單位,不排除買翻間!
以便第時有個落脚點,這班人合幾家人之力,為呢嗰港人 BB 謀幸福,係香港買層中小型單位肯定無難度!
          
如果政府高層仲等運到嘅話,咁就算 1/ 4非港人所生子女來香港讀書,都足以反轉香港嘅學校同樓市!!!
          
你估政府繼續「打壓香港買家」,最終邊個係香港買唔倒樓????    
          
其實香港政府要做嘅嘢,係每年撥出一定數量嘅限尺地,指定土地用途,只限永久性港人沾手! 
作為自住用途,幾多人結婚、幾多人組織小家庭、幾多嬰兒出生---全都有跡可循,建屋預算?中學畢業生都做倒!
再係度講多次,政府唔好再用居屋做派糖工具,而係撥一啲地俾香港永久居民、首置、自住、400 呎樓下----去買!
邊個儲倒首期,而又供得起嘅買先,儲未夠錢嘅--咁同志還需努力,政府保証土地會源源不絕,直到大家飽為止。
          
這些樓不存在補貼,不可作出租用途,轉手只限於上述人仕-----這方案由施永青提出,政府不能因人廢言!

78. 亞Q 2011-11-05 12:47:07

問題係香港永久居民的定義充滿不確定性!

79. 路人 2011-11-05 13:06:07
多謝王先生回答!本人讀書少,所以表逹能力方面比較弱,請見諒! 首先相信閣下雖不出身大富大貴,但至少兩餐無憂。閣下之努力是值得大家學習嘅。講到樓方面,91年屯門樓價約1200呎,即是一個500呎單位約60萬,當時一般人工資約6、7千(我當時工資1萬) 。現時屯門樓價約3200蚊,即500呎單位約170萬。現時一般人工資約12000至15000。所以說 明你當時置業是比現在容易。另外我想話比你知,幸褔絶不是必然,現時好多人揾朝唔到晚,明天有冇工開都成問題。自已上咗岸,就不知人死活。 政府幫吓人,起多D公屋、居屋係應該嘅!
80. 中產A 2011-11-05 14:23:26
樓上"浩氣長存"兄的見解也很有理據,的確為網路帶來不一樣的聲音,雖然本人不完全同意他的看法,但仍然樂意見到他繼續發表言論!
81. Shimin 2011-11-05 15:33:19

To:王先生 

想回應以下你說的你估政府繼續「打壓香港買家」,最終邊個係香港買唔倒樓????

 正正是這個原因,政府要把房屋供應的主動權拿囘,方法就是復建居屋。

 話雖如此,本人是反對過度的社會福利,政府應鼓勵年輕人努力工作,爭取自己想要的生活。政府的地價貸款搆思是可行的,居屋業主還沒有還清貸款前,他是沒有完整的業權,如要賣樓,他先要還清貸款和利息,政府只是提供首期的方便。問題是利息怎麽定才公平。另外,政府可以考慮讓業主提前分期償還貸款,以減低利息支出和提前還清貸款。

 看施永青的建議的時候,先要看他有沒有利益衝突。他當然反對復建居屋,因爲居屋是不用經過地產代理去銷售,這樣會影響中原的收入。他的建議最大的問題是把建房主動權交給地產商,這樣不能解決供應的問題。

82. 粥王 2011-11-05 19:13:50
支持蔡志忠
83. 煉油廠 2011-11-05 19:16:06
讓買家和業主們可以正常地買樓和換樓,這樣的話,香港樓市才可以平穩健康地發展。 好句
84. 浩氣長存:想帶出一個疑問, 給手持多於一個物業的持有者思考 2011-11-05 23:15:26
首先想感謝眾多支持本人發言的網友,我會繼續為大家帶來不同的意見
然後請大家看看以下報導

市場及社會動盪已經不是以過去的樓價跌及市場崩潰去演繹,未來極可能出現的是樓價在微調後仍盤據於高位,於是成交呆滯,我認為類似量化貨幣寬鬆政策極有可能會帶來環球的滯脹(Stagflation),因為貨幣被量化及在通脹下令市場不可以有效地用價格下跌去調整,而是用成交減少去回應,樓市到了今天我認為因為負面消息太多,樓價雖然短期難免微調5-15%,(筆者在前文曾表示若全港住宅每月成交量應只在3000-5000宗左右,如果樓價下跌一成,則會在3000-8000宗左右,若樓價下跌兩成,成交量會在5000-10000宗左右!)但是,我認為樓價在下跌未到20%以前就會得到鞏固甚至反彈,到樓市得到鞏固價位之後,就會真真正正成為一個悠長的低迷時期,這段時間已經不可能要求樓價再下跌,但卻要承受不同的負面因素,正是真正的經濟上的冰河時期,價格橫行成交量減少,即經濟學的「滯脹」了!」

(資料來源:
http://www.manyw.com/article/misc/article_content.php?sectionid=27&ref_id=12993&page=1&showDate=)

大家可以話我斷章取義
不過如果我沒有記錯的話,這裏有物業投資者曾說過
若然樓價下跌,除了造成負資產重臨外,還會帶來很多連鎖式的問題,如山洪暴發般衝擊香港經濟
首當其衝的會是地產界、銀行界、法律界等等

根據上文作者所言,近日樓市成交開始萎縮,為免引起眾多「炒家」對我群起圍攻,我不敢斷言說樓市已呈敗象

只不過,以上報導曾言「(樓市到了今天我認為因為負面消息太多,樓價雖然短期難免微調5-15%,(筆者在前文曾表示若全港住宅每月成交量應只在3000-5000宗左右,如果樓價下跌一成,則會在3000-8000宗左右,若樓價下跌兩成,成交量會在5000-10000宗左右!)」

這裏的一眾炒家,我並非有意挑起爭端罵戰,只是看完這條報導後,希望你們反思:
你們的著眼點如非只是單單樓價下跌,而是整個外圍的香港經濟,那麼面對高樓價和普遍市民不願在高追而形成的樓市成交大幅下滑,你們如是多於一層物業的投資者,你們會願意:

1)坦承現時樓價太貴,已幾近或已經見頂了嗎?(不論是橫行或是調頭轉向也好)
2)面對一眾精明不願再高追的準買家,為了刺激樓市買賣,救活香港經濟,你們會割價求售,犧牲小我,為一眾地產經紀的三餐添一口粥水嗎?
(因為如果樓價下跌一成,則會在3000-8000宗左右,若樓價下跌兩成,成交量會在5000-10000宗左右)

85. alvin70s 2011-11-06 03:14:14

紅番排隊去厠所!

86. 向左看 2011-11-06 03:57:47

對於一眾小業主認為要維護自己嘅利益,其實係無可厚非,若果佢哋手上只擁有一層樓,本人對佢哋沒有任何異議,因為本人亦會係可見嘅將來置業.

假如只有一層樓自住嘅話,升與跌影響唔係好大,何須咁緊張?呢度分明有部分網友身份本來就係炒家和投資者,因為宜家冇樓炒就得閒上網發表言論,更扮成弱小嘅小業主.

佢哋惟恐樓價大跌扮弱者搏同情,遇到唔同意見就群起圍攻之,行為太過明顯,各位醒目嘅網民一睇就知啦!

87. Hardworker 2011-11-06 10:03:51

金融風暴至沙士那幾年, 我家變成零資產. 手上有兩個單位呢! 但是都剛好資債相抵. 老是想不通: 怎麼之前辛苦了十多年, 省吃儉用, 不買金融產品又不賭錢, 全副身家就化為烏有了呢?...每月銀行供款日, 看著辛苦錢丟入鹹水海, 心中說不出的悽愴!

一個單位自住, 一個單位是租給一家韓國人, 租客在港開貿易公司. 生意蝕本, 周轉困難, 常常拖欠租金.我每個月都要打5至10個電話求他交租.  又怪我不體諒他的難處! (我的難處比較大好嗎?! 他拖交租, 我不能拖交供款哪!!)

幾年內, 出去吃飯飲茶的次數屈指可數,親戚還批評我衣著不夠體面.....誰說不是炒家不須在意負不負資產?? 當你帳面資產是零, 就算有入息, 但所有情況都充滿不確定性, 你敢隨便用錢嗎?

針刺不到肉不知道痛. 沒試過負資產滋味的人, 請不要說風涼話.

88. Hardworker 2011-11-06 10:23:59

有人認為, 手上有樓收租者, 是賺取不義之財的自私業主! 應被打壓!!

如此同理可證 : 籌到本錢開店賣民生必需品的 ( 如麵包店,餐廳食肆,鞋舖,士多,藥房,服飾店..........) 舉凡自己夠吃夠用之外還可拿出來用以謀利的,都是奸人!!!

89. 極勤力人 2011-11-06 11:17:02
根本負資產係自己技不如人,聽信地產經紀誤導,人買你又買。好似現在市況,擺到明買住宅樓未來幾年負資產的風險係好大,反而買商廈商舖未來幾年升幅將以倍計,風險極低,聰明的投資者絕大部份已棄住宅而將資金投放在商廈商舖,唔信問下老湯。所以負資產係自己問題,要靠好勤力的分析,唔係好似隻牛個種勤力,冇得怨。
90. 小業主 2011-11-06 11:29:05
其實負資產係冇問題的,就算樓價下跌50%,供樓30年的資金點都少過交30年租,有錢現價唔怕買。將來賣出時將會取回30年的供款之餘,樓價還要最少升幾倍,即係免費住30年後,仲有大把錢賺,所以現在就算負資產都唔駛怕,最終都係賺硬!交租交30年就真係等死,一世冇運行!
91. Hardworker 2011-11-06 12:22:38

同意89所說, 負資產是技不如人, 自己無得怨!

在下只是回想當年的苦處, 告訴那些一旁說風涼話的人, 負資產不只是帳面數字,它影響很大.

又89同理可證 : 03年,09年樓市低位不上車而去年起買不到樓的人, 亦是自己技不如人,無得怨??

92. 2011年開始 2011-11-06 13:05:29
商廈及商鋪供款利率較高,供款年期較短,商廈的管理費4至5元尺(以尖東商廈爲例),因有中央冷氣,經濟轉差時要大幅減價才可租出,作為小投資者不可不知。
93. 大吉 2011-11-06 18:04:55

樓價一定要落, 負資產一定要有, 炒家就可由頭再來, 唔駛淨係比大陸大款買晒我地的香港樓. 一手樓回落至均價5000, 二手樓3000至4000, 香港買香港樓, 我地終於有機會住新樓, 歡迎負資產重回.洗牌再來

94. 大時代 2011-11-06 18:31:31

香港係充滿好玩嘅地方,樓價有升有跌至係合理現象,好似樓上朋友咁講,大跌亦可重新洗牌,唔會似宜家港人買唔起樓,新樓俾大陸人龔斷,香港人有權利做新樓及豪宅嘅業主!

 

95. 大款 2011-11-06 20:12:41
樓上兩個港燦發緊春秋大夢!
96. 大吉 2011-11-07 00:08:14

樓上#95, 這不是春秋大夢, 而是物極必反. 正所為動極必降. 話需銀行按揭依然低,但樓價對比前兩年已經升了50-100%, 首期及貸款總額,亦升了不少,一般香港人怎樣負擔, 無成交又怎樣支持樓價持續升? 唯一支持者便是大款. 但大款愛新樓,新樓超高價, 佢地遲早都死.

 

 

97. 王先生 2011-11-07 12:02:35

公文袋陳小姐-----好多山頂選民俾政府大整古,揸車去左堅尼地道嗰票站想送你一程,點知嗰個票站係選中環議員嘅!
           
拒哋唯有放低架車係街,走上走落摸黑拾幾分鐘去香港公園另一票站,攪到身水身汗,都係為左話俾你哋公文袋聽!!
           
你哋公文袋玩夠未??再咁玩落去,下次立法會選舉你哋只會輸得更慘,到時你唔係流幾行眼淚,係成盤呀!!!!!

98. 卡門 2011-11-07 15:28:27
取消ssd!!!!!!!!!!!!!!!
99. Donald 2011-11-07 22:14:45
SSD will not affect property prices, it only affects property agents and speculators. In fact, with SSD, property prices become more stable. We should support SSD as a permanent policy.
100. 大時代 2011-11-07 22:48:28

政府又再推限呎樓地皮,細價樓肯定冇運行,二手成交量繼續淡靜落去,小業主唔減價促銷都唔得啦.

目前咁環境係差啲,不過都唔擔心負資產會來臨,原因係樓價即使跌3成,只借五成樓價嘅業主都唔會負資產,各位小業主唔駛咁驚青!

101. 中產A 2011-11-08 02:19:18

恭喜建制派贏了漂亮的一仗,也說明了選民的眼光是雪亮的,不過請別自滿,真正的挑戰是明年的立法會選舉.

泛民派必定會痛定思痛,務求在明年立法會捲土重來,一眾建制派朋友們,你們有沒有像山頂區自由黨陳浩濂那樣的勇氣,把像明星一樣具有強大號召力的對手擊倒?

102. 又見大時代 2011-11-08 02:26:10
大時代咪話甚麼社會不公義,貧富縣殊,泛民必然大勝,以為佢選舉後,泛民潰,佢會自動消失,依家又出來獻世.
103. 小業主 2011-11-08 09:53:00
咪被負資產嚇怕,負資產係冇問題的,就算樓價下跌50%,供樓30年的資金點都少過交30年租,有錢現價唔怕買。將來賣出時肯定會取回30年的供款之餘,樓價還要最少升幾倍,即係免費住30年後,仲有大把錢賺,所以現在就算負資產都唔駛怕,最終都係賺硬!交租交30年就真係等死,一世冇運行!
104. Not Owner 2011-11-08 10:48:30

 Fully agree 小業主 opinion ,If the price of HK real estate drop down 40% ,many many people will lose the job , include :大時代 &大吉.

105. 大時代 2011-11-08 13:52:18
小業主唔好沾沾自喜,建制派贏咗選舉又如何?能讓樓價回升嗎?答案係[不可能]!
106. 2011年開始 2011-11-08 14:04:07
To:大時代
樓價已經升左好多,企係度等埋你,不過講明先,只等到2012年第一季
107. 向泛民说不 2011-11-08 14:06:18

建制派贏咗说明了沉默的大多数是反对社会主义同时要选票向最低工资说不,向居屋说不。相信下届特首也会改变策略,不可以在相信那些所谓的民调。

知道吗?废材。

108. 向泛民说不 2011-11-08 14:09:32

If the price of HK real estate drop down 40% ,many many people will lose the job , include :大時代 &大吉.

but 大時代 &大吉.可以继续吃综援,住公屋,同时有综援双粮,公屋面租金。他们更可以冷笑你小业主,“低死”!!! 这就是他们的所谓公平。

一定要赶走泛民垃圾。

 

109. 大時代 2011-11-08 14:32:49
樓上朋友,你點解咁似共產口號,你話我哋領綜緩住公屋,你太武斷了,我哋都係納稅人!
110. Not owner 2011-11-08 22:44:42

To :109. 大時代

But your concept is 共產, you always want to the price of HK real estate drop down over 40 %. 

Every people no property and than you will very HAPPY.

111. 小道 2011-11-09 01:16:51

是非成敗轉頭空,青山依舊在,幾度夕陽紅!

沒關係,留得青山在,那怕沒柴燒. 明年再戰立法會,上演王子復仇記.

112. 明瞭 2011-11-09 01:41:33
計我話,公文袋,分明損害香港人利益,明年立法會選舉時,香港人一定清你哋袋!
113. 支持「額外印花稅」 2011-11-09 10:20:55
美聯研究部指出,以全港100大屋苑計算出的平均呎價計算,去年12月平均呎價5276元,至今雖上升至5758元,升幅達9.1%。將足夠支付5%的額外印花稅之餘,還有錢落袋。如再持有1年,加上樓價升幅,預期2年內可賺取15%以上。 理大建築及房地產學系教授許智文亦指出,額印推出1周年已開始見成效,市場上短期買賣減少,亦減低了樓價短期波幅,買家的情緒波動亦下降。這實為好政策,值得永久推行。
114. 老牛 2011-11-09 15:39:55

回111楼

你真是唯恐天下不乱,王子复仇记是什么结局?是个所有人同归于尽的结局。不过你放心,泛民班搞屎棍只想别人死,不会自己牺牲。只要有脑袋的香港人,自然也不会当他们的炮灰。

115. Kent 2011-11-09 23:03:06

回應"中產A"

你朋友應該感恩出現這負資產日子,令你朋友不致於娶了一個不應娶的女友

中產A君, 你現在沒有物業嗎? 只有你自已知!

語無倫次! 大話精! 你只對政府不再推行一些政策推高樓價不滿!

116. 不明人 2011-11-23 22:33:57
以閣下之意, 即現時樓價非常合理, 政府不應干預, 由得樓價炒上直至自然爆破, 到時那無知高入市的市民有得佢自生自滅地破產。雖知地產問題復雜, 以現時資金泛濫, 各國都防患於未然, 香港亦不例外。不可能寫一篇有自己目的嘅文章去錯誤引道他人。