主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 4331
地產新聞
樓市出更:中環舖劈租27% 冇人吼
(太陽) 2016年2月12日
踏入猴年,本港舖市依然未有復甦迹象。劉Sir八到,核心區再有劈租求租客個案,中環皇后大道中新世界大廈一個現由國際時裝品牌承租嘅舖位,以約132萬元放租,較舊租金低約27%,為區內罕有的大幅度劈租個案。

有老友代理同劉Sir講,上述個案為新世界大廈一個面積約2,400方呎舖位,目前由國際時裝品牌以約180萬元承租,舖位將於三月初交吉,其實早喺舊年十月該舖就以132萬元放租,較舊租金低約27%,但一直未獲承租,放租至今。

睇番資料,舖租大劈個案大多集中銅鑼灣,中環區喺過去半年都好少出現減幅高達四成個案,如同一條街嘅華人行地下舖位舊年底以約180萬元租予鐘錶店,較意大利皮具品牌嘅舊租低約36%;而同一街道原由美國奢侈品牌Coach承租的36號地下至3樓舖位,亦於去年九月以434萬元租予大型運動品牌,較舊租低22.5%。

85舖推拍 開價3953萬

劉Sir八到,早前由連鎖運動用品以約50萬元短租嘅銅鑼灣恩平道與蘭芳道交界單邊舖位,面積約2,600方呎,近日已經完成咗短租租約,租客已經遷出,該舖位新近已經獲另一大型連鎖運動店承租,據悉,舖位早前以約220萬元放租。

而同區原由利是封店以約35萬元短租的羅素街雙號地舖,新近亦已交吉,料新租戶首飾店即將展開裝修。

舖位散業主亦要設法去貨。忠誠拍賣老友代理鄭世傑同劉Sir講,本月中會推出新蒲崗大廈彩虹商場地下共85個舖位,開價3,953.7萬元,該批舖位分布1樓至4樓,由多名散業主推出,已經交吉多時。

據了解,彩虹商場前身為舊式戲院,物業於○六年曾以約5,080萬元易手,當時仲話轉型做商場,但最終未能成事。

安盛兩伙逾六千萬沽

另有資料顯示,灣仔商廈安盛中心13樓01及07室分別以逾3,997萬及逾2,217萬元沽出,兩物業原業主均為瑞天集團有限公司,其公司董事包括黃樹雄。黃氏為亮碧思集團總裁。

美聯旺舖游院玲話,灣仔駱克道167號祐德大廈地舖,面積約950方呎,以約6,800萬元連租約放售,呎價逾7.1萬元。

劉Sir