主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 6209
地產新聞
絲絲講場:佐敦廣場舖跌剩十萬蚊
(東方) 2016年4月28日
近年由投資者推出拆售嘅商場,入場費閒閒哋至少都要100萬元。不過,佐敦道28號佐敦廣場就有個3樓單號舖位,只係以僅僅10萬蚊賣出,呢個價喺旺區只夠買一呎地舖,同埋依個舖喺近廿四年前購入價都要近70萬元,呢家足足跌價近九成。

第一代劏場 貶值86%

絲絲睇番資料,依個「筍舖」屬於九十年代嘅第一代大型商場拆售,當時呢個舖原業主喺九二年八月以69.7萬元買入,照咁樣計,個舖近廿四年大幅跌價86%或59.7萬元。

睇番呢個叫做佐敦廣場嘅拆場,前身係伯爵酒樓,面積近兩萬方呎,涉及4層樓面,喺九二年分拆成超過160個舖位,當時呎價約1.5萬元,而當年買家收舖後先發現舖位實用率低過五成,於是向賣方追討,之後賣方仲清埋盤,管理公司亦離場。

佐敦廣場喺一○年獲財團劃一13.8萬元進行收購,當時有近50個舖位願意沽售,個別舖位蝕幅達九成,當中仲涉及不少影視界藝人。

余絲韻