主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 6332
地產新聞
樓市出更:廖偉麟賣車位 涉近億
(太陽) 2015年9月16日
市區車位供應量極少,同住宅唔同,車位仍然有上升空間。近排劉Sir收到風,紀惠集團副主席廖偉麟終決定拆售鰂魚涌英皇道御皇臺49個車位,該批車位喺幾個月前向陽光房託(00435)連同舖位買入,呢批車位入場費約莫190萬元,涉資近1億元,最快月尾開賣,另由於區內幾乎「冇車位賣」,所以可能係同區最貴嘅車位。

美聯商業營業董事羅仲英話,由廖偉麟及相關人士持有嘅御皇臺共49個車位,短期內會拆售。

鎖定用家長線投資者

車位分布喺一樓同埋二樓,分別佔24個及25個車位,售價約190萬至220萬元,今次目標顧客係長線投資者及用家,所以成交期只係去到今年年底。

廖偉麟同劉Sir講,批車位最快月底開賣,尋日開始收票,另外759阿信屋增租御皇臺地舖,連同舊舖一併計面積約4,000方呎,月租約28萬元,租金平均升咗25%,該項目餘下一個舖位交吉。

睇番資料,御皇臺一個非固定車位月租約3,650元,以入場費190萬元計,車位回報率約莫2.3厘左右。

新盤車位都加價。元朗車位做價屢創新高,新世界發展(00017)旗下區內溱柏部分車位落實加價,當中目前售價110萬元的車位,將於下月一日起加價至115萬元,加幅逾4.5%。同時,該盤近日連環沽出7個車位,有買家更一口氣以近300萬元連購3個,項目尚餘約24個車位待售,每個售價介乎110萬至140萬元。

先達360舖70萬入場

劉Sir八到,由資深投資者蔡伯能持有嘅筲箕灣天悅廣場部分舖位,短期內部署拆售並命名為「先達360」,主題會以科技產品為主,涉及逾100個舖位,面積共約2萬方呎,舖位面積約40至150方呎,售價介乎70萬至130萬元,平均呎價約1.1萬元。

中原寫字樓部李婉琪話,由藍馬集團長線持有的太子藍馬之城8樓獲補習社租用,月租約7.5萬元。第一太平戴維斯溫武忠話,上環新紀元廣場低座寫字樓25樓及兩個車位昨日截標,收3份標書。

劉Sir