長沙灣站:地產經紀滋擾港鐵懶理

「近排呢度好多地產經紀，個個見親有人行過都塞啲單張畀人，有啲仲會『隊』到埋人哋塊面度，係咁問人睇唔睇樓，有啲仲攔住你逼你聽佢SELL樓，呢度明明港鐵範圍，對乘客咁滋擾點解都冇人趕？」傅先生指近日長沙灣站內、外均有大批地產經紀聚集，兜售樓盤時對市民造成滋擾。港鐵發言人表示，站內職員一直有留意相關情況，亦已加派職員於車站內巡視及站崗，職員會要求滋擾乘客者離開，而有關人士有機會違反《港鐵附例》。發言人續稱，由於出、入口外的位置不屬港鐵範圍，已向相關部門反映有關情況。

傅先生證實近日情況已有改善，「呢幾日見多咗好多職員企响度，屋邨保安同埋警察都有守喺出口外面，啲經紀都克制咗好多，希望佢哋做生意都顧吓其他人感受。」