铺位投资学问高深，投资额往往多达数千万元或更多。新成立的盛汇商铺基金管理，佢哋嘅行政总裁李根兴寻日中午同刘Sir去咗佐敦道一带，亲自分析如何挑选具投资价值，以及回报稳定嘅铺位，仲教路有咩方法可以令铺位增值。
李根兴同刘Sir讲，通常位於街道中间位置嘅铺位，行人只有三至四秒决定会否进入铺内，但若果铺位位於街头街尾，并邻近等候过马路位置，行人便有更多时间观察店铺，增加进入铺内的机会，仲话「若铺位令行人等一等就会更值钱。」
盛汇全年冀筹10亿
佢又话，通常铺位前方有栏杆保障行人安全，但就会影响人流，冇咁值钱，惟总可以合法拆走栏杆；佢举例若果铺位由车房经营，由於要让车辆进入铺内，就可向路政署申请拆走栏杆，若成功拆走，铺位对出道路人流会增加，价值随之上升，而铺位未来日子亦更适合其他行业经营。
另外，他提醒要注意铺内外图则有没有沙井，若涉及污水渠，於夏季若遇上爆渠情况会散发大量臭味，不利食肆经营，故要留意铺外地下的渠盖，但遇上雨水渠则冇问题；而经营中式食肆的铺位，就要注意有冇煤气提供，同时若铺位外道路有足够空间，就可申请露天食肆牌照，从而增值铺位。
佢仲透露，依家盛汇商铺基金已筹集6,000万元，今年首季目标为3亿元，全年目标为10亿元。
工商铺交投睇升50%
美联工商铺（00459）行政总裁黄汉成同刘Sir讲，去年工商铺买卖注册共录7,515宗，涉及注册金额逾941亿元，分别按年升约12%及16%，其中铺位注册量仅录1,944宗注册，按年跌约25%，创近十五年新低；金额亦按年减少约18%至约261亿元，料今年市道明朗化，工商铺交投量料升五成，但核心区铺市售价料跌最多8%，租金跌最多两成。
另亿京新蒲岗大有街3号商厦项目寻日公布价单同拆售，包括地下7个铺位及楼上6层写字楼逾60个单位，铺位售价4,525万至2.2亿元，尺价2.28万至5.81万元；写字楼售价则由974万至1.247亿元。
刘Sir
App下载
