綠表置居先導計劃項目「景泰苑」揀樓接近尾聲，只剩餘九個實用面積不足二百呎的單位可供揀選。房屋委員會昨安排四十一名申請人到樂富房委會客務中心揀樓，最終僅十六人出席，選購了十個單位。有母親為讓兒子圓置業夢，與兒子合資購樓，即使只餘下細單位，日後要「瞓廳」亦在所不惜；但亦有計劃結婚的情侶直言對賣剩蔗「揀唔落手」，又指單身人士日後或會組織家庭，認為綠置居無法解決年輕人住屋問題。
七十歲的鄭女士現時居於彩虹一個單人公屋單位，因單人公屋不能與兒子同住，故計劃「一炮過」與兒子合資購置綠置居。雖然單位較細，但她直言「無大惟有揀細 ，我為個仔o架咋」，即使「瞓廳」亦不介意，「間到一房就我瞓廳囉，留番個房畀佢，今期都超額十八倍，再等都唔知抽唔抽到，今朝有酒今朝醉」。她又指綠置居以六折定價較抵買，兒子負擔亦較輕。
情侶欲作婚房：揀唔落手
黎先生以一百一十萬元購置綠置居五樓低層單位，他表示原本安排前日揀樓，但因未能出席延至昨日，「本來可以揀廿幾樓，但係都無辦法，抽中都算好彩（口架）喇」。他現居於天水圍二百多平方呎的一人公屋單位，成為業主後居住單位將「縮水」近一百呎，但他不介意，「始終都係自己物業，又負擔到」。
而王先生陪同女朋友同場揀樓，原本計劃置業作日後結婚之用，但最終「揀唔落手」，女朋友大感失望，「原本設計用嚟做公屋，根本唔應該搵嚟做綠置居試點，一個人住就得，設單身配額但係要買賣剩蔗，其實單身日後都會組織家庭，解決唔到年輕人住屋問題，不如唔好搞！」
開售至今出現三宗撻訂
「景泰苑」提供八百五十七個單位，至昨日為止共售出八百四十八個單位，開售至今出現三宗撻訂個案。
App下載
