90後嫌樓貴 願降要求

新聞資訊 > 地產新聞 返回
瀏覽人次 : 4296
地產新聞
90後嫌樓貴 願降要求
(東方) 2016年1月16日
今期的主角為90後大學生Coco,她對現時本港樓價「離晒地」都無甚辦法,她指,「即使有業主減價但仲係好貴」,儲多幾年錢都上不到車的話,惟有將貨就價,揀一些質素較次的上車單位。Coco住葵青區,鄰區近港鐵站的上車屋苑荃錦中心,近期整體樓價回落逾一成,入場費低於400萬元,可作考慮。

Coco坦言:「我無緊貼個市!但我知依家個樓價,唔係我淨係做Part time可以儲得夠首期囉!依家樓價根本唔Make sense,比我想像中還要高三至四成,減咗價都好貴。」

Coco又指:「我想買市區樓,但現階段家人一定要幫手畀首期才可以加快入市步伐,如果到幾年後仲儲唔掂首期,無理由好強求去買一啲質素好高嘅單位,我願意降低置業要求。」

既然Coco肯面對現實,照她的揀樓條件,留守葵青區,趁樓價回落,400萬元以下的合理上車盤未必無得揀。以連接多個商場的港鐵站旁屋苑荃錦中心為例,出入便捷,樓價轉向,目前一個交吉盤降價至400萬元以內有交易。

荃錦中心近港鐵站

荃錦中心屬於港鐵站旁物業,規模小,僅得兩座大廈,相當就腳,去各大商場及港鐵站均不需五分鐘步程,戶型較為單一,兩房戶實用面積約350至430方呎,景觀不俗,部分單位可享有遠山景或遠海景,更勝樓景的狹窄景致。

屋苑樓齡偏高,已近三十年,且會所設施欠奉,但居民起居生活仍算方便,因港鐵站附近已成為「天空之城」,即是普遍商場甚至遠至荃新天地或大河道等地,均有行人天橋接駁,睇戲食飯買餸都無問題。

交吉盤四球有找

中原分區營業經理林經略表示,荃錦中心不乏減價盤,故近期成交價回落不少,去年底一個低層兩房戶,以389萬元低價成交。目前市場僅有一個交吉盤放售,單位實用面積375方呎,屬中層戶,業主開價395萬元,已較去年高位低逾一成。