籲買樓「使乜驚」 再跌政府會「減辣」
香港文匯報訊（記者 顏倫樂、實習記者 李婉芬）人稱四叔的恒基地產（0012）主席李兆基在3月時曾發表「樓價兩年跌三成」的言論。昨日他再指出，樓市由去年高峰期至今已下跌兩成，明年底前應會再跌一成， 甚至可能跌少於一成，認為市民如果自住，現時是買樓時機。又指現時地價跌得太快，對政府庫房收入有影響，樓價再跌的話政府或會「減辣」。
四叔昨於股東會後再被問到對樓市的預測，他表示，之前已曾預測樓價至明年底會下跌三成，但至今樓價已由去年高峰期跌兩成，預測之後最多再跌一成，甚或跌得少過一成，「之後就唔跌」。
地價有得平 建築費難減
他指出，地價跌幅一向跌得快過樓價，如果樓價跌兩成，地價要跌四成。以將軍澳為例，建築費成本大約5,000元，假若地價5,000元，即樓價要賣1萬元以上。假設樓價跌30%就只可以賣7,000元，但建築費仍要5,000元，變相發展商投地就會減至2,000元。「樓價再跌落去，政府就變咗送地出嚟，一個仙都無得收，所以我話地價唔跌得幾多，最多跌三成就係咁解。」
將軍澳一年前地價大約5,000元，李氏認為今日已跌至3,000元，樓價再跌亦非政府樂見，「再跌多啲，辣招可能又少啲」。那麼現在是否買樓時機？四叔說：「掉轉嚟講就反而穩陣。樓價可能只係跌少少，買樓人士使乜驚啫，趁?家咁多新盤開盤，睇啱的應該要買，無謂話市淡唔買，但如果買嚟炒樓就唔好喇。寧買當頭起，莫買當頭跌。你去炒好蝕底，而且?家啲負擔太貴，貴到離譜，你如果一買一賣，可能損失20至30%，炒嚟做咩？」
推高成數按揭「好過唔賣」
問到最近恒地樓盤提供不同高成數按揭，李氏表示，不同項目有不同處理方法，個別會提供八成至九成半按揭。他說：「有時我哋想賣咗出去先，慢慢收，好過唔賣，唔係個個地盤一樣，有啲地盤賣得好，就無謂咁多首期，可以收多啲都得，有啲地盤入伙，銀碼太大，咪就下每一單的情形，都係多一成少一成的按揭，唔係好大問題。」
App下載
