透過新科技 融合大自然

新聞資訊 > 地產新聞 返回
瀏覽人次 : 5532
地產新聞
透過新科技 融合大自然
(文匯報) 2017年7月31日
「城郊合一」的製作概念,主要講述如何將城市與郊野融為一體。短片製作成員之一的郭訟揚表示:「一直以來,人類的進步好多時候就係砍伐郊野樹木去建造城市,但城市同郊野係咪一定二元對立呢?我哋接下來的進步,係咪就係要保留城市的方便,然後重新找回以前的大自然?透過科技,我哋將大自然與城市的方便融合起來,咁未來係咪會更加好呢?」

壓縮基建 大量綠化

短片以筲箕灣耀東邨為例,指該屋邨坐落山邊,土地的來源為香港以往開山劈石得來,但只得一半為住宅等用途,其餘用作基建,好像道路和擋土牆等。由於公園的面積不多,人與大自然就被一道擋土牆阻隔開來。因此他們新市鎮的概念,選址林木青葱的元朗白泥,以科技為基礎,將道路等基建盡量壓縮,並大量綠化,將大自然與住宅的距離拉近。

讀者可能會問,沒有道路如何行車?他們提出於地底以PRT(個人快速運輸)系統的環保自動導航點對點運輸技術取代汽車。「PRT系統外國已經有,好像美國和迪拜。」整個城市與其他地區只靠地鐵及一條道路貫通,新市鎮則全靠PRT系統運輸。建築技術上,他們提議用3D打印建築技術和多角度升降機,創造三維的生活空間。

「香港咁多年的規劃一成不變,同國際比較,會覺得香港起極都係咁。好似英國?家起緊條新橋─花園橋(倫敦)─一條綠色的橋,但唔係行車,係一條休憩(用途)的橋,香港有無一啲類似有創意的概念呢?」郭訟揚笑言:「如果100年前同你講今日的城市,你會覺得好瘋狂,邊可能有地鐵、電梯,一下子將人移嚟移去,會覺得只有茅山師傅先做到。」

郭訟揚續指:「政府係咪真心想有一個新方向出嚟,定係口話新,但持續做一樣的嘢?香港有好多法律會框住咗好多人,令啲人想做一啲嘢但做唔到。法例應該持續不斷去進步。」「城郊合一」由數名90後大學生組成,分別來自園景學系、市場營銷學系和哲學系。今次獲得「最具創意獎」和「最佳製作獎」。