主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 7954
地產新聞
細節位不同 味道即變調
(文匯報) 2016年10月14日
走廊左面為兩個兒子的睡房,大型的鐵架床,原來是在現場燒焊而成:「呢個鐵架床懸空,沒有支撐點,所以是由木工現場做的。由無到有,先做到一個凌空的效果,全部入牆,先受到個重量。」屋內用料一絲不苟,Kodi說:「兩個兒子睡房內的衣櫃門,面頭的物料係汽車前座用嚟擋UV嗰塊碳纖維布,因為佢要做一個Cyber的效果。」

主人房的色調偏暗灰色,睡床面向的天花吊下一個鐵製水管,掛上電視機,做出凌空的效果。睡房亦用上灰鏡,令整體感覺更柔和舒適。Kodi說,工業風的設計說易行難,只要一個細節位不同,味道即時變調:「開頭業主都覺得個牆點解咁紅,但後來加咗啲傢俬就中和到個感覺。」

綜合來說,全屋大量使用吊燈,飯廳、書房、主人房等,在類似鎢絲的燈光照射下,加上鐵架、木料與仿古裝潢的配搭,整個單位滲透出一種舊工業年代特有的懷舊氣息。

多用銅材效果更好

問到工業風還可以加入什麼元素,Kodi說:「工業風可以用多啲銅,一直以來鐵就多人用,銅會少啲,可能因為價錢貴一成。不過銅無咁易氧化,出嚟效果會靚好多。?家你見到的係經過處理的銹鐵,亦可以揀一啲特別的木,例如貨櫃卡板的木、船木、刨花板再加工,通常做商業會較多用呢類物料,提升質感。家居個預算就未必去到咁勁,要睇接受程度。」