樓市出更:半世紀唐樓標售矚目

新聞資訊 > 地產新聞 返回
瀏覽人次 : 15313
地產新聞
樓市出更:半世紀唐樓標售矚目
(太陽) 2015年10月6日
本港全幢有特色嘅舊樓有價有市。劉Sir發現,原來近年有好多市區舊樓都受到投資者同埋發展商追捧。有代理話,啱啱深水埗南昌街就有一幢富有六十年代建築風格嘅全幢街角弧形唐樓「為群公寓」,以公開招標形式推出,相信物業可以翻新或重建做零售商舖及服務式住宅,市場估值介乎約6,000至7,000萬元。

第一太平戴維斯有老友代理同劉Sir講,南昌街14號全幢唐樓標售,總實用面積約6,648方呎,物業可翻新或重建做服務式住宅,截標日期十一月十一日。

物業於一九五七年落成,市場估值約6,000至7,000萬元,聽講業主見附近一帶有多項重建及收購項目,故趁勢推出放售,而物業已交吉了一段非常長嘅時間。

劉Sir睇番資料,發現原來上述唐樓叫做「為群公寓」,屬於六十年代嘅建築風格,為六層高的街角弧形建築物。

The Camphora租出逾半

另外,據土地及公司註冊處資料,南昌街14號全幢業主為GOLD HORSE RESOURCES LIMITED,於九一年以600萬元購入物業,其董事包括馬琼珠及馬榮昌等。

事實上,近月有唔少富有特色嘅舊樓都翻新為服務式住宅,好似信置(00083)尖沙咀海防道The Camphora服務式住宅項目,亦係由舊樓翻新,目前已經租出咗超過一半單位,租金回報亦非常理想。

另外,屬於三級歷史建築嘅港島區街角弧形唐樓灣仔同德大押,近月業主亦開始清拆重建為商廈。

尖沙咀地舖意向1.7億

此外,第一太平戴維斯方詠清話,中環伊利近街16號全幢住宅物業及伊利近街18號地庫,實用面積共約3,045方呎,以意向價1.1億元放售,每月租金收入共約23萬元。

中原商舖部梁美儀話,尖沙咀厚福街2A號地舖以約1.7億標售,截標日期為十二月二日。另美聯商業李家馴話,銅鑼灣羅素街8號英皇鐘錶珠寶中心低層A、B及C室,以約12.9萬元放租。

劉Sir