主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 8232
地產新聞
迷你戶裝修有計
(文匯報) 2016年10月28日
香港住屋面積出名細,近年樓價飛升,情況就更變本加厲,最近何文田及北角新盤驚現160呎超迷你單位,令市場嘩然。面對如此狹窄的空間,如何裝修令人頭痛,今期《置業安居》請來知名設計師黃競教路,原來只要捉緊四個裝修要訣,分別是淺色牆身、淺木色材質、開揚對角線、窗簾沙發及裝飾則深色作對比,再選用一些合適的變形傢俬,迷你戶都可以變身潮人家居。 ■記者 顏倫樂

「你點樣可以設計到一個200呎單位,但望落去唔止200呎呢?其實最主要就係顏色、對角線。」黃競認為,一個迷你單位的設計重點,是當所有東西都收納好後,仍有空間可以活動。「難度係邊?就係空間細,所有傢俬肯定買唔到返嚟,要訂製。」

設計要淺色 牆身要用盡

「如果你有睇日本的設計大師,佢哋做小戶型只有幾個簡單概念,第一係要用淺色,第二係用一啲清淡的木色,第三對角線一定要開揚,因為咁樣你間屋睇落會大啲,第四係點樣可以有風格,天地牆一定要淺色,固裝傢俬因為佔牆身太多,都係盡量淺色,所以窗簾、沙發、裝飾就應該有顏色,咁樣間屋就會煥然一新,變咗好有個人特色的屋企。」

他指,迷你戶由於可用空間不多,設計首先一定要用盡所有牆身,由你開門後的牆身,到窗台都要好好利用。「香港好多單位都有大窗台,所以你見唔少傢俬舖都會有窗台系列,就係唔想浪費咗個空間,家居可以因為你每個城市的變化而產生改變。」

除牆身窗台可以利用,善用地台進行收納亦是小單位必備的小技巧,「如果當兩面牆的空間都不足時,我哋都可以用類似榻榻米的方式做一個小地台,而下面全部做收納空間,走上地台的梯級要做到好自然,令地台與成間屋融為一體。」不過地台的設計,前提是單位的樓底要夠高,而地台之上,天花燈不宜做吊燈,否則會令單位感覺變得更矮。

高樓底創造「居住面積」

地台重點在於樓底要高,但要注意不能全間屋都做地台,睡房較適宜,因為當你在床上時,理論上不會站立,樓底變矮亦不會太大影響。「樓底高仲有個好處,有啲小複式會偷左半層嚟用,當然都係好細,但當樓底去到3米幾,人行過大概2米3,上面仲有1米幾可以整到張床,我想講的係,唔可以用單位面積去衡量居住面積。」

變形傢俬是迷你單位的「必須品」,黃競說,其實變形傢俬發展至今已經非常成熟,但要留意變形傢俬較易損耗,最好選擇一些出名堅固的外國品牌,同埋設計師於設計這類傢俬時不能太天馬行空,「你諗完個設計圖後,要搵有信用品牌的工程師夾,確保產品的配套、質素係好。有時做完個設計出嚟好過癮,但諗深一層其實係做唔到。」

其實,當空間越來越細的時候,變形傢俬的重要性就變得更大。黃笑說:「因為我哋要喺咁細的空間之中,去得到更大的空間,好似張床可以變咗張枱咁,以前我哋會叫呢啲做跨界設計,慢慢跨界都變得越來越模糊,因為大家都已經做緊,所謂跨界的設計根本唔需要諗有呢件事的存在,只要諗如何整合資源。」

傢俬要求忌太天馬行空

問到最近加多利軒的設計,他不諱言:「加多利軒個洗手盆設計在廁所門外,絕對有問題。設計有時最重要係講功能,唔代表你有呢樣物品就叫有功能。當大家都覺得個設計有問題,就一定係有啲地方唔得,好的設計一定要以用家為主。」

他說:「我訓練設計師的時候,成日都會問一句:『你做完個設計,接唔接受先?』『你願唔願意俾錢落去?』如果你發覺其實自己都接受唔到,咁代表個設計不可行。」至於怎樣設計才是最好,他坦言加多利軒的「硬件」本身有問題,由當初發展商興建時就應該要知道單位以後會好難設計。

面對越來越細的單位,不少港人都感到無奈,但站在設計師的角度,黃競說:「設計師其實毋須要定義一個最細的可居住面積要幾大,對設計師來說,設計不同的面積都是一個挑戰。我反而覺得開發商點樣喺�翵井蛂A覺得個單位適合到消費人口,呢個先緊要。」