慈父慈母買樓畀子女

常言道香港樓價貴，青年人上車好困難，無父母做靠山 都好難上車。昨日馬鞍山薈朗開售，又見慈父、慈母資助子女置業上車的情境。

現住馬鞍山的Paggy抽中239號，籌斥資1,100萬元買入3伙薈朗單位，包括2伙開放式及1伙1房戶。她稱，此盤價錢合理，首期可以付少一點，計劃將其中一伙畀女兒住，其餘作收租用。她認為，馬鞍山區環境不錯，料未來樓價會平穩。

另一位慈父因超出預算金額未能買入單位畀兒子住。準買家陳先生表示，原本計劃斥資600萬元買入2伙細單位，準備畀兒子住，但因到他揀樓時心水單位已沽清，只餘下大單位，樓價合共要800多萬元，超出預算金額，最終未有揀樓而離去。不過，陳先生稱，自己沒有因揀不到樓而不開心，惟有下次再來。