主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 4261
地產新聞
大學生呻樓貴等跌價
(東方) 2016年4月16日
「我覺得依家喺香港地講買樓,係有啲不切實際,至少要我哋負擔到個樓價先叫合理!」這是今期新世代攻略主角Vicky對樓市睇法。不過,她坦言,將來有瓦遮頭是必要,想住近市區,單位不要太擠迫。其實避開旺區,東九龍一帶的私樓仍然有盤揀,黃大仙出入市區便捷,毗鄰港鐵站的豪苑,更食正地利優勢,兩房戶最平385萬元起。.

大學生Vicky對買樓取態負面,直言「現階段買樓係有啲不切實際,仲係上唔到車,我覺得要我哋、甚至中產個批人負擔到樓價先叫做合理水平。」

Vicky雖為學生,但年紀輕輕已識錢搵錢,買股票作長線投資。問到她的上車要求,她指,「想屋企住近市區,離工作地點近啲,住嘅單位唔希望太擠迫。」

豪苑近港鐵站 配套多

照Vicky的上車要求,唔揀油尖旺區,東九龍離市區便捷,有港鐵接駁,交通網絡完善,大可考慮黃大仙港鐵站旁的豪苑,樓齡雖舊,勝在有內在美,平實至上,啱晒上車客。

豪苑最大優勢是毗鄰港鐵黃大仙站,且位於龍翔道,可依靠港鐵代步。屋苑共3座物業,涉及600伙,一律為兩房開則,實用面積約330餘至420餘方呎,間隔算好用。景觀方面,部分後排單位可享山景,惟前排則靠近龍翔道,難免較為嘈吵。

屋苑雖無住客會所,惟周邊配套強勁,除有商場及港鐵站,同區的摩士公園,設有泳池、足球場、室內運動場等設施。

交吉盤385萬起

世紀21富山高級經理黃澤龍表示,豪苑今年初的平盤已去貨七七八八,目前細兩房戶有兩個貼價盤,交吉戶約385萬元起,樓價較今年初略為回升2%,令買賣雙方再度膠着,近月未錄得二手成交。