共享房屋除了來自發展商收購重建的舊樓，亦有良心業主一口氣提供廿個單位紓民困！六十八歲的業主伍淑清以低於市價向社聯出租她現居的深水埗唐六樓六百平方呎單位，成為參與共享房屋計劃的業主。
轟劏房業主壓榨謀暴利
伍婆婆轟劏房業主壓榨基層謀暴利，違規改建的劏房更令她所住的唐樓天花漏水、石屎剝落，「蝕底少少都好閒，捱咗大半世都想做小小嘢幫社會，少啲戾氣多啲和諧！」伍婆婆出租自住單位後，將搬到設施較佳的細單位，笑言「一個人唔使住咁大，（出租）幫到人又幫到自己」。
獨居的伍婆婆因為子女已成家立室，加上腳患難以撐樓梯而浮現單位「大換細」念頭。她稱所住的唐樓樓齡近六十年，逾三分一遭分間成劏房出租，「六百呎間六間，有齊廚廁浴室，但樓下嗰個就遭殃漏晒水，好驚以後咚一聲冧埋！」身兼業主立案法團主席的伍指「奈佢唔何，都唔想做埋劏房」，故租出單位助人助己。
去年以七折出租單位，供善導會改裝為共住單位「甦屋」的業主謝少霞，過往多次將單位透過地產代理招租，「但個個都要我改做劏房，我唔想，最終丟空咗幾年！」她稱該「甦屋」將分租予兩個單親家庭，「（更生人士）人同樓都要活化，好有意義！」
謝少霞指其母去年離世後留下土瓜灣一個六百平方呎舊樓單位，她亦計劃以低於市價租予社聯，「錢多少都唔緊要，不過希望可以畀年輕人住！」謝續指舊唐樓不時需要維修，希望政府提供優惠吸引業主參與計劃。
App下載
