丝丝讲场：佐敦广场铺跌剩十万蚊

近年由投资者推出拆售嘅商场，入场费闲闲哋至少都要100万元。不过，佐敦道28号佐敦广场就有个3楼单号铺位，只系以仅仅10万蚊卖出，呢个价喺旺区只够买一尺地铺，同埋依个铺喺近廿四年前购入价都要近70万元，呢家足足跌价近九成。

第一代劏场 贬值86%

丝丝睇番资料，依个「笋铺」属於九十年代嘅第一代大型商场拆售，当时呢个铺原业主喺九二年八月以69.7万元买入，照咁样计，个铺近廿四年大幅跌价86%或59.7万元。

睇番呢个叫做佐敦广场嘅拆场，前身系伯爵酒楼，面积近两万方尺，涉及4层楼面，喺九二年分拆成超过160个铺位，当时尺价约1.5万元，而当年买家收铺后先发现铺位实用率低过五成，於是向卖方追讨，之后卖方仲清埋盘，管理公司亦离场。

佐敦广场喺一○年获财团划一13.8万元进行收购，当时有近50个铺位愿意沽售，个别铺位蚀幅达九成，当中仲涉及不少影视界艺人。

余丝韵