主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 3846
地產新聞
樓市出更:工貿署大樓 本地財團拒爭
(太陽) 2016年1月6日
本港商廈全幢放盤非常罕有,政府產業署早前推出標售,市場估值最高達65.4億元嘅旺角工業貿易署大樓將會喺今個禮拜五截標,相信可以吸引發展商、基金及投資者等入標。不過,有市場人士同劉Sir講,若果呢幢大廈重建估計成本會好高,而地下唔少舖位舖面都有遮擋,影響價值,估計需要拆售,但小巴大王馬亞木兒子馬僑生話,項目投入金額太大,未必會考慮入標。

工業貿易署大樓總樓面逾28.4萬方呎,市場估值48至65.4億元。

投入金額高 舖王擰頭

有市場人士同劉Sir講,全幢物業重建有難度,因為日間要把工程車從彌敦道駛入該地盤有一定難度,估計工程通常要在晚間才可進行,變相增加建築成本。再加上該廈有唔少零售舖位舖面及景觀被地鐵遮擋,影響景觀同價值,所以估計買家購入拆售居多。

不過,市場上一眾資深投資者指項目投入金額過高,所以暫未考慮入標。小巴大王馬亞木兒子馬僑生亦表示,因投入金額過高未必會考慮,反而會留意市場會否再有10億元或以下的商場物業。

大新金融中心傳95億洽

舖王鄧成波就估計,今次大多會由內地資金來港競投,認為好難爭,故沒有入標。投資者林子峰話,今次銀碼太大,即使同其他人合資亦難負擔,故未有考慮。

另市傳爪哇控股(00251)旗下灣仔告士打道大新金融中心全幢,傳獲買家出價約95億元洽購,市傳主動洽購買家為內地官方金融機構。另消息稱,觀塘潤承大廈地下後座,以約3,260萬元沽出,呎價約6,037元,較早前叫價低逾五成。另同區駱駝漆3期低層A室以呎價約5,800元售出,涉資約1,020萬元,較早前開價低27.5%。

銅鑼灣舖續減租,駱克道單號地舖,面積約1,000方呎,獲時裝店以30萬元續租,較舊租低21%。而蘭芳道由老牌食肆承租的兩個單號舖位,其中一個面積約1,200方呎,獲連鎖餅店以逾10萬元承租。

此外,林子峰就話,荃灣橫龍街興盛工業大廈車位拆售項目已收票約40張,將於短期內推售車位。據悉,私家車車位及貨車車位入場費分別約160萬及200萬元。

劉Sir