涉虐打女傭官禁回居所　女地產經紀哭求准返家

有濃厚內地口音的44歲女地產經紀劉新紅，今年7月疑在將軍澳住所內一日兩次虐打所聘請的印尼女傭，包括摑臉、打後腦、打肚，打背及踢腳施虐，印傭哭着逃到樓下向保安求救，最終報警將女經紀拘捕。

女經紀今在觀塘法院否認一項普通襲擊罪，案件押後本月27日開審，主任裁判官練錦鴻雖批准被告保釋，但下令她在保釋期間不得回到原有居所，以免她騷擾兩名已列作控方證人的大廈保安員。

被告得悉不能回家後在庭上哭求練官：「畀我返屋企，我個女得3歲，我唔喺度佢瞓唔到」，惟練官限被告要在5分鐘內交出新居所地址，否則會將其還押。

被告及曾姓丈夫步出法庭後不停呼冤，被告一度拒絕簽擔保紙，更揚言：「坐監咪坐監囉！返唔到屋企同坐監有乜分別？」被告丈夫也在庭外向庭警訴苦：「嗰度係我哋屋企，個工人都走咗啦！佢(被告)依家唔係犯人未定罪㗎嘛，法官話咁就咁呀？」庭警則安撫二人勿小事化大。

事件擾攘了大半小時，最終夫婦二人要求法庭再開庭處理其保釋申請，惟裁判官依然拒絕更改女被告的保釋條件，更指「虐打自己工人係道德上極之有缺失嘅行為」，屬嚴重罪行，一旦罪成很大機會判監，最終維持被告在候審期間不可回家的保釋條件，被告則聲稱會暫住朋友家。