網絡短片《月入三萬的香港人》紅爆，不少網民都感同身受，形容是香港殘酷現實寫照。現實中，一位畢業後月入三萬元的建築師，就如短片中主角，曾為買樓結婚而賣車，節衣縮食。究竟香港人為上車可以去到幾盡？建築師又點睇香港樓價走勢？
「艱苦生活係無了期，做咗業主之後，要大汗疊細汗逼巴士、電車、地鐵，三餐喺屋企煮，每個月剩低的錢都只得一、兩千。」一句網絡短片的對白，說中香港男人的心聲。對80後的Louis來說，故事中的男主角更是他的生活寫照，不過，結果卻迥然不同。
建築碩士 兼做搬運
Louis修讀建築學碩士，畢業後初踏入社會已經月入三萬。雖然一畢業已取得不錯的薪酬，惟當時他未有清晰目標，每月最多僅能儲人工的五分一，消費力絕對不能看少。直至三年前，他面對一個現實的問題︰結婚和買樓。
為娶得美人歸，Louis在結婚前決定放棄人生中第一個「老婆」─私家車Mini Cooper S。「當時我一筆過畀錢買車，養咗幾年。但為咗儲錢，寧願犧牲自己的興趣，連車都賣埋，因為揸車每個月都有固定使費，每年又要牌費、保養。如果賣咗佢，每年可以儲多五至六萬蚊，積少成多就可以慳返十幾廿萬。」
男人放棄愛車有多辛苦？Louis笑言︰「唔開心？咁又無，初初有啲唔習慣，但而家都無咩嘢！暫時唔諗住買車，會同太太屋企人share一部車用。」結果，Louis儲了約四年錢，用盡幾十萬積蓄成功娶老婆。婚後租住親戚在將軍澳的兩房單位，月租近一萬元，較市價低兩成。
不過，正如網絡短片中的男主角，婚後不久太太懷孕了。兩夫婦為給小朋友更好的生活，以「應使得使，應慳得慳」為原則，決定開聯名戶口儲首期。除了減少出外應酬外，Louis連出賣勞力的「炒散」工作亦願意做，「例如幫朋友做搬運，更試過搬很重的金屬，做半日都可以搵不少外快。」雖然生活迫人，惟Louis一家仍會每年至少旅行一次。
新盤有保養慳裝修
Louis的太太任職護士，兩夫婦同為專業人士，而且人工隨年月增加，生活質素大有改善，現時兩口子月入近十萬元，月儲三至四萬元。婚後將近四年，他們合共儲得逾百萬元首期，成功於去年九月買入將軍澳天晉三期，樓價六百萬元，實用面積五百呎的單位，並做八成按揭。
天晉三期為新地一個二十八個月的遠期樓花新盤。Louis未睇樓先買樓，直言是因該樓花較同區二手樓成交價低約一成半，且發展商聲譽不錯，故抽中即買。「天晉三期樓花呎價竟然平過二手樓，加上新樓入伙首三年有保養，又可以慳啲裝修費，所以決定買入。」
Louis相信香港樓價不會大跌，故難得抽中新樓便毅然上車。「除咗建築物料貴，連工人的薪酬亦增加，市場又有需求，紮鐵、釘板工人的薪金年年都升10至20%。如果每年樓價循序漸進咁升，住屋需求又穩定，樓價好難大跌。」
對於《月入三萬的香港人》的男主角，Louis並沒有觀看過有關短片。不過，他表示，「做樓奴當然辛苦啦！但如果一直做租奴就更加辛苦。人最緊要有個瓦遮頭，就算唔買樓都要租屋，但租金就愈來愈貴，兩者支出差不多錢，而租金就好似白白使咗去，到頭來咩都無，兼且是無止境的。」
App下載
