新聞資訊 > 地產新聞 返回
瀏覽人次 : 794
地產新聞
業主市旺惡晒 荃中睇樓要加10萬
(東方) 2019年4月12日
樓價持續上漲,盤源短缺,業主抱「唔憂賣」心態放盤。荃灣中心11座一個中層E室,最快本周日才有樓睇,但屆時要加樓價10萬元。上車客決定「博一博」,在無樓睇下,以零議價465萬元購入單位,呎價約15,147元。

屯門時代鎖匙盤僅3個

美聯鍾家豪稱,上址單位實用面積307方呎,放售僅約十日,現仍有租客居住,遷出後才可參觀,買家見買賣盤少,又可節省樓價,最終仍承接。屋苑目前僅餘約30個單位放售,但可睇樓的不足20個。

個別物業放盤更要付參觀費。市場人士透露,沙田河畔花園一個已租出單位,實用面積242方呎,以約490萬元放售,惟租客向業主收取每次500元的睇樓費,並要集合3至4組客才開放,不過,上址仍有不少買家參觀。

事實上,市場可即時睇樓的鎖匙盤極少,準買家只好諗辦法「睇樓」。祥益袁思賢指,有用家欲購買屯門時代廣場E座,一個實用面積346方呎低層9室,遂參觀屋苑同類型租盤,其後以483萬元承接該無樓睇單位,呎價13,960元,項目僅餘3個鎖匙盤。

海之戀扣辣稅賺160萬

該行稱,天水圍嘉湖山莊亦僅餘10個鎖匙盤,有用家只睇相,以600萬元購樂湖居4座高層三房戶。

另外,新入伙盤未過辣招期亦獲承接,反映樓市熾熱。中原黃一鋒指,荃灣海之戀錄首宗二手買賣,單位為10座低層A室,獲換樓客以1,468萬元買入,呎價18,893元,扣除辣招稅,原業主不足兩年,仍賺逾160萬元。