居住天水圍的Ellie，雖嫌出入市區不便，但又鍾情區內寧靜居住環境，最重要是上車價低，供樓負擔不算太大，所以她日後都會考慮在區內置業。Ellie指，寧願揀樓價平的物業，好過要出入方便的貴價市區樓。照Ellie的揀樓要求，天水圍居屋多，部分位置不俗，如天頌苑自由市場價僅約320萬元起，值得考慮。
Ellie是大學一年級生，現修讀語言學系，將來計劃從事翻譯工作，日後薪金及前景會較穩定，上車夢雖仍遙遠，但她已諗定有穩定工作後會積極儲錢，作上車首期。Ellie住在天水圍，她說，「天水圍出入市區其實唔方便，交通好轉折，幸好現時住在宿舍，省卻不少交通時間，但我覺得天水圍區環境幾好，如果未來置業都會考慮這區。」
呻市區樓太貴
Ellie又指，「如果要取捨，我寧願揀樓價平啲，但交通唔方便嘅地區，因為市區樓太貴！」按照Ellie的揀樓要求，天水圍區確有不少平價居屋，適合上車客選擇。
天頌苑鄰近天水圍市中心，共15座物業，樓齡約17年，採康和式及和諧式設計，因早期受短樁事件影響，樓價以平見稱。其中4座為和諧式設計，只提供浴室及廚房間隔，間隔靈活，但未必人人Buy，樓價較康和式設計的座數低。
屋苑單位實用面積約400餘至500餘方呎，方正實用，無窗台，是愛實際的買家心水之選。
天頌苑享地利
天頌苑地理位置不俗，附近康體設施充足，步行約十分鐘，即可到市內最大型的天水圍公園，公園旁則有嘉湖銀座商場及天水圍運動場等。屋苑就近輕鐵站，出入尚算方便。
自由市場盤源不多
祥益高級營業經理蕭嘉偉表示，天頌苑自由市場盤源不多，目前兩房戶僅約十個，叫價約320萬元起，屬市價。屋苑自由市場交投不算活躍，最新買賣要追溯到今年一月，一個兩房戶以約270萬元售出。
App下載
