「離地」法律罅 買家承風險

在農地上興建構築物，究竟買賣雙方責任誰屬？執業大律師陸偉雄表示，在農地搭建構築物會違反有關地契，買家將會蒙受風險，「賣家已經賣咗幅地畀新業主，農地上有任何問題，都會係新業主承受。」

難證賣家倡建構築物

「所謂『離地』嘅貨櫃屋都算係構築物，唔一定係指整個固定物放喺地上先算，其實有幾舊磚做屋腳都已經係構築物，大型涼亭亦是構築物之一。」陸指，農地上興建構築物是屬地契問題，即使農莊提供管理服務，它亦只是一間服務公司，與構築物未必有關係，難以有證據證明構築物是賣家教新業主興建。

法律界人士謝天良表示，貨櫃屋「離地」只是其中一個決定是否違規的因素，構築物的大小、用途卻更為重要，「農莊內嘅構築物只可以放農產物或耕作工具，唔係畀你成個人行入去使用。如果入面放咗家具、床等，設有廁所，呢啲已經偏離咗原有用途。」