范統狂抦「呼吸plan」 驚超市逼死士多

新聞資訊 > 地產新聞 返回
瀏覽人次 : 7222
地產新聞
范統狂抦「呼吸plan」 驚超市逼死士多
(文匯報) 2016年7月12日
百利保執行董事兼首席營運官范統昨日於公佈旗下新盤的最新部署後,突然「爆seed」批評市面上的高成數按揭,指這類發展商借錢予準買家買樓的方法,最終只是令發展商與準買家「兩敗俱傷」:「如果真係個個大地產商咁做,咪即係好似超級市場,逼死啲士多咁,呢個做法係唔啱㗎嘛,一個健全的地產市道唔應該係咁。」

「唔會盲舂舂傻嘅借錢」

范統說,個別人士可能會因為這類高成數按揭令首期支出少而入市買樓,但必須留意這類高成數按揭實際利息支出較高,數年後若未能找到銀行轉按會相當危險。「一定要確保買家有穩健財政,唔係盲舂舂咁入嚟,我亦唔會盲舂舂傻嘅借錢俾你買樓,做每樣嘢都要負責任,唔係只為吸引啲買家。」

「高成數按揭應該有底線」

他認為,高成數按揭亦應該有底線,一個新盤提供約兩成單位給無入息證明但有財力的人士入市尚可理解,但若果全數由發展商借錢,任何人都適用就並不健康,「總知你呼吸到,有氣唞我就借錢俾你,我地行內叫呼吸plan,唔應該係咁樣,你有無見以前咁樣做過?係無㗎。」

而對發展商來說亦是一個損害,他說,假設一個新盤地價連建築費約每呎1萬元成本,發展商大約會向銀行借每呎6,000元,若最後賣每呎1.2萬元,按照上述的呼吸plan,買家只需首期付半成到一成,即發展商只收回最多每呎1,200元,卻必須立即還錢約每呎6,000元給銀行,這尚未計其他已支付成本,如利息、營銷費等,等於每賣一個就出現「負現金流」。

問到大型地產商這類做法會否影響細發展商生存空間?他表示並不擔心:「話之你實力幾雄厚,你可以做一單起兩單止,而家咁多項目,講緊100億以上的大項目,無可能咁樣借錢出去,地產商都要賺錢搵錢,做生意係要有正現金流,唔係負現金流!」 ■記者 顏倫樂