主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 6978
地產新聞
細過300呎 住宅好極有限
(文匯報) 2016年9月30日
人人識講住宅單位要間隔四正,惟香港地少人多,最近更有不少的的骰骰的超迷你單位出現。柏師傅說:「細得嚟都要有準則,細極要三百呎先接受到,而家嗰啲百幾呎嗰啲單位,好似車位咁,設計上好多時用鏡,但鏡係利器,帶血光同破壞,不能隨便用。好多摺疊式家居,朝行晚拆,變咗個人住得不安穩。缺乏歸屬感,合群性都減弱,其實都不建議。」

洗手間扯風 空氣非流通

風水中亦相當講究「風」,故此空氣的流通十分重要,許多人會誤以為洗手間的扯風就代表空氣流通,但其實那些是「天井風」污濁並不能用,不利健康。客廳、露台及房間吹入的風才是新鮮的風。

另外,師傅亦建議睇樓時帶10歲以下的小朋友一同前往,但不要跟他說出原委,只當作帶他參觀新屋,因為小朋友第六感強,喜歡新屋與否會直接說出來。亦要注意單位採光度是否足夠,如果進入玄關感覺黑沉沉,風水就不會好。但如果單位光線太猛又並非有利,因為玄學上講究太極平衡,一陽一陰,如果光線太多代表陽太盛,對女主人唔好。